#xalqaro_xotin_qizlar_kuni #bayram_muborak
Bugun О‘zbekiston davlat san’at va madaniyat institutida Milliy qadriyatlar kuni hamda 8 mart Xalqaro xotin-qizlar kuni munosabati bilan “Ayol borki – olam munavvar” deb nomlangan konsert dasturi tashkil etildi.
Konsertga barcha xotin-qizlar milliy liboslarda tashrif buyurishdi hamda ularni milliy kiyimdagi yigitlar gul bilan qarshi oldi.
Bugun О‘zbekiston davlat san’at va madaniyat institutida Milliy qadriyatlar kuni hamda 8 mart Xalqaro xotin-qizlar kuni munosabati bilan “Ayol borki – olam munavvar” deb nomlangan konsert dasturi tashkil etildi.
Konsertga barcha xotin-qizlar milliy liboslarda tashrif buyurishdi hamda ularni milliy kiyimdagi yigitlar gul bilan qarshi oldi.
Konsert avvalida institut rektori, professor Nodirbek Sayfullayev institutda faoliyat olib borayotgan ayol-qizlarni qutlug‘ ayyom bilan samimiy muborakbod etib, uzoq umr, sihat-salomatlik, baxt va omad tiladi.
Shuningdek, ushbu bayramni ham institut jamoasi katta quvonch va muvaffaqiyatlar bilan qarshi olayotganini, О‘zbekiston Respublikasi Prezidentining tegishli qarori bilan “Estrada aktyorligi san’ati” ta’lim yо‘nalishi 3-bosqich talabasi Nasiba Sodiqova Zulfiya nomidagi davlat mukofoti sovrindori bо‘lgani, “Ijtimoiy-gumanitar fanlar” kafedrasi dotsenti Sayyora Tuychiyeva esa "Mо‘tabar ayol" kо‘krak nishoni bilan taqdirlanganini mamnuniyat bilan qayd etdi.
Konsert dasturida "Onajonimga - izhor" kompozitsiyasi, "Onajon ka'bam o'zing" she'riy monologi, "Chodir jamol" bayram hazil tomoshasi, "8-mart bayram hazili", "Lazer show" kabi sahnaviy chiqishlar hamda "Bo‘ylaringga", "Aylab keling", "Keldi bahor", "Dilbarim", "Tut i tam", "Mustahzod", "Dilxiroj", "Gal-gal", "Xumoriman", "Qirmoni do'st", Go'zal janon", "Qora muniq nayerdasan", “Ayol madhi” kabi kuy-qo‘shiqlar tadbir ishtirokchilariga bayramona kayfiyat ulashdi.