Kamchiliklar tahlil qilinib, vazifalar belgilab olindi

O‘zbekiston Ekologik partiyasi Surxondaryo viloyat partiya tashkilotining navbatdagi Kengash yig‘ilishi bo‘lib o‘tdi. Unda Markaziy Kengash vakili, viloyat partiya tashkiloti Kengashi a’zolari, tuman (shahar) partiya tashkiloti raislari, tuman (shahar) deputatlari ishtirok etdi.

Yig‘ilishda partiya Markaziy Kengashi raisining birinchi o‘rinbosari B. Hofizov so‘zga chiqib, 2025-yilning mamlakatimizda "Atrof-muhitni asrash va "yashil" iqtisodiyot yili", deb e’lon qilinishi va kelayotgan yilda partiyamiz oldida turgan ustuvor vazifalarga to‘xtalib o‘tdi. Kelgusi yilda Prezidentimiz bizga katta ishonch bildirayotganlarini ta'kidlab o`tdi. Shundan so‘ng, O‘zbekiston Ekologik partiyasi Surxondaryo viloyati partiya tashkiloti Kengashi raisi I.Yoqubov partiya tashkiloti tomonidan 2024-yilda amalga oshirilgan ishlar yuzasidan hisoboti tinglandi. Shuningdek, 2025-yil I- yarim yilligiga mo‘ljallangan hududiy partiya tashkiloti va mahalliy Kengash deputatlari, partiya guruhlari o‘zaro hamkorlikda olib boradigan chora-tadbirlar rejasi hamda partiya tashkilotining kelgusi yildagi ish rejasi atroflicha muhokama qilinib, bir ovozdan tasdiqlandi. Tanqidiy ruhda o‘tgan mazkur yig‘ilishda tuman (shahar) partiya tashkilotlari tomonidan olib borilayotgan ishlar tahlil qilinib, a’zolar safini kengaytirish, targ‘ibot tadbirlarini tashkil etish va joylardagi ekologik muammolarga qarshi kurashish borasida sustkashlikka yo‘l qo‘ygan tuman (shahar) partiya tashkilotlari raislari ogohlantirildi.

Surxondaryo viloyati partiya tashkiloti Matbuot xizmati

👉 Ijtimoiy tarmoqlarimizni kuzatishda davom eting!
| Telegram | Instagram | Facebook | Youtube