"Yo'qlik"

Olovda yonmoqda bizning xotira
Adashgan qalbimdan darak olmadim.
Nahotki, taqdir ham topmasa chora
Sening hikoyangda hech kim bo'lmadim.

Kezdim ul ishqingning sahrosi aro
Seni topgan edim, aslichi- roʻyo
Sening hikoyangda nomi yozilgan
Seniki boʻlmagan "sen"ingman goʻyo

Xumorim chiqmoqda qo'limni o'yib
Qadalgan ko'zlarim chiroying tomon
Nega oson emas sendan kechmoqlik?
Nega hikoyangda yo'qlikman hamon?

-Farzona Kayumova(Tilsim)-

@themusecorner