2024-yilda “Dehqonobod kaliy zavodi” AJning mard konchilari, tinim bilmas transportchilari, qat’iyatli qayta ishlovchilari, botir mexaniklari, jasur energetiklari, tanti metrologlari, e’tiborli laborantlari, mas’uliyatli ta’minotchilari, uddaburon sotuvchilari, shijoatli yuklovchilari, sergak qo‘riqchilari, halol iqtisodchi va hisobdorlari, umuman olganda o‘z kasbining mohir ustalari bo‘lgan barcha ahil jamoamizning fidokorona mehnati evaziga mahsulot ishlab chiqarish ko‘rsatkichining ortig‘i bilan bajarilishiga, eksport va iqtisodiy ko‘rsatkichlarning barqarorligiga erishildi. Albatta qo‘lga kiritgan yutuq va natijalarimiz ortida barchangizni halol mehnatingiz va samarali hissangiz borligini e’tirof etish lozim.