Тўғриси, шунақа нарсаларни ўқисам жуда бир ёмон ҳис қиламан ўзимни. Қандайдир ғазаб аралаш ёқимсиз ҳис. Давлатдан ваколатли орган ташкил қилишни сўраш билан муаммо ёмонлашса ёмонлашадики, ҳал бўлмайди ахир. Масалан, оила, маҳалла, хотин-қизлар, таълим, тиббиёт, коммунал хизматлар бўйича ўнлаб ваколатли органлар бор. Шунга қарамасдан, бизда Соғлиқни сақлаш вазирлиги ҳақиқатда бепул ва сифатли тиббиётни ёки таълим бўйича учта вазирлик илмли авлодни тақдим қила оляптими ўзи? Хотин-қизлар эркаклар билан амалда тенг ҳуқуққа эриша олдими ваколатли орган ёрдамида? Ёки маҳалла ва оилаларга масъул вазирлик очилгандан сўнг маҳаллада ва оилаларда ҳамма фаравон ва бахтли ҳаёт кечиряптими? Ёки коммунал хизматлар вазирлиги ушбу хизматларни аҳолига узлуксиз етказиб бера оляптими? Йўқ. Ва бундай бўлмайди ҳам. Наҳотки давлат томонидан таъсис этиладиган ваколатли орган муаммоларни ҳеч қачон ечмаслигини тушиниш "инновацион" ғоялар амбассадорлари учун шу даражада қийин бўлса?