#unga

IShQ

Koʻnglim koʻchib borar kun chiqar yoqqa,
Shamollar shovvullab oladi aqlim,
Siyratim boyalib boradi oqqa,
Koʻnglimga termulib qaraydi kimdir,
Koʻzi qora tim...

Sipqorgim keladi toʻldirib dimogʻ,
Musaffo tonglarning shabadasini,
Yuragimda ismi boradi oʻsib,
Uqtirib muhabbat falsafasini,
Baxtlari lim - lim...

Kongildan ming yillik ginalar arir,
Kun chiqar yoqlarga kochib ketaman,
Ishqi shunchalar sof, shunchalar harir,
Munosibmikinman?! Choʻchib ketaman,
Oʻyga tolib jim...

Kunmisan, boqarim bir sen taraflar?!
Qalbimga ishqingni naqsh etgan Naqqosh,
Sening ustozlaring asriy Xalaflar,
Pokliging oldida jim egaman bosh,
Yoshlarim yum - yum...

Taqdirim bitilgan "Lavhul Mahfuz"da,
Sen mening boshimga qoʻngan Humoyim,
"Boʻl dedi (va) boʻldi"* shu toza so'zday,
Seni menga ravo korgan Xudoyim,
O'ziga shukrim!

Bosh egaman jim...

©Latofat Amirova

@daydibadar