Yomg`irpo`shning tagida yolg`iz,
Qaytayapman uyimga yayov.
Bir parivash boshqa tanada,
Menga azob berar beayov.
So`nggi umid, so`nmagan yulduz,
Atomlarga etadi parcha.
Seni qanday sevmoqligimni
Bilmaganlar qanchadan qancha.
Men bir daraxt, noyabr tugar,
Shamol tegar ignaday tanga.
Ikkimiz ham ishqning yurtidan
Qaytolmasak nahot vatanga.
Barglar qular ko`zyoshday sariq,
Qaltiraydi lablarim qaqrab.
Va bulutlar boshim ustidan
O`tishmoqda hijronday sakrab.
Baxt degani badjahl narsa,
Kiyib olgan to`nin teskari.
Eh sevgilim, chavondozdirman
Dunyo esa katta ko`pkari.
© Sanjar Mashriqiy
