❤️ Imkoniyati cheklangan shaxslar uchun ijtimoiy shart-sharoitlarni yaxshilash masalalari ko‘rib chiqildi

13 sentyabr kuni Oliy Majlis Senati raisi Tanzila Norboyeva hamda Ijtimoiy himoya milliy agentligi direktorining birinchi o‘rinbosari Shahnoza Mirziyoyeva AQSH prezidentining nogironlarning xalqaro huquqlari bo‘yicha maxsus maslahatchisi Sara Minakara xonim bilan uchrashdi.

Muloqot davomida nogironligi bo‘lgan shaxslar uchun ijtimoiy shart-sharoitlarni yaxshilash va bu boradagi ishlarni xalqaro standartlar asosida tashkil etish bo‘yicha hamkorlikdagi rejalarga e’tibor qaratildi.

Prezident Shavkat Mirziyoyev boshchiligida O‘zbekistonda amalga oshirilayotgan barcha sohalardagi islohotlar «Inson qadri uchun» degan ezgu tamoyil asosida tashkil etayotgani alohida ta’kidlandi. Bu boradagi ishlar S.Minakara xonim tomonidan ham e’tirof etildi.

Uchrashuvda tomonlar O‘zbekistonda inklyuziv jamiyatini rivojlantirish va nogironligi bor shaxslarning barcha sohalardagi faolligini oshirishga doir chora-tadbirlarni muhokama qildi.

Shuningdek, nogironlikni oldindan aniqlash hamda korreksiya qilish, tibbiy modeldan inklyuziv modelga o‘tish va sifat darajasini xalqaro standartlarga moslashtirish masalalari ko‘rib chiqildi.

Imkoniyati cheklangan shaxslar uchun maqbul muhitni yaratish, jamiyatda mavjud stereotiplarni bartaraf etish hamda bu borada davlat va nodavlat tashkilotlarining vazifalari xususida ham fikr almashildi.

Sayt | Telegram | Facebook | Instagram | YouTube | X | Threads | WhatsApp