Futbol Maftuni

"Real Madrid" yoxud Mbappe hikoyasi

Hozirgi kunda bu eng aktual mavzuga aylanib qoldi. "Real Madrid"ning "Barselona"ga, so'ngra "Milan"dan uchralgan yirik mag'lubiyati hammaning fikriga ko'ra Mbappe asosiy aybdor. Lekin keling sal chuqurroq o'ylab ko'raylik-chi.

Aslida haqiqatan ham Mbappening kelishi jamoaga salbiy taʼsir qildimi?
Menimcha unchalik emas. O'zi shu ikkita mag'lubiyat ham jamoani atrofida gaplar aylanishiga sababchi bo'ldi. Nima? Oldinlari hech "Real Madrid" "Barselona"ga yirik hisobda yutqazmaganmidi? Yaqin o'tmishda Xavining jamoasi ham 4:0 hisobida yutgan edi-ku.

Bu yerda asosiy muammo Anchelottiga borib taqalayotgandek go'yoki. Sabablarini oddiy tushuntiraman. Valverdeni hatto mening 10 yoshli jiyanim ham yarim himoyachi deb hisoblaydi. Lekin negadir u vingerlik qilib yuribdi. Biz bilgan Bellingem azaldan 10 raqam vazifasini bajaradi. Lekin negadir u to'qqizlikda paydo bo'lmoqda. Qarshi hujumlarda esa asosiy qarshi hujumlarga ulgura olmayapti. Bilmadim, negadir Anchelotti g'alatidan g'alati joylashuvlarni yaratmoqda. Oldinlari Kamavinga, Chuameni, Valverde doim birga asosiy tarkibda bo'lmas edi. Biri zaxirada qoldirilardi. Bu safar shularning birga maydonda bo'lishi meni nazdimda o'yin tizginini notadan chiqarib yubormoqda. Agar markazda Kamavinga va Valverdelarni tushirsa (yoki birini o'rniga Chuameni) hujum ortida Bellingem, hujum uchligida esa Vini, Endrik, Mbappe bo'lsa bari joyiga tushadigandek tuyilmoqda. Yoki Rodrigoni o'ng qanotga qoʻyib Mbappeni hujum markaziga ko'chirsa qanday bo'ladi deb o'ylaysiz? To'gri, bu yerda Mbappe undan oldin o'z ustida ishlashi, o'ng va hujum markazida o'zini qulay his qilishi zarur. Ammo bu yechim bo'la olamikan?

Lekin negadir Karlo bobo bu narsani istamayapti yoki bizni o'qimayapti.
Mbappega PSJ klubiga Messi kelishi yomon taʼsir qilgandi. Sababi Neymar ham Mbappe ham yugurishni unutib qoʻyishgandi. Balki shu sababli ham o'sha vaqtdagi amaldagi "Oltin to'p" sohibi bilan PSJ chempionlar ligasini yuta olmagandi. Klubdan ularning saviyasi juda katta edi. Mbappe esa hali ham PSJ safidaman deb o'ylayapti. "Real Madrid" jamoasida bunaqa yigitlarni popugini tushirib qoʻyish qandayligini bilishadi. Dunyodagi eng kuchli Liga deya aytiladigan APLdan kelgan Azarning ishlari jarohatlar sababli yurishmagan bo'lsa. Mbappening dangasaligi sababli "porlamagan yulduz" deya eslashimiz mumkin. Balki u o'zini tiyib olguncha zaxiradan tushirish kerakdir. Bilmadim, lekin yigitcha xayollarini yig'ishtirib olmasa Peres boboning qahriga uchrashi hech gap emas.

Keling siz ham bir fikr yuritingchi. Qaysi fikrimiz to'g'ri kelmoqda. Anchelotti taktikada yoki joylashuvda xatolikka uchrayaptimi yoki Mbappening dangasaligi jamoaning o'yiniga tasir qilmoqdami?

𝑲𝒂𝒏𝒂𝒍𝒈𝒂 𝒐𝒃𝒖𝒏𝒂 𝒃𝒐ʻ𝒍𝒊𝒔𝒉👇
@Maftuna_Valiy