Daromadingizni 2-3 barobarga oshirishning 4 ta qadami
1. Qaror qabul qiling. Kambag‘allarga, muhtojlarga yordam berish uchun ulardan biri emas, balki saxovatpesha boy bo‘lishga aniq qaror qabul qilishingiz kerak va shu zahoti harakatni boshlashingiz zarur.
2. Maqsad qo‘ying. Bu oy, keyingi 3-6 oy davomida hamda yil yakunida qancha daromad qilishni istaysiz va qanday qilib? Maqsadingizga yetish uchun nimalar qilishingiz mumkinligini yozib oling va shularni ketma-ketlikda bajaring.
3. Nega bu maqsadingizga yetishishingiz kerak? Bu maqsadingizga erishishingiz uchun sabablar, mukofotlar va jazolarni yozib chiqing.
Maqsadingizga erishsangiz, nima mukofot olasiz? Erisha olmasangiz, qanday jazolanasiz?
Hamma maqsad dedlayn va o‘lchash mumkin bo‘lgan raqamlarda bo‘lishi lozim.
4. Endi yuqoridagi uchalasini birlashtirish kerak. Maqsad aniqlandi va shaffof holatda qog‘ozga tushirildi. Endi ko‘tarib, harakatni boshlash kerak.
Bu gaplarni eshitaverib charchagan bo‘lsangiz, bir savolimga javob bering: keyingi oy qancha daromad qilmoqchisiz va qanday qilib?
Agar javobingiz biron yerda yozilgan va har kuni o‘qiladigan bo‘lsa, Sizga tan berdim.
Aksincha bo‘lsa, faqatgina bilib o‘tirmasdan, amaliyotda ham qilib ko‘ring.
Bu 4 qadamni ish topishga ham, sotuvni oshirishga ham qo‘llasangiz bo‘ladi. Nimaga ishlatishingizning umuman ahamiyati yo‘q.
Nonushtaga nonning o‘rniga yeb yuborsangiz ham bo‘ladi. Muhimi foydalaning.
Men ertalabgacha shu ishni ustida bosh qotirdim va endi bugun «nima qilsam ekan?» deb o‘ylashga ham vaqtim yo‘q (kuningiz ham ancha barakali bo‘ladi).
Mayli, postni shu yerda yakunlayman. Chunki post uchun 08:30 gacha vaqtim bor xolos.
Sizga cheksiz mehr va hurmat bilan barmoqlari klaviaturada toblangan, bilagi baquvvat jaydari kopirayter (nonushtaga foydali bilim ulashadigan kichik oshpaz).
@FAYZULLO_BAHODIROVICHInstagram | |
YouTube
