ТIОЦЕБЕ ИСЛАМ БАСАРАЙ
Хадиджа бинт Хувайлид – МухIаммад Аварагасул ﷺ тIоцеесей хъизан. Гьей йикIана йорхатай, цIодорай, таваккал бугей, ритIухъай, къурайшиязда гъорлъ бищун машгьурай ва къадруяй гIадан.Маккаялъул даранчагIазда гъорлъ Хадижатил кIудияб къадру букIана ва гьелда абулаан «аль-Кубра» абун.
ХIираалъул нохъода вукIиндал тIоцебесеб вахIю рещтIиндал, бихха-хочараб хIалалда вукIарав гьес, рокъовеги вачIун, Хадижатида лъугьа-бахъаралъул бицуна. МухIаммад хIинкъун вукIана авараглъиялъул бакIлъи баччизе кIвеларин, амма Хадижатица гьев гIодове виччазавуна: «Дица баркула дуда гьеб кIудияб рохел. АллагьасхIаги, БетIергьанас мун киданиги гIодовегIан гьавиларо, щайгурелъул дуца щулаго ккола гIагарлъиялъулгун бухьен, кидаго битIараб гурони бицунаро ва кумек гьабула загIипазе».
Имам АхIмадидаса бачIана Авараг ﷺ гьедун вугин, Аллагьас жиндие Хадижатидаса лъикIай чIужу кьечIин абун. Аллагьасул Расулас абулеб букIун буго гьей жинда божанин, цогидаз жив нахъчIвалелъул, гьелъ жиндие боцIи-мал кьунин, гIадамаз жиндихъа бугебщинаб бахъараб мехалъ, Хадижатидаса жиндир лъимал рукIанин, батIиял лъудбуздаса рукIинчIин гьел.
Исламалъул тарихалъулъ Хадижатил кIвар цIакъ кIудияб букIана. Руччабазда гъорлъ тIоцебе ислам босарай чIужугIаданги гьей ккола. Гьединго Аварагасда цадахъ как баразул тIоцеесейги ккола Хадижат.
Барият МухIаммадова
📰 Аs-Salam / ИХIСАН
Хадиджа бинт Хувайлид – МухIаммад Аварагасул ﷺ тIоцеесей хъизан. Гьей йикIана йорхатай, цIодорай, таваккал бугей, ритIухъай, къурайшиязда гъорлъ бищун машгьурай ва къадруяй гIадан.Маккаялъул даранчагIазда гъорлъ Хадижатил кIудияб къадру букIана ва гьелда абулаан «аль-Кубра» абун.
ХIираалъул нохъода вукIиндал тIоцебесеб вахIю рещтIиндал, бихха-хочараб хIалалда вукIарав гьес, рокъовеги вачIун, Хадижатида лъугьа-бахъаралъул бицуна. МухIаммад хIинкъун вукIана авараглъиялъул бакIлъи баччизе кIвеларин, амма Хадижатица гьев гIодове виччазавуна: «Дица баркула дуда гьеб кIудияб рохел. АллагьасхIаги, БетIергьанас мун киданиги гIодовегIан гьавиларо, щайгурелъул дуца щулаго ккола гIагарлъиялъулгун бухьен, кидаго битIараб гурони бицунаро ва кумек гьабула загIипазе».
Имам АхIмадидаса бачIана Авараг ﷺ гьедун вугин, Аллагьас жиндие Хадижатидаса лъикIай чIужу кьечIин абун. Аллагьасул Расулас абулеб букIун буго гьей жинда божанин, цогидаз жив нахъчIвалелъул, гьелъ жиндие боцIи-мал кьунин, гIадамаз жиндихъа бугебщинаб бахъараб мехалъ, Хадижатидаса жиндир лъимал рукIанин, батIиял лъудбуздаса рукIинчIин гьел.
Исламалъул тарихалъулъ Хадижатил кIвар цIакъ кIудияб букIана. Руччабазда гъорлъ тIоцебе ислам босарай чIужугIаданги гьей ккола. Гьединго Аварагасда цадахъ как баразул тIоцеесейги ккола Хадижат.
Барият МухIаммадова
📰 Аs-Salam / ИХIСАН