Future Lawyers👩‍⚖️🎓⚖️

Advokat maqomini to‘xtatib turish malaka komissiyalarining qarori bilan quyidagi hollarda amalga oshiriladi:

1. advokat advokatlik faoliyati bilan birga olib borib bo‘lmaydigan doimiy lavozimga saylanganda yoki tayinlanganda;
2. ta’lim muassasalariga, shu jumladan kadrlar malakasini oshirish va ularni qayta tayyorlash kurslariga o‘qishga kirganda ko‘pi bilan uch yilga;
3. homiladorlik va tug‘ish, uch yoshgacha bo‘lgan bolani parvarish qilish bo‘yicha ta’tillar berilganda;
4. advokat yoki uning yaqin qarindoshi og‘ir kasalligi sababli vaqtincha mehnatga qobiliyatsizlik tufayli tibbiy xulosa taqdim etilganda — sog‘ayguncha, biroq ko‘pi bilan bir yilga;
5. advokat qonunchilikda belgilangan tartibda bedarak yo‘qolgan deb topilganda;
6. advokat harbiy xizmatga chaqirilganda;
7. sud tomonidan advokatga nisbatan tibbiy yo‘sindagi majburlov choralarini qo‘llash to‘g‘risida qaror qabul qilinganda;
8. litsenziyaning amal qilishi to‘xtatib turilganda;
9. advokatlik tuzilmasi tugatilganda yoki advokat undan chiqqanida;
10. Advokatda advokatlik faoliyati bilan bir oydan ortiq muddatga shug‘ullanishdan ozod qilinishiga qonunchilikda nazarda tutilgan boshqa asoslar mavjud bo‘lganda;

"Advokatura to'g'risida"gi qonun

Advokatlik tuzilmalari.

8-sinf darslikda advokatlik tuzilmalari haqida aytib o'tilgan bo'lib, afsuski, to'liq ma'lumot berilmagan. Ushbu postda tuzilmalar haqida batafsil ma'lumot berib o'taman.

1. Advokatlik byurosi
Advokatlik byurosi advokatlik faoliyatini yakka tartibda amalga oshirish uchun advokat tomonidan ta’sis etilgan, notijorat tashkiloti bo‘lgan advokatlik tuzilmasidir.

2. Advokatlik firmasi
Advokatlik firmasi sheriklikka asoslangan va advokatlik faoliyatini amalga oshirish uchun advokatlar tomonidan ta’sis etilgan, notijorat tashkiloti bo‘lgan advokatlik tuzilmasidir.

3. Advokatlar hay’ati
Advokatlar hay’ati a’zolikka asoslangan va advokatlik faoliyatini amalga oshirish uchun advokatlar tomonidan ta’sis etilgan, notijorat tashkiloti bo‘lgan advokatlik tuzilmasidir.

4. Yuridik maslahatxona
Yuridik maslahatxona — advokatlik faoliyatini amalga oshirish uchun Advokatlar palatasining hududiy boshqarmasi tomonidan tashkil etiladigan va yuridik shaxs maqomiga ega bo‘lmagan advokatlik tuzilmasi. Yuridik maslahatxona tegishli hududda yuridik yordamga bo‘lgan ehtiyojlarni qanoatlantirish uchun advokatlik tuzilmalarining soni yetarli bo‘lmagan hollarda Advokatlar palatasining hududiy boshqarmasi tomonidan tashkil etiladi.

Qisqacha qilib aytadigan bo'lsak:
✅Advokatlik byurosi - Advokatlik faoliyatini yakka tartibda amalga oshiradi
✅ Advokatlik firmasi - Sheriklikka asoslangan advokatlik tuzilmasi
✅ Advokatlar hay’ati - A’zolikka asoslangan advokatlik tuzilmasi
✅ Yuridik maslahatxona - advokatlik tuzilmalarining soni yetarli bo‘lmagan hollarda Advokatlar palatasining hududiy boshqarmasi tomonidan tashkil etiladi.

Mahalla raislari vakolat muddati kengaydi

Mahalla raislarining vakolat muddati 3 yildan 5 yilga uzaytirilmoqda. Mahalla raislari saylovini o‘tkazish vakolati Senat kengashidan Qoraqalpog‘iston Respublikasi Jo‘qorg‘i Kengesi, xalq deputatlari viloyatlar va Toshkent shahar kengashiga o‘tkazilmoqda.

Deputatlar qonunchilik tashabbusi asosida ishlab chiqilgan qonun loyihasi uch o‘qishda qabul qilindi.

Oilaviy munosabatlarni tartibga solish tamoyillari quyidagilardan iborat:

1️⃣ erkak va ayolning ixtiyoriy ravishda nikoh tuzishi;
2️⃣ er va xotinning shaxsiy hamda mulkiy huquqlari tengligi;
3️⃣ ichki oilaviy masalalarning o‘zaro kelishuv yo‘li bilan hal qilinishi;
4️⃣ oilada bolalar tarbiyasi, ularning farovon hayot kechirishi va kamoloti haqida g‘amxo‘rlik qilish;
5️⃣ voyaga yetmagan va mehnatga layoqatsiz oila a’zolarining huquq va manfaatlarini himoya qilish ustuvorligi.

📕Asos: Oila kodeksining 2-moddasi

Yangi nashrdagi 9- sinf Huquqshunoslik kitobi📚⚖️

KONSTITUTSIYA — 2023-yil

#yagona

15-modda — O‘zbekiston Respublikasi Konstitutsiyasi mamlakatning butun hududida #YAGONA huquqiy makonning asosini tashkil etadi;

22-modda — O‘zbekiston Respublikasining butun hududida #YAGONA fuqarolik o‘rnatiladi;

28-modda — Agar shaxsning o‘z aybini tan olganligi unga qarshi #YAGONA dalil bo‘lsa, u aybdor deb topilishi yoki jazoga tortilishi mumkin emas;

144-modda — Prokuratura organlarining #YAGONA markazlashtirilgan tizimiga O‘zbekiston Respublikasining Bosh prokurori boshchilik qiladi;

147-modda — O‘zbekiston Respublikasi o‘zining #YAGONA moliya, pul va bank tizimiga ega;

149-modda — O‘zbekiston Respublikasi hududida #YAGONA soliq tizimi amal qiladi.

150-modda — So‘m O‘zbekiston Respublikasining butun hududida #YAGONA cheklanmagan qonuniy to‘lov vositasidir.

Bezorilik – jamiyatdagi yurish-turish qoidalarini buzish va mensimaslik. Bunday bezori shaxslar taqiqlangan joylarda alkogol ichimliklar ichadi, boshqa insonlarni haqoratli gaplar
bilan soʻkadi. Yaʼni jamoat joylarida nomaqbul ishlarni qiladi.

Bitim – fuqaro va yuridik shaxslarning oʻzaro kelishuvga olib keladigan harakatlari. Masalan, sizning doʻkonga borib, muzqaymoq sotib olishingiz bitim boʻladi.

Blog inglizcha “web log” soʻzidan qisqartirib yasalgan boʻlib, “internet kundalik”, “internet qaydnoma”, “onlayn bitik” kabi maʼnolarni anglatadi.

10-sinf Huquqshunoslik boʻyicha Yuridik terminlar.✅

Yerlarni ifloslantirish yoki buzish, suv yoki atmosfera havosini ifloslantirish
odamlarning ommaviy ravishda kasallanishi, hayvonlar, parrandalar yoki
baliqlarning qirilib ketishi yoki boshqacha og‘ir oqibatlarga sabab bo‘lsa, —
bazaviy hisoblash miqdorining yuz baravaridan ikki yuz baravarigacha miqdorda
jarima yoki besh yilgacha muayyan huquqdan mahrum qilish yoxud uch yuz
oltmish soatgacha majburiy jamoat ishlari yoki uch yilgacha axloq tuzatish
ishlari bilan jazolanadi.
O‘sha qilmishlar odam o‘lishiga sabab bo‘lsa, — muayyan huquqdan mahrum
qilib, bir yildan uch yilgacha ozodlikni cheklash yoki uch yilgacha ozodlikdan
mahrum qilish bilan jazolanadi.


203-modda.
Suv yoki suv havzalaridan foydalanish shartlarini buzish.
Suv yoki suv havzalaridan foydalanish shartlarini buzish og‘ir oqibatlarga sabab
bo‘lsa - bazaviy hisoblash miqdorining ellik baravaridan yuz baravarigacha
miqdorda jarima yoki uch yuz oltmish soatgacha majburiy jamoat ishlari yoki
uch yilgacha axloq tuzatish ishlari yoxud bir yildan uch yilgacha ozodlikni
cheklash yoki uch yilgacha ozodlikdan mahrum qilish bilan jazolanadi.

Darsliklarda keltirilgan Jinoyat kodeksiga doir moddalar:


245-modda Shaxsni garov sifatida tutqunlikka olish.
Garov sifatida tutqunlikka olingan shaxsni ozod qilish sharti bilan davlat, xalqaro
tashkilot, jismoniy yoki yuridik shaxsdan biron-bir harakat sodir etish yoki biron-
bir harakat sodir etishdan o‘zini tiyib turishni talab qilish maqsadida shaxsni
garov tariqasida tutqunlikka olish yoki tutqunlikda ushlab turish, ushbu
Kodeksning 155, 165-moddalarida nazarda tutilgan alomatlar bo‘lmasa, - besh
yildan o‘n yilgacha ozodlikdan mahrum qilish bilan jazolanadi.

ko‘p miqdorda daromad olish bilan bog‘liq bo‘lsa, — bazaviy hisoblash
miqdorining ellik besh baravari miqdorida jarima yoki besh yilgacha muayyan
huquqdan mahrum qilish yoxud uch yuz soatgacha majburiy jamoat ishlari yoki
uch yilgacha muddatga axloq tuzatish ishlari bilan jazolanadi.
Ushbu moddaning beshinchi qismida nazarda tutilgan harakatlar:
1) xavfli retsidivist tomonidan;
2) bir guruh shaxslar tomonidan oldindan til biriktirib sodir etilgan bo‘lsa, —
bazaviy hisoblash miqdorining yuz baravari miqdorida jarima yoki uch yuz
soatdan to‘rt yuz sakson soatgacha majburiy jamoat ishlari bilan jazolanadi.
Birinchi marta jinoyat sodir etgan shaxs, agar u jinoyat aniqlangan kundan
e’tiboran o‘ttiz kunlik muddatda faoliyat bilan litsenziyasiz, shuningdek faoliyat
(harakatlar) bilan ruxsat etish xususiyatiga ega hujjatsiz yoki xabarnoma
yubormasdan shug‘ullanish oqibatlarini bartaraf etgan va yetkazilgan moddiy
zararning o‘rnini qoplagan bo‘lsa, javobgarlikdan ozod etiladi.

193-modda.
Ekologiya xavfsizligiga oid normalar va talablarni buzish
Sanoat, energetika, transport, kommunal xizmat, agrosanoat, ilm-fan obyektlari
yoki boshqa obyektlarni loyihalash, joylashtirish, qurish va ishga tushirib
foydalanish normalari va qoidalarining mansabdor shaxs tomonidan buzilishi,
yoxud davlat komissiyasining a’zolari tomonidan bu obyektlarni normativ
hujjatlarda belgilangan qoidalarni buzib qabul qilinishi insonning o‘limi,
odamlarning ommaviy ravishda kasallanishi, ekologiyaga salbiy ta’sir qiladigan
darajada atrof muhitning o‘zgarib ketishiga yoki boshqacha og‘ir oqibatlarning
kelib chiqishiga sabab bo‘lsa, — bazaviy hisoblash miqdorining yuz baravaridan
ikki yuz baravarigacha miqdorda jarima yoki uch yilgacha muayyan huquqdan
mahrum qilish yoki uch yuz oltmish soatgacha majburiy jamoat ishlari yoxud
ikki yildan uch yilgacha axloq tuzatish ishlari yoki bir yildan uch yilgacha
ozodlikni cheklash yoki uch yilgacha ozodlikdan mahrum qilish bilan jazolanadi.

194-modda.
Atrof tabiiy muhitning ifloslanganligi to‘g‘risidagi ma’lumotlarni
qasddan yashirish yoki buzib ko‘rsatish
Maxsus vakolatga ega mansabdor shaxslar tomonidan zararli ekologik
oqibatlarni keltirib chiqargan halokatlar yoki atrof tabiiy muhitning radiatsiyaviy,
kimyoviy, bakteriyaviy ifloslanganligi yoxud odam hayoti yoki sog‘lig‘i, tirik
tabiat uchun xavfli bo‘lgan boshqacha tarzda ifloslanganligi haqidagi yoxud
aholi salomatligining holatiga doir ma’lumotlarni qasddan yashirilishi yoki buzib
taqdim etilishi aholining ommaviy kasallanishi, hayvonlar, parrandalar yoki
baliqlarning qirilib ketishi yoki boshqacha og‘ir oqibatlarga sabab bo‘lsa, —
bazaviy hisoblash miqdorining yuz baravaridan ikki yuz baravarigacha
miqdorda jarima yoki besh yilgacha muayyan huquqdan mahrum qilish yoxud
uch yuz oltmish soatgacha majburiy jamoat ishlari yoxud uch yilgacha axloq
tuzatish ishlari bilan jazolanadi.
O‘sha qilmishlar odam o‘lishiga sabab bo‘lsa, — muayyan huquqdan mahrum
qilib, bir yildan uch yilgacha ozodlikni cheklash yoki uch yilgacha ozodlikdan
mahrum qilish bilan jazolanadi.

195-modda.
Atrof tabiiy muhitning ifloslanishi oqibatlarini bartaraf qilish
choralarini ko‘rmaslik
Mansabdor shaxsning ekologiyasi ifloslangan joylarni dezaktivatsiya qilish yoki
boshqacha tarzda tiklash choralarini ko‘rishdan bo‘yin tovlashi yoki bunday
ishlarni yetarli darajada bajarmasligi odamlarning ommaviy ravishda
kasallanishi, hayvonlar, parrandalar yoki baliqlarning qirilib ketishi yoki
boshqacha og‘ir oqibatlarga sabab bo‘lsa, — bazaviy hisoblash miqdorining yuz
baravaridan ikki yuz baravarigacha miqdorda jarima yoki besh yilgacha muayyan
huquqdan mahrum qilish yoxud uch yuz oltmish soatgacha majburiy jamoat
ishlari yoxud uch yilgacha axloq tuzatish ishlari bilan jazolanadi.
O‘sha qilmishlar odam o‘lishiga sabab bo‘lsa, — muayyan huquqdan mahrum
qilib, bir yildan uch yilgacha ozodlikni cheklash yoki uch yilgacha ozodlikdan
mahrum qilish bilan jazolanadi.

196-modda. Atrof tabiiy muhitni ifloslantirish