Ishcomuz telegram kanalida chiqqan e’longa koʻra, Growth oʻquv markazi xodimlarni ishga olishda mahalliychilik qilar ekan. E’lonni oʻqisangiz, ish berish boʻyicha talablarda “Toshkenli boʻlishi lozim”, “toshkenlik boʻlsin” deb yozilgan. Bu nafaqat umuminsoniy normalarga, balki Oʻzbekiston Respublikasi qonunchiligiga ham zid! Ya’ni ishchanlik qobiliyatidan tashqari talablar - ortiqcha va bu kamsitish deb qabul qilinadi.

Oʻzbekiston Respublikasi Konstitutsiyasi 18-moddasida: “O'zbekiston Respublikasida barcha fuqarolar bir xil huquq va erkinliklarga ega bo'lib, jinsi, irqi, millati, tili, dini, ijtimoiy kelib chiqishi, e'tiqodi, shaxsi va ijtimoiy mavqeidan qat'i nazar, qonun oldida tengdirlar.
Imtiyozlar faqat qonun bilan belgilanib qo'yiladi hamda ijtimoiy adolat printsiplariga mos bo'lishi shart” deb yozib qoʻyilgan.

Qolaversa, Oʻzbekiston Respublikasining Mehnat Kodeksi, 4-moddasida: “Mehnat huquqlarining tengligi, mehnat va mashg‘ulotlar sohasida kamsitishni taqiqlash prinsipi” batafsil yozilgan.