sen bilan anchadan beri gaplashganim yo'q.ishlaring qanday? ahvollaring... nazarimda o'zing ham anig'ini bilmasang kerak. yaxshi desang yaxshidek emas, yomon desang biroz oshirib yuborasan. inson kimnidir tushunishdan ko'ra o'zini ko'proq tushunishni xohlarkan-da, ba'zida.Toni Starkning temir kostyumi o'z holatini analiz qilolgani kabi, inson ham o'z tanasini, hislarini analiz qilolsa edi koshki. ammo afsus! eslaysanmi bolalikda olam xuddi ertaklardagidek tuyulardi? qushlarning sayrashi yoqimli, do'sting bugun sen bilan birga o'ynashidan baxtli, hatto ko'chadagi hayvonlar sen bilan do'stlashmoqchi, ular gapirsang tushunadigandek. hozir... hozir hammasi qandaydir o'z qiymatini yo'qotgan. do'stlik -- doim birinchi eslaydigan, yozadigan, qo'ng'iroq qiladigan odamning ortiq bunday qilmay qo'yishigacha. sevgining go'zalligi, uning chiroyi faqat qo'shiqlarda qolib ketgan. derazang oldiga uchib keladigan musicha har kuni ertalab unga ovqat berganing uchun. nahotki havas qilganing, tezroq erishmoqchi bo'lganing, kattalar hayoti shu? qizig'-a ammo o'zingdan faxrlansang arziydi! bu hayollar, bu o'ylovlar ichida yo'qolib qolmaysan masalan. ertaga unutasan, yana xursand yashab yuraverasan... o'zingni yolg'iz his qilganingda yana miyangda paydo bo'laman. ana o'shanda boshqa mavzular haqida gaplashib ko'ramiz..