RAMAZON☪️
Sog’inch-la kutgandik, yaqindir visol,
Dengizga oshiqqan tashnalar misol,
Tark etmas bo’lib kelsayding qani
Ramazon! Ko’kdagi eng go'zal hilol.
Avvalo, qalblarda ezgu bir niyat,
Ko’proq savob-chun umid, harakat,
Nur yog’ar samodan, ilohiy ne’mat,
Ramazon! Har zamon kezar barokat.
Kirib kelar go’yo o’zga bir olam,
Oilalar masrur, bo’ladilar jam,
Saharlik, iftorlik, ko’zlarda quvonch,
Ramazon! Dillarga davo-yu malham.
Yangrar masjidlarda go’zal tilovat,
Jamoat, taroveh, ajiyb tarovat,
Qolmas insonlarda gina, adovat,
Ramazon! Yurakka berar xalovat.
Robbimdan Mo’minga imkon bu oyda,
Sakinat hukmron iymon bor joyda,
Ro’zadorga Jannat, mukofot Rayyon
Ramazon! O’qigil, Qur’ondan foyda.
Zanjirband bo’ladi shaytonlar bari,
Mahzunlik egallar ketgani sari,
O’n bir oy kutamiz kelishin yana
Ramazon! Undek yo'q so’ng-u, ilgari.
Jabroil orqali bir tuhfa bordir,
Islom olamida erur hushxabar,
Qur’on nozil bo’lgan "Laylatul qodr" ,
Ramazon! Ijobat barcha duolar.
Kishanli dushman qo’yolmas tuzoq,
Qalqon egalari do’zaxdan yiroq,
"Hidoyat manbai" Kalomullohda
Ramazon! Tark etsa o’rtaydi firoq.
Uni bayramdayin kutadi ummat,
Rohman gunohlarni qilar mag’firat,
Muborak kechalar, savobli kunlar
Ramazon! Har lahza birdek g’animat.
اللهم بلغنا رمضان
▫️@Habibullohdomla
Sog’inch-la kutgandik, yaqindir visol,
Dengizga oshiqqan tashnalar misol,
Tark etmas bo’lib kelsayding qani
Ramazon! Ko’kdagi eng go'zal hilol.
Avvalo, qalblarda ezgu bir niyat,
Ko’proq savob-chun umid, harakat,
Nur yog’ar samodan, ilohiy ne’mat,
Ramazon! Har zamon kezar barokat.
Kirib kelar go’yo o’zga bir olam,
Oilalar masrur, bo’ladilar jam,
Saharlik, iftorlik, ko’zlarda quvonch,
Ramazon! Dillarga davo-yu malham.
Yangrar masjidlarda go’zal tilovat,
Jamoat, taroveh, ajiyb tarovat,
Qolmas insonlarda gina, adovat,
Ramazon! Yurakka berar xalovat.
Robbimdan Mo’minga imkon bu oyda,
Sakinat hukmron iymon bor joyda,
Ro’zadorga Jannat, mukofot Rayyon
Ramazon! O’qigil, Qur’ondan foyda.
Zanjirband bo’ladi shaytonlar bari,
Mahzunlik egallar ketgani sari,
O’n bir oy kutamiz kelishin yana
Ramazon! Undek yo'q so’ng-u, ilgari.
Jabroil orqali bir tuhfa bordir,
Islom olamida erur hushxabar,
Qur’on nozil bo’lgan "Laylatul qodr" ,
Ramazon! Ijobat barcha duolar.
Kishanli dushman qo’yolmas tuzoq,
Qalqon egalari do’zaxdan yiroq,
"Hidoyat manbai" Kalomullohda
Ramazon! Tark etsa o’rtaydi firoq.
Uni bayramdayin kutadi ummat,
Rohman gunohlarni qilar mag’firat,
Muborak kechalar, savobli kunlar
Ramazon! Har lahza birdek g’animat.
اللهم بلغنا رمضان
▫️@Habibullohdomla