* * *
Бурдаланган кўнглим қўлингда,
Қушларга соч, териб есинлар!
Қанот қоқиб ўнгу-сўлингда,
Сенга узоқ яша десинлар!
Ё денгизга, дарёга итқит,
Ютиб қўйсин наҳанг балиқлар.
Ё йўл топиб, топиб бир маврид,
Кўнгил бўлиб оқсин ариқлар!
Иста уни ерга ташла, бос,
Яхшилаб янч, эзгин бутунлай.
Ғижимлагин гўё оқ қоғоз,
Ё ўчоққа ташла ўтиндай!
Қўлларингда кўнглим бечора,
Озорингдан тўйиб кетибди,
Муштуминг туг, у ўлса зора,
Сени дейиш жондан ўтибди!
Малика Тавфиқ
Бурдаланган кўнглим қўлингда,
Қушларга соч, териб есинлар!
Қанот қоқиб ўнгу-сўлингда,
Сенга узоқ яша десинлар!
Ё денгизга, дарёга итқит,
Ютиб қўйсин наҳанг балиқлар.
Ё йўл топиб, топиб бир маврид,
Кўнгил бўлиб оқсин ариқлар!
Иста уни ерга ташла, бос,
Яхшилаб янч, эзгин бутунлай.
Ғижимлагин гўё оқ қоғоз,
Ё ўчоққа ташла ўтиндай!
Қўлларингда кўнглим бечора,
Озорингдан тўйиб кетибди,
Муштуминг туг, у ўлса зора,
Сени дейиш жондан ўтибди!
Малика Тавфиқ