Mahalladagi hokim yordamchilari uchun navbatdagi oʻquv-amaliy seminar oʻtkazildi

Fargʻona tumanida hokim yordamchilari faoliyatini samaradorligini oshirish maqsadida Kambagʻallikni qisqartirish va bandlikka koʻmaklashish boʻlimi tomonidan 2-sektor hududidagi mahallalar hokim yordamchilari ishtirokida “Mahallalararo hamkorlikni yoʻlga qoʻyish” mavzusida oʻquv-amaliy seminar oʻtkazildi.

Seminarda tuman hokimining moliya-iqtisodiyot va kambagʻallikni qisqartirish masalallari boʻyicha birinchi oʻrinbosari, mahalladagi hokim yordamchilari va OAV vakillari ishtirok etdi.

Oʻquv-amaliy seminar davomida hokim yordamchilari tomonidan tadbirkorlikni rivojlantirish, yangi loyihalarni ishga tushirish hisobiga kooperatsiyalar tashkil etish hamda kambagʻal oilalarni kambagʻallikdan chiqarish mavzularida tajriba almashishdi.

Shuningdek, tuman markazidan olis hududda joylashgan mahallalar imkoniyatlari solishtirilib, mahallalararo hamkorlikni yoʻlga qoʻyish, hududidan kelib chiqib ushbu mahallalarga yangi imkoniyatlar olib kirish rejalashtirildi.


Sayt | Telegram | Facebook | Instagram | YouTube | X | Threads | WhatsApp