Fabbing - (phubbing phone ingliz tilidan phone - telefon va phubbing - mensimasdan muloqot qilish) suhbatlashayotgan paytda telefonga tez-tez qarab turish.
Bu termin 2012-yil may oyida
Sidney Universitetida ilk bor ishlatilgan. O‘shanda
McCan reklama agentligi adabiyotshunoslar, yozuvchi va shoirlarni yig‘ib, inson suhbatlashayotgan paytda telefondan ko‘z uzmasdan o‘tiradigan holatini qanday nomlash borasida taklif bildirishlarini so‘radi. Va aynan o‘sha yig‘ilishda
‘‘Fabbing‘‘ atamasi paydo bo‘lgan.
Fabbingning belgilari:
- Odamlar ovqatlanayotgan vaqtida gajetlardan ko‘z uza olmaydi.
- Hattoki, ko‘chada yurayotgan mahalda ham telefon qo‘lida bo‘ladi.
- Kim bilandir suhbatlashayotgan mahalda oddiy smsga ham telefonga qarab qo‘yadi.
- Dam olish vaqtida ham (sayohatda, tug‘ilgan kunda, do‘stlar davrasida) ko‘p vaqtini gajetlar bilan o‘tkazadi.
- Lentasida qanaqadir muhim yangilikni o‘tkazib yuborishdan qo‘rqishadi.
- Ko‘rilgan xabarlarni ham qaytadan ko‘rib chiqaveradi.
- Kunning asosiy vaqtini telefonga tikilib o‘tkazadi.
Texnologiya asrida telefonsiz yashashni tasavvur etish qiyin. Ammo Fabbingga uchragan bo‘lsangiz, birozga to‘xtab, umringizni bir analiz qilib olishingizni maslahat beraman. Chunki, gajetlarga bog‘lanib qolish, bu nafaqat vaqtni behuda o‘tkazish, balki, sog‘likka ham zararli ta‘siri bor. Asab tizimida turli muammolarni keltirib chiqaradi. Fabbingga uchragan inson esa hamsuhbatini ham go‘yo mensimagandek ko‘rinadi. Shunday ekan, telefonga juda ham bog‘lanib qolmang.
Ma‘rufjon Ochilovhttps://t.me/joinchat/AAAAAEkIqZMQ99LI0onjWA
