ICTWEEK UZBEKISTAN 2024

ICT Week Uzbekistan 2024 doirasida ilk bor imkoniyati cheklangan shaxslarni ijtimoiy integratsiya qilish va ishga joylashtirish masalalari muhokama etildi

Raqamli dunyoda teng imkoniyatlar deb nomlangan tadbir imkoniyati cheklangan shaxslarni IT sohasidagi ishtirokiga bag’ishlandi.

Tadbir Raqamli texnologiyalar vazirligi va Ijtimoiy himoya milliy agentligi tomonidan o‘tkazildi.

Uning asosiy maqsadi – imkoniyati cheklangan shaxslarni IT sohasidagi imkoniyatlar, shuningdek, Raqamli texnologiyalar vazirligi va tizim tashkilotlaridagi bo‘sh ish o‘rinlari bilan tanishtirish hamda ularning ijtimoiy integratsiyasini yaxshilashdan iborat.
Joriy yilning fevral oyida O‘zbekiston Prezidenti tashabbusi bilan nogironligi bo‘lgan shaxslarning bandligini ta’minlash maqsadida yangi tizim ishga tushirildi. Ushbu tizim doirasida davlat idoralari va tijorat banklari bilan hamkorlik qilib, 21 ming nafar shaxsni ish bilan band qilish rejalashtirilgan.

Tadbirni kirish so‘zi bilan Raqamli texnologiyalar vaziri maslahatchisi Kamola Sobirova ochib berdi va ushbu tadbirning ahamiyatini yuqori baholadi. Ijtimoiy himoya milliy agentligi direktori maslahatchisi Dilfuzabegim Ro‘zmetova ham bu tashabbusni qo‘llab-quvvatlab, inklyuzivlik yaratish uchun tomonlarning hamkorlikdagi tadbirlarini hududlarda ham amalga oshirish zarurligini ta’kidladi.

Dasturning keyingi qismida Matonat maktabi motivatori Murodbek Jigitov va Mirali G‘iyosov amalga oshirilayotgan loyiha hamda fikr-mulohazalari haqida nutq so‘zladi.

Tadbir doirasida o‘tkazilgan plenar sessiyada esa jamiyatdagi nogironligi bo‘lgan shaxslarga nisbatan qarashlarni o‘zgartirish, ijtimoiy obyektlardagi inklyuzivlik darajasi, raqamli ta’limda inklyuziyani ta’minlash va bandlik masalalari ko‘rib chiqildi.

Dastur doirasida ishtirokchilar imkoniyati cheklangan shaxslar uchun ish o‘rinlarini yaxshilashga qaratilgan tashabbuslar va strategiyalar bilan tanishdilar. Shuningdek, IT sohasidagi bo‘sh ish o‘rinlari va karyera istiqbollari haqida ma’lumot berildi. Kompaniyalar va maxsus imkoniyatlarga ega bo‘lgan shaxslar o‘z tajribalari haqida so‘zlab berdilar.

Tadbir so‘ngida hamkorlik tarmoqlarini kengaytirish va bildirilgan takliflar asosida kelgusida amalga oshirilishi lozim bo‘lgan harakatlar rejasini tasdiqlash masalalari muhokama qilindi.

UZINFOCOM ICTWEEK 2024 da noodatiy stend va qiziqarli loyihalar bilan yodda qoladi!

Yagona integrator UZINFOCOM jamoasi o‘z ko‘rgazma maydonida eng yorqin va zamonaviy loyihalarini namoyish etdi – ular nafaqat kompaniya faxridir, balki butun O‘zbekiston aholisi uchun kundalik qulaylikdir.

UZINFOCOM har doim xilma-xillik sari intiladi, shuning uchun kompaniyada bir-biriga o‘xshash loyihalar deyarli yo‘q: agrosanoatni raqamlashtirish, kiberxavfsizlik yechimlari, ta’limni rivojlantirish loyihalari, biometrik texnologiyalar va butun mamlakat tibbiyot tizimini raqamlashtiruvchi yirik DMED loyihasi ushbu loyihalar ro'yxatiga kiradi.

Agarda siz hali ham bank kartasi bilan to‘lov qilayotgan bo‘lsangiz, yangi texnologiyani sinab ko‘rish vaqti keldi — MyID Palm yordamida qo‘l kaftingiz bilan to‘lovlarni amalga oshiring! Xavfsiz va qulay to‘lovlar kelajakiga tashlangan yangi qadam.

🔥 ICTWEEK 2024 ni o‘tkazib yubormang va UZINFOCOM ning istiqbolli loyihalari bilan shaxsan tanishing!

“ICT Expo - 2024” tashrif buyuring! Unda jami 200 dan ziyod xorijiy va mahalliy IT kompaniyalar ishtirok etmoqda

“CAEx (Central Asian Expo Uzbekistan)” majmuasining jami 10 000 kv.m maydonda tashkiletilayotgan “ICT Expo - 2024” ko‘rgazmasida jami 200 dan ziyod xorijiy va mahalliy IT kompaniyalar ishtirok etishi kutilmoqda.
 
Ma‘lumot uchun: O‘tgan 2023-yilda “ICT Expo - 2023”ko‘rgazmasida  jami 5000 kv.m maydonda tashkil etilayotgan“ICT Expo - 2023” ko‘rgazmasida jami 100 dan ziyod xorijiy vamahalliy IT kompaniyalar ishtirok etgan edi.
 
Shuningdek, 100 ga yaqin yirik xorijiykompaniyalar: Data Volt, Venkom, HP, Yandex, Uzum, Lenovo, Nokia, Dell, CompTIA, Startup Qatar, ZTE, Huawei va IT Park rezidentlari, hamdaaxborot texnologiyalari sohasidagi mahalliy yirik kompaniyalarning yangi innovatsion dasturiy mahsulotlarining taqdimotlari bo‘lib o‘tadi.

Shu bilan bir qatorda ICT WEEK UZBEKISTAN 2024 ko‘rgazmasiga tashrif buyuruvchilar uchun 17-20-sentyabr kunlari tashrif buyuruvchilar uchun shaharning turli nuqtalaridan bepul avtobuslar qatnovi yo‘lga qo‘yilgan.

Ma‘lumot uchun: Avtobuslar jo‘naydigan manzillar:
1. IT Park UZBEKISTAN (Ibrohim Muminov ko‘chasi, 4)
2. "O‘zbekiston" mehmonxonasi
3. "Do'stlik" metro bekati
4. "Buyuk ipak yo'li" metro bekati (Muhammad Yusuf kochasi, sobiq Dagestanskiy ko'cha)
5. Shimoliy vokzal bekati

Avtobuslar soat 9:00 dan boshlab har soatda 18:00 ga qadar qatnaydi.