Savoling toʻkisdur, javobim qisman...
Qaysi bir iztirob chirmagan chizmam?!
Izga tushdimmi, yo
Chiqdimmi izdan?
Men kimman?

Kechir!
Nolimayman, dilda malol yoʻq.
Gunohi yoʻq yoʻllar, emas halol yoʻl!
Sendagi javobga menda savol yoʻq...
Sen kimsan?

Visol deganlari baxtfurush chiqsa,
Dunyo deganlari vaqtfurush chiqsa,
Ne boʻlar bizlardan bir tovush chiqsa?
Biz kimmiz?

A. Ismoilov