𝐍𝐨 𝐜𝐥𝐞𝐯𝐞𝐫 𝐰𝐨𝐫𝐝𝐬 🦢

If you know, you know)

Bilmaymiz

O’lim har vaqt kelishi mumkin.

Kecha ko’rgan odaming bugun janozaga chiqarilishini ba’zida hayolinga ham keltirmaysan.

Bunga misolni o’z hayotimda yana bir marta ko’rdim.

Ilgari kuni sochimni sal kaltalatish uchun sartaroshxonaga borgandim.

Navbat ko’p ekan. 1soatdan oshiqroq kutdim.

Kutish davomida ustasi (ustozi) ishini yaqindan kuzatayotgan bir 12-13 yoshli bolaga ko’zim tushdi. Shogird shekilli deb o’yladim.

Navbatim keldi. Sochga ishlov boshlandi. Haligi bolachani yaqindan kuzatdim. Soat kechki 10-11da sal uyqusirayotgan bo’lsa ham, hamma joyni mamnun holda yig’ishtirayotgandi.

Tugalladik.

Chiqayotganda, negadir bolaning ismiga qiziqdim.

- Ismi nima bu shogirdni, Rahim aka?

- Miraziz. Bu hali bitta shogird bo’ladi. Bunaqasi chiqmaydi boshqa… a shogird, shunaqamii??

Pulni berdimda, bolaga yana qaradim. Bola ko’zlarida rostdan nimadir boshqacha ‘olov’ bor edi…

Chiqar paytdimda, ustoz-shogird 31-kuni dam olib, 1-yanvar kuni soat 8da ko’rishishga kelishishdi.

Xayrlashdim.

Kecha, 1-yanvar kuni buvimdan xabar olgani borgandik.
Gap orasida amakim ertalabda kichkina bir bolaning janozasi bo’lganini aytdilar.

- “Rahimboyni shogirti. Ismi Mirafzalmi, Mirazizmi… Xamomdan chiqyotganda sirpanib orqa miyasi bilan tushib, o’libdi…”

Muzladim. Nahot bu o’sha bola bo’lsa…???

Haa. O’sha ekan.

1-yanvar kuni soat 8da ustoz-shogird janozada ‘ko’rishishibdida’…

O’z rahmatiga olsin…

Bir mashhur gap hayolimga keldi:

Bizning tasavvurimiz shunchalik qashshoqki, ertaga nima bo’lishini tasavvur ham qilolmaymiz.

Nassim Taleb

Chuqur mushohada qilsak, rostdan ham, tasavvurotimiz shunchalik qashshoq - erta tugul, birozdan keyin nima bo’lishini bilolmaymiz.

Shunday ekan, yaqinlarimiz bilan vaqt o’tkazmaslik arzirlimi?

Ertaga ular yonida bo’lish armon bo’lib qolsachi…?

Shunday ekan, boshqalar bilan keraksiz ziddiyat aslida arzirlimi?

Ertaga ulardan uzr so’rash armon bo’lib qolsachi…?

Shunday ekan, hayotimizdagi mol-dunyo siqilishga arzirlimi?

Ertaga ularni ishlatish armon bo’lib qolsachi…?

Hali ko’p davom ettirish mumkin…

Xulosa:

Hech narsanining oqibatini bilmaysan, inson!

Borlig’ingni borida boricha qadriga yet!

https://t.me/UlugbekTulkinov

1. Ozgina bo'lsa-da kitob uchun vaqt ajrating
Kitob o'qish uchun dasturlar📱

- Hilol ebook
- Moon Reader(vonlav💙)
- Readera

Karyera uchun kitoblar 📚

- Qadam ba qadam
- O'yla va boy bo'l
- Har kim har kim bo'lishi mumkin