🌻“Qishloq xoʼjaligi ekin maydonlari unumdorligini oshirish, tarmoqqa investitsiyalar jalb qilish uchun qulay shart-sharoit yaratish boʼyicha navbatdagi chora-tadbirlar toʼgʼrisida”gi Prezident Farmoni (PF-18-son, 03.02.2025 y.)

🔰 Farmonga koʼra, qishloq xoʼjaligiga moʼljallangan yer uchastkalarini ajratishda, tajriba-sinov tariqasida, ijaraga oluvchilarning mustaqilligi va yuqori qoʼshilgan qiymatga ega ekinlar yetishtirishga asoslangan yangi tizim yaratiladi.

✔️ Yangi tizim doirasida:

🔹yer uchastkalari konturlar yaxlitligi va sugʼorish tizimini buzmagan holda 3 gektardan 50 gektargacha boʼlgan oʼlchamlarda “E-auksion”da savdolarga chiqariladi;

🔹elektron onlayn auksion savdolarida yashash joyidan, tashkiliy-huquqiy shaklidan, boshqa yer uchastkasi bor yoki yoʼqligidan qatʼi nazar, barcha jismoniy va yuridik shaxslar (rezidentlar), shu jumladan, chet el investitsiyalari ishtirokidagi korxonalar ishtirok etishi mumkin.

⏰Yangi tizim doirasida elektron onlayn auktsion gʼolibi – ijaraga oluvchi Yer kodeksida belgilangan huquqlar va majburiyatlar bilan birga quyidagi huquqlarga ega boʼladi, jumladan:

▪️yer uchastkasidan 49 yil ijara huquqi asosida foydalanish;

▪️qishloq xoʼjaligi ekinlarining turlari, navlari va hajmlarini mustaqil ravishda belgilash;

▪️yer uchastkasini ikkilamchi ijaraga berish;

▪️dala chetida 20 sotixdan koʼp boʼlmagan, qishloq xoʼjaligiga xizmat koʼrsatuvchi obyektlarni joylashtirish.