Stomatologiya🇺🇿

1. BOPT nima?
BOPT (Biologically Oriented Preparation Technique) – bu tish protezlash jarayonida gingival chegarani shakllantirish va mustahkam yopishish hosil qilish uchun mo‘ljallangan maxsus charxlash texnikasi. Ushbu uslub tish milki bilan mustahkam moslashadigan estetik va funksional restoratsiyalar yaratish imkonini beradi.
Bu texnika an’anaviy chamfer yoki shoulder preparatsiyasidan farqli o‘laroq, marginani aniq belgilash o‘rniga, gingival to‘qimalarning tabiiy o‘sishiga moslashadigan tekislangan charxlash uslubini qo‘llaydi.
🖋2. BOPT charxlash texnikasining asosiy tamoyillari
✔️Subgingival charxlash – marginal tish milki ostiga joylashtiriladi, bu esa gingival to‘qimalarning qayta shakllanishini rag‘batlantiradi.
✔️Ustupsiz preparatsiya – an’anaviy chamfer yoki shoulder emas, balki silliqlangan perpendikulyar charxlash amalga oshiriladi.
✔️Gingival to‘qimalarning o‘z-o‘zidan moslashuvi – vaqt o‘tishi bilan yumshoq to‘qimalar yangi shaklga moslashadi va yaxshiroq yopishish ta’minlanadi.
✔️Koronka materialining aniq tanlovi – ko‘pincha full-zirconia yoki PFM (porcelain-fused-to-metal) qoplamalar ishlatiladi.
✔️Minimal invazivlik – tish to‘qimalarining ortiqcha charxlanishini oldini olish.
🖋3. BOPT usulining afzalliklari
✅ Yuqori estetik natija – yumshoq to‘qimalar tabiiy ko‘rinadi va tish milki atrofi chiroyli shakllanadi.
✅ Periodontal sog‘liqni saqlash – gingival chiziqni stabilizatsiya qiladi, yallig‘lanish va tish milki chekinishining oldini oladi.
✅ Mexanik mustahkamlik – koronka tishga yaxshiroq yopishadi va uzoq muddat foydalanish uchun chidamli bo‘ladi.
✅ Tish milki chegarasining moslashuvchanligi – yumshoq to‘qimalar o‘zgarib, tabiiy ko‘rinishga erishadi.
✅ Minimal invaziv yondashuv – tish to‘qimalari ortiqcha olib tashlanmaydi.
🖋4. BOPT charxlash bosqichlari
📌1-bosqich: Diagnostika va rejalashtirish
Bemorning periodontal holati baholanadi.
Rentgen yoki KT (3D tasvirlash) orqali ichki tuzilma tekshiriladi.
Okllüziya va funksional analiz amalga oshiriladi.
📌2-bosqich: Tishning charxlanishi
Anesteziya: Mahalliy og‘riqsizlantirish qo‘llaniladi.
Subgingival charxlash: Maxsus turdagi frezalar yordamida tishning ustupsiz charxlanishi amalga oshiriladi.
Tekislash va polirovka: Silliq yuzalar hosil qilish orqali bakterial blyashka to‘planishining oldini olish.
Gingival adaptatsiyani tekshirish: Yumshoq to‘qimalarning moslashishi kuzatiladi.
📌3-bosqich: Vaqtinchalik koronka o‘rnatish
Gingival o‘sishni rag‘batlantirish uchun vaqtinchalik koronka qo‘yiladi.
Tish milki shakllanishi 1-2 hafta davomida kuzatiladi.
📌4-bosqich: Doimiy koronkani o‘rnatish
Yumshoq to‘qimalar kerakli shaklga kelgach, doimiy qoplama yoki kuronka o‘rnatiladi.
Qattiq yopishish va tabiiy ko‘rinish ta’minlanadi.
🖋5. BOPT usulining kamchiliklari
❌ O‘rganish uchun murakkab texnika – an’anaviy charxlash usullaridan farq qilganligi uchun maxsus malaka talab etadi.
❌ Vaqt talab qilishi – yumshoq to‘qimalarning moslashishi va shakllanishi uchun qo‘shimcha vaqt kerak bo‘lishi mumkin.
❌ Maxsus asbob-uskunalar kerak – aniq charxlash va polirovk uchun maxsus frezalar va o‘lchov materiallari talab etiladi.