Samarqand viloyati Investitsiyalar, sanoat va savdo boshqarmasi boshlig‘ining birinchi o‘rinbosari Sh.Sabirov hamda boshqarma boshlig‘i o‘rinbosari Y.Norimovlar O‘zbekistonning Yekaterinburgdagi Bosh konsuli Jaxongir Parmanov va Rossiya Federatsiyasi “Averton snack” korxonasi direktori o‘rinbosari V.Belix bilan uchrashuv o‘tkazdi.

Uchrashuvda, Samarqanddan Rossiya Federatsiyasi hududlariga meva-sabzavot va quritilgan meva mahsulotlarini eksport qilish masalalari muhokama qilishdi.

Muhokamalar davomida, viloyatning eksport imkoniyatlari, logistika yo‘llari va eksport jarayonlaridagi mavjud imtiyozlar atroflicha ko‘rib chiqildi hamda ikki tomonlama hamkorlik aloqalarini yanada mustahkamlash yuzasidan bir qator takliflar bildirildi.