Фурқат тумани ҳокимлиги

❗️ Кадастр агентлиги директорининг мурожаати

Бугун 8 ноябрдан миллионлаб юртдошларимиз кутган “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги қонун кучга киради.

Узоқ йиллар давомида ўзи яшаб келаётган уйини расмийлаштириб олишни ният қилиб юрган ҳалол инсонлар кўп аммо, вазиятдан фойдаланиб, ноқонуний йўллар билан даромад қилишни режа қилиб юрган «уддабуронлар» ҳам йўқ эмас.

Сизларни бундай нопок кимсаларнинг ҳар қандай сўзлари ва ваъдаларига ишонмасликка чақираман!

Биринчидан, маҳаллалар аниқ тасдиқланган режа-график асосида хатловдан ўтказилади. Бири қолиб иккинчисига ўтилмайди, яъни халқ тили билан айтганда “тезлаштириб беришнинг имкони йўқ!”.

Иккинчидан, хатловдан кейин «ЭЪТИРОФ» дастурига киритилган ҳар бир ҳолат бўйича 15 дан ортиқ вазирлик ва идоралар хулосаларини беради ҳамда космик суратлар ёрдамида таҳлил қилинади. Халқ тили билан айтганда “иложини қилиб ўтказиб бўлмайди!”.

Учинчидан, хатлов жараёнида қонун билан аниқ белгилаб берилган 8 та тоифага кирувчи ҳолатлар ўрганилади. Ҳозирда эгаллаб олиб, қурилиш қилиб қонунийлаштириб олишни режа қилаётганлар жавобгарликка тортилади ва бу ишлар ҳам ахборот тизимлари орқали назорат қилинади. Халқ тили билан айтганда “таниш-билиш ўтмайди!”.

Ҳурматли юртдошлар, ҳар қандай ҳолатда ҳам фирибгарлик, таъмагирлик ёки коррупция ҳолатларига дуч келсангиз ҳуқуқни муҳофаза қилиш органларига хабар беринг.

Мазкур Қонуннинг адолатли ва самарали ижро этилиши барчамизга бирдек боғлиқ эканлигини ёддан чиқармайлик.

Фурқат тумани аҳолиси диққатига!

Фарғона вилояти ҳокими – фуқаро муҳофазаси бошлиғи Хайрулло Бозоровнинг 2024 йил 6 сентябрдаги 308-11-0-F/24-cонли буйруғига асосан вилоятдаги барча бошқарма ва ташкилотлар, шаҳар ва туманлар ҳокимликлари томонидан совуқ об-ҳаво шароитининг салбий оқибатларини юмшатишга қаратилган чора-тадбирлар амалга оширилмоқда.

❄️ Об-ҳавонинг кескин ўзгариши туфайли коммунал соҳаларда баъзи муаммолар юзага келиши мумкин. Шу муносабат билан куз-қиш мавсумини беталофат ўтказиш ҳамда вужудга келган муаммоларни ўз вақтида бартараф этиш мақсадида Фурқат тумани ҳокимлиги ҳамда мутасадди идораларда навбатчилик штаблари узлуксиз фаолият олиб бормоқда.

Ҳурматли фуқаролар, агарда сизда айни соҳага доир мурожаатларингиз бўлса, мутасадди раҳбарлардан ташкил топган штаб аъзоларига етказишингиз мумкин.

📞 Мурожаат учун телефонлар:
🏢 Фурқат тумани ҳокимлиги марказий штаби
☎️ 73-549-25-58
Штаб раҳбари – Фурқат тумани ҳокимининг капитал қурилиш ва коммуникациялар масалалари бўйича ўринбосари – Рауфжон Хамдамов;
📱 Тел: 94-556-06-03 (ўринбосар); 93-374-60-66 (бош мутахассис)

🏘Фурқат тумани Қурилиш ва уй-жой коммунал хўжалиги бўлими бошлиғи- Фурқатжон Сотволдиев
📱тел: 91-111-21-49

🏘Уй-жой коммунал хўжалиги бўлими мутахассиси- Сарвар Юлдашев
📱тел: 90-556-30-21
☎️ Тел: 73-549-25-61 (ишхона)

🏘Кўп қаватли уйларга хизмат кўрсатиш "Хумо Турон" МЧЖ рахбари- Сарваржон Тошматов
📱тел: 90-566-00-75

💡 Фурқат тумани электр таъминоти корхонаси директори - Қахрамон Юсупов;
📱 Тел: 93-980-64-82 (раҳбар) ; 91-147-81-00 (бош муҳандис)
☎️ Тел: 73-549-27-05: 73-549-26-15 (диспетчер)

🔥“Ҳудудгаз Фарғона” ГТФ “Фурқаттумангаз” бўлими бошлиғи - Зохиджон Акбаров;
📱 Тел: 97-555-17-67 (раҳбар); 91-683-41-40 (бош муҳандис)
☎️ Тел: 73-549-10-04 (диспетчер), 104 (ишонч телефони)

🚰"Фарғона сув таъминоти” МЧЖ Фурқат тумани филиали бошлиғи Ойбек Шукуров
📱Тел: 94-445-80-50; (раҳбар)
☎️ Тел: 73-549-13-70 (диспетчер)

🚒 Туман Фавқулодда вазиятлар бўлими бошлиғи - Нурилло Кенжаев;
📱 Тел: 91-698-19-85 (раҳбар)
☎️ Тел: 73-549-11-01 (диспетчер); 101 (ишонч телефони)

🏫 Мактаб ва мактабгача таълим бўлими мудири -
Муҳаммаджон Ортиқов;
📱 Тел: 91-692-26-77 (раҳбар) ; 91-650-13-18 (мудир ўринбосари)
☎️ Тел: 73-549-11-48 (қабулхона)

🚑 Туман Тиббиёт бирлашмаси бошлиғи - Бунёджон Мелиев
📱 90-587-03-01 (раҳбар), 95-031-08-76 (ўринбосари) , 91-155-58-20 (бош муҳандис)
☎️ Тел: 73-549-16-03 (диспетчер)

Еттинчи чақириқ Халқ депутатлари Фурқат тумани Кенгашининг биринчи сессияси бўлиб ўтди

Бугун еттинчи чақириқ Халқ депутатлари Фурқат тумани Кенгашининг биринчи сессияси бўлиб ўтди. Унда вилоят ҳокими ўринбосари Хуршиджон Аҳмедов иштирок этди.

Сессияда туман сайлов комиссияси раиси Мақсудали Холиқов жорий йил 27 октябрда бўлиб ўтган сайлов якунлари тўғрисидаги ахборотини ўқиб эшиттирди. Сессияда депутатлар партия гуруҳлари рўйхатга олиниб, туман кенгашининг Регламенти ва доимий комиссиялар тўғрисидаги Низоми тасдиқланди.

Сессия ишида вилоят ҳокимининг Фурқат тумани ҳокимини тайинлаш тўғрисидаги қарорини тасдиқлаш масаласи кўриб чиқилди. Вилоят ҳокими ўринбосари Хуршиджон Аҳмедов Фурқат тумани ҳокимини тайинлаш тўғрисидаги вилоят ҳокимининг қарорини ўқиб эшиттирди.

Фурқат тумани ҳокими лавозимига номзод Асронкулов Элёрбек Мадаминович томонидан ҳудудни ижтимоий-иқтисодий ривожлантиришнинг истиқболга мўлжалланган дастури тақдимот қилинди.

Номзод бўйича депутатлар ўз фикр-мулоҳазаларини билдиришди.

Депутатлар томонидан Фурқат тумани ҳокими лавозимига Асронкулов Элёрбек Мадаминович номзоди тасдиқланди.

Furqattuman.uz|°Telegram|°Facebook|°Insta|°YouTube

❗️Ўзбошимчалик билан эгаллаб олинган ер ва ундаги кўчмас мулкка мулк ҳуқуқини эътироф этишга оид Қонун 8 ноябрдан кучга киради

Унга кўра, фуқаролар қуйидаги кўчмас мулкларни ўз номига (ижара ва мулк ҳуқуқи асосида) қонуний ўтказиб олиши мумкин:

➖2018 йил 1 май кунигача якка тартибдаги уй-жой қуриб ўзбошимчалик билан эгаллаган ер ҳамда ундаги бино ва иншоотлар;

➖2018 йил 1 май кунигача фуқаролар ва ташкилотлар томонидан ҳужжатда кўрсатилган майдондан ортиқча эгалланган ер ҳамда ундаги бино ва иншоотлар;

➖“бир марталик акция” доирасида ҳуқуқларни эътироф этиш охирига етмаган ер ҳамда ундаги бино ва иншоотлар;

➖2021 йил 8 июнга (ҳокимларнинг ваколати бекор қилингунига) қадар туман (шаҳар) ҳокимлари қарори билан ажратилган, лекин вилоят ҳокими ёки халқ депутатлари Кенгаши томонидан тасдиқланмаган ер;

➖боғдорчилик ва узумчилик ширкатлари ҳудудидаги турар жойлар ҳамда улар эгаллаган ер;

➖кичик саноат зоналари ҳудудига 2020 йил 9 мартгача жойлаштирилган тадбиркорларнинг ери;

➖давлат ордери билан хусусийлаштирилган бинолар ва уйлар эгаллаган ер;

➖ҳоким қарори билан мулк ҳуқуқи эътироф этилган бинолар ва уйлар эгаллаган ер участкаси.

Фурқат туманидаги 8-умумтаълим мактабида “Ёш гвардиячилар” синфи очилди

Мамлакатимизда вояга етмаганлар ўртасида назоратсизлик ва қонунбузилишларнинг олдини олиш, уларда бундай ҳолатларга нисбатан муросасиз муносабатда бўлиш ҳиссини шакиллантиришга қаратилган манзилли ишлар амалга оширилмоқда.

Бугунги кунда умумий ўрта таълим муассасаларида психологик муҳитни янада яхшилаш ва барқарорлаштириш, вояга етмаганлар ўртасида ҳуқуқбузарликлар профилактикасини янгича ёндашувлар асосида такомиллаштириш, уларни ватанпарварлик руҳида тарбиялаш долзарб аҳамият касб этмоқда.

Ўзбекистон Республикаси Президентининг 2024 йил 5 февралдаги “Вояга етмаганлар ўртасида қонунбузилишлар профилактикаси тизимини такомиллаштириш бўйича қўшимча чора-тадбирлар тўғрисида"ги ПҚ-55-сонли Қарори билан умумий ўрта таълим муассасаларида ўқувчилар билан ишлашнинг янги тизимини жорий этиш, вояга етмаганларни псхологик-педагогик қўллаб-қувватлаш ҳамда ватанпарварлик руҳида тарбиялаш орқали улар ўртасида ҳуқуқбузарликлар содир этилишининг барвақт олдини олиш бўйича аниқ вазифалар белгилаб берилди.

Қарорда белгиланган вазифалар ижросини таъминлаш мақсадида Фурқат тумани 8-умумий ўрта таълим мактабида “Ёш гвардиячилар” синфи очилди. Тантанали очилиш маросимида Ўзбекистон Республикаси Миллий гвардияси Фарғона вилояти бошқармаси вакиллари, соҳа раҳбарлари ҳамда ота-оналар иштирок этди. Мазкур умумтаълим мактабида ташкил этилган “Ёш гвардиячилар” синфига қабул қилинган 20 нафар 8-синф ўқувчилари ота-оналари ҳамда устозлари олдида Ҳарбий ватанпарварлик синфи ваъдасини беришди.

Тадбир давомида Қўқон шаҳар Миллий гвардияси Фахрий қоровул қўшинлари ўз чиқишларини намойиш этиб, йиғилган ёшларда янада ватанпарварлик туйғусини уйғотди.

Furqattuman.uz|°Telegram|°Facebook|°Insta|°YouTube