ГУЛЛАР ИФОРИ🌺🌺🍃

“Ҳаётнинг энг катта совғаси – бу сизнинг овозингиздан кайфиятингизни ҳис қила оладиган инсонингиз бўлиши.” 💫

ХУЛОСА

Инсон ўзи ёқтирган ўзи яхши кўрган касби билан шуғулланса, бир вақтнинг ўзида ҳам ишлаши, ҳам ҳордиқ чиқариши мумкин.

Бошланган янги кун барчамизга файз-баракотли бўлсин!!!

Дедим: Ғаминг чекарман. Деди: Ўтар бу ғам ҳам
Дедимки: Менга бўл ой. Деди: Чиқар бирор дам.

Дедим: Вафолилардан ўрган вафо йўлини.
Деди: Гўзал санамда меҳру вафо бўлур кам.

Дедим: Сочинг иси-ла йўлдан бутун адашдим.
Дедики: Бандалик эт — бўлгай нигор ҳотам.

Дедимки: Тоза кўнглинг бўлгай қачон мулойим?
Деди: Жафога сабр эт, шояд етар ўшал дам.

Дедим: Хаёлинг ила термулди кўз йўлингга.
Дедики: Тун юрарнинг сўқмоғи бошқа олам.

Дедим: Ажаб ҳаво бу — жаинатдан эсди гўё.
Деди: Бу ёр саридан эсган шабада — кўклам.

Дедим: Лабинг майининг орзуси бирла ўлдим.
Дедики: Сабр қилсанг, бўлғуси дардга марҳам.

Дедимки: Айшу суҳбат, кўрдингки, қандай ўтди?
Деди: Жим ўлки, Ҳофиз, кечгай бу қайғу — мотам.

Хофиз Шерозий

🌅 Бисмиллаҳир роҳманир роҳийм.

Саҳар…

Тун ҳали бутунлай чекинмаган. Осмоннинг бағрида сўнгги юлдузлар милтиллаб турибди. Ер юзига ёйилган сокинликни фақат узоқдаги қушнинг майин сайраши бузади.

Ҳавода тундан қолган салқинлик бор.
Барг учларида шабнам томчилари жимгина титрайди.
Дарахтлар гўё ҳали уйқуда…
Кўчалар ҳали одамлар шовқинини билмайди.

Ва шу сукут бағрида осмоннинг бир четида бир парча нур пайдо бўлади…

Аввалига жуда хира.
Кейин аста-секин олтин тусга киради.
Қоронғулик чекинади.
Тонг эса гўё: “Умидингни йўқотма, яна бир кун берилди…” дегандек кириб келади.

Эй Роббим…

Биз ҳам шу тонг билан бирга Сенинг эшигингга келдик.

Кеча юрагимизда қолган оғриқлар билан…
Айтилмай қолган сўзлар билан…
Ичимизда яширинган қўрқувлар билан…
Ва ҳеч ким билмаган орзуларимиз билан…

Сен эса буларнинг барини биласан.

Шунинг учун, эй Аллоҳим, тонгнинг биринчи нури билан қалбимизга ҳам нур туширгин.

Кеча ёстиққа бош қўйганда яширинча кўз ёш тўккан инсонга бугун шундай қувонч бергинки, у кечаги дардини эслаб:

“Алҳамдулиллаҳ… Менинг Роббим мени ташлаб қўймабди”, десин.

Кимдир ҳозир бир хабарни кутиб уйғонди…
Кимдир бир инсоннинг соғлигидан хавотирда…
Кимдир рўзғор ташвишини ўйлаб кўзини очди…
Кимдир эса қалбидаги бўшлиқни ҳеч кимга билдирмай яшириб келмоқда.

Эй меҳрибон Роббим, ҳар бир юракка Ўзингдан бир тасалли юборгин.

Шабнам гулни қандай жимгина ўпиб турса, раҳматинг ҳам синган қалбларни шундай сезилмас меҳр билан бағрига олсин.

Тонг нури қоронғуликни қандай енгса, Сенинг раҳматинг ҳам ҳаётимиздаги ташвишларни шундай енгиб ўтсин.

Қуёш аста-секин кўтарилиб, бутун оламни олтин нурга бўяётганида, биз ҳам қалбимизда янги бир умид туғилганини ҳис қилайлик.

Эй Аллоҳим…

Бизга шундай кунларни насиб қилгинки,
бугунги оғриқлар эртанги шукрга,
бугунги сабрлар эртанги қувончга,
бугунги кўз ёшлар эртанги табассумга айлансин.

Биз ёпилди деб ўйлаган эшикларнинг ортида Сенинг биз учун тайёрлаган энг гўзал йўлинг бор бўлсин.

Биз “тамом” деган жойда Сен “ҳали бошланмади” дегин.

Биз “имкон йўқ” деган жойда Сенинг қудратинг намоён бўлсин.

Биз умидсиз қолган лаҳзада қалбимизга шундай бир нур тушсинки, у туннинг энг қоронғи пайтида ҳам йўлимизни кўрсатиб турсин.

Эй Роббим, бугун…

Ота-оналаримизни асрагин.
Фарзандларимизни паноҳингда сақлагин.
Касалларга шифо бергин.
Қийналаётганларга енгиллик бергин.
Ёлғизларга ҳамроҳ, муҳтожларга ризқ, қарздорларга осонлик, қалби синганларга тасалли бергин.

Ва бизга…

Сенинг розилигингдан айрилмай яшашни,
Сенинг раҳматингдан умид узмай яшашни,
Сенинг берган ҳар бир тонгингни қадрлаб яшашни насиб қилгин.

Саҳарнинг сўнгги юлдузи ҳам сўниб, қуёш тўлиқ бош кўтараётган бир пайтда, қалбимизда битта ишонч қолсин:

“Қандай кун бўлишидан қатъи назар, менинг Роббим бор.”

Шу ишончнинг ўзи бизга етар.

🤲 Эй Аллоҳим, бу тонгни қалбимизга хотиржамлик олиб кирган тонг қилгин. Бугунги кунимизни кечаги дардларимизнинг давоми эмас, балки янги бахтларимизнинг бошланиши қилгин.

Омин, ё Роббал оламийн. 🌅🤲

ТОНГГИ ДУО

Бисмиллаҳир роҳманир роҳим...
Аллоҳим...
Бу тонг эшигимга умид, қалбимга ҳаловат, умримга барака ёзгин.
Бугун мени Сенинг муҳаббатингдан узоқлаштирадиган ҳар бир сўз, ҳар бир фикр ва ҳар бир амалдан Ўзинг асрагин.
Кўзларимга гўзалликларни кўришни, тилимга ширин сўзлашни, қалбимга кечиримли бўлишни, руҳимга эса Сенга суянган ҳолда яшашни насиб этгин.

Эй раҳмлиларнинг энг раҳмлиси...
Бугун ташлаган ҳар бир қадамимни хайрли қилгин.
Меҳнатларимга барака бергин.
Кутаётган хайрли хушхабарларимни енгиллаштиргин.
Кечиккан дуоларимни раҳматинг ила гўзаллаштиргин.
Қалбимда асраган барча ниятларимни Ўзинг биласан, Роббим...

Мен учун хайрли бўлганини енгил қилгин, хайрли бўлмаганини эса кўнглимни оғритмасдан мендан узоқлаштиргин.
Уйимни тинчлик-ҳаловат, дастурхонимни барака, оиламни соғлик, кўнглимни эса иймон билан тўлдиргин.
Қарздорларга енгиллик, беморларга шифо, иш излаётганларга хайрли эшиклар, фарзанд кутаётганларга хайрли фарзандлар, оила қурмоқчи бўлганларга солиҳ ва солиҳа жуфтлар насиб этгин.

Бугун ҳеч кимнинг қалбини оғритмай яшашни, оғринган дилларни овутишни ва менга омонат қилган умрингни Сенинг розилигингга мувофиқ ўтказишни насиб этгин.

Бу кунни раҳматинг, мағфиратинг ва бараканг билан гўзал қилгин.

Сен ёнимда эканнг, ҳеч бир эшик мен учун ёпиқ қолмаслигига ишонаман.
Сенга суянаман... Сенга сиғинаман...
Ва бу кунимни Сенга омонат қиламан.

Омин.