Shunday qilib bu o'quv markazning tashkil topishi 2020- yil avgust oylariga borib taqaladi. Ya'ni o'sha ko'plab kompaniya va bizneslarni qulashiga va yana boshqalarini rivojlanishiga olib kelgan karantin vaqtiga

O'sha vaqtda bugungi qahramonimiz Toshkent Axborot Texnalogiyalari Universititetida o'qirdi
Karantin e'lon qilinib qishloqqa qaytganidan so'ng, doimiy bilim olishga o'rgangangan qahramonimiz nega o'z sohasida (IT) masofadan o'qish uchun darslar yo'qligi haqida o'ylab qoladi. Bugungi kunda gullab- yashnab ketgan biznes g'oyasi ayni o'sha paytda tug'iladi. Ya'ni dasturchilar uchun online darslar tashkil qilish rejasini ishlab chiqadi

Xullas ko'p o'ylab o'tirmasdan dars o'tishi mumkin bo'lgan mutahasislar bilan bog'lanib chiqadi, g'oyani ularga tushuntiradi va kelishuv qiladi.
Endigi qilinadigan ish telegram kanal ochib u yerga kursda o'qishi mumkin bo'lgan auditoriyani yig'ish edi.

Mana bu muammo, chunki o'sha vaqtda 19 yoshli qahramonimizda kanal uchun reklama berishga pul yo'q edi. Va u yagona to'gri yechim bo'lgan yo'lni tanlab, uydagilaridan bu bora yordam so'raydi, aksiga olib onasining plastik kartasida bor yog'i 230 ming pul bo'ladi, kanal uchun reklama narxi esa bundan bir necha barobar qimmat edi

Xo'sh nima deb o'ylaysiz, shu paytda qahramonimiz qanday yo'l tutdi ?