Mahallalarda sodir etilgan jinoyatlar muhokama qilindi
Bugun Buxoro shahar hokimi Qurbon Tursunov boshchiligida jinoyatchilikni oldini olish, xususan, yoshlar o‘rtasida sodir etilayotgan huquqbuzarliklarni barvaqt aniqlash va profilaktikasini kuchaytirish, shaharni jinoyatchilikdan xoli hududga aylantirish masalalariga bag‘ishlangan yig‘ilish bo‘lib o‘tdi. Unda sektorlar rahbarlari, xalq deputatlari viloyat va shahar Kengashi deputatlari, shahar hokimining o‘rinbosarlari, “Yoshlar parlamenti” a’zolari, shahar maktabgacha va maktab ta’limi bo‘limi, shahardagi barcha mahalla fuqarolar yig‘ini raislari, profilaktika inspektorlari va yoshlar yetakchilari ishtirok etdi.
So‘nggi yillarda mahallalarda tinchlik va osoyishtalikni ta’minlash, aholi, ayniqsa yoshlar bilan ishlashning yangicha boshqaruv mexanizmlarini joriy etish, yoshlar muammolarini bevosita mahallalarda hal etish borasida samarali chora-tadbirlar amalga oshirilmoqda. Yig‘ilishda mahallalardagi yoshlar jinoyatchiligi holati, ularning sabab va shart-sharoitlari to‘g‘risida Buxoro shahar prokurori Sobir Qurbonov hamda yoshlar jinoyatchiligini kamaytirishga qaratilgan kompleks chora-tadbirlar va rejalashtirilgan ishlar haqida Buxoro shahar Ichki ishlar organlari faoliyatini muvofiqlashtirish boshqarmasi boshlig‘i Rustam Yusupovlarning axborotlari eshitildi.
Tanqidiy ruhda o‘tgan yig‘ilishda yoshlar tomonidan sodir etilgan jinoyatlarning kelib chiqish sabablari va shart-sharoitlari mahallalar kesimida birma bir muhokama qilindi. Voyaga yetmaganlar va yoshlar o‘rtasida jinoyatlarni oldini olish, ularni bo‘sh vaqtini mazmunli tashkil etish, turli salbiy oqimlar ta’siriga tushib qolishiga yo‘l qo‘ymaslik borasida har bir mahallada muhokama yig‘ilishlarni o‘tkazish, ta’lim muassasalari ichki ro‘yxatida bo‘lgan, tarbiyasi “og‘ir” o‘quvchilarga mahalladan faollar biriktirish, doimiy darslarda ishtirok etmayotgan o‘quvchilarni darsga qaytarish choralarini ko‘rish va amalga oshirilgan ishlar mahalla raislari tomonidan maktablarda ota-onalar ishtirokida muhokama qilish, ta’lim tashkilotlari, mehnat jamoalari va mahallalarda nuroniylar, din ulamolari va obro‘li shaxslarni keng jalb etgan holda targ‘ibot tadbirlarini kuchaytirish bo‘yicha fikr mulohazalar bildirildi.
Yig‘ilishda shuningdek, mahalla faollari, nuroniylar, talim-tarbiya sohasi vakillari va deputatlarning ushbu yo‘nalishda qilinishi lozim bo‘lgan ishlar yuzasidan takliflari eshitildi.
🌎Veb-sayt ✅ Telegram ✅ Facebook
Bugun Buxoro shahar hokimi Qurbon Tursunov boshchiligida jinoyatchilikni oldini olish, xususan, yoshlar o‘rtasida sodir etilayotgan huquqbuzarliklarni barvaqt aniqlash va profilaktikasini kuchaytirish, shaharni jinoyatchilikdan xoli hududga aylantirish masalalariga bag‘ishlangan yig‘ilish bo‘lib o‘tdi. Unda sektorlar rahbarlari, xalq deputatlari viloyat va shahar Kengashi deputatlari, shahar hokimining o‘rinbosarlari, “Yoshlar parlamenti” a’zolari, shahar maktabgacha va maktab ta’limi bo‘limi, shahardagi barcha mahalla fuqarolar yig‘ini raislari, profilaktika inspektorlari va yoshlar yetakchilari ishtirok etdi.
So‘nggi yillarda mahallalarda tinchlik va osoyishtalikni ta’minlash, aholi, ayniqsa yoshlar bilan ishlashning yangicha boshqaruv mexanizmlarini joriy etish, yoshlar muammolarini bevosita mahallalarda hal etish borasida samarali chora-tadbirlar amalga oshirilmoqda. Yig‘ilishda mahallalardagi yoshlar jinoyatchiligi holati, ularning sabab va shart-sharoitlari to‘g‘risida Buxoro shahar prokurori Sobir Qurbonov hamda yoshlar jinoyatchiligini kamaytirishga qaratilgan kompleks chora-tadbirlar va rejalashtirilgan ishlar haqida Buxoro shahar Ichki ishlar organlari faoliyatini muvofiqlashtirish boshqarmasi boshlig‘i Rustam Yusupovlarning axborotlari eshitildi.
Tanqidiy ruhda o‘tgan yig‘ilishda yoshlar tomonidan sodir etilgan jinoyatlarning kelib chiqish sabablari va shart-sharoitlari mahallalar kesimida birma bir muhokama qilindi. Voyaga yetmaganlar va yoshlar o‘rtasida jinoyatlarni oldini olish, ularni bo‘sh vaqtini mazmunli tashkil etish, turli salbiy oqimlar ta’siriga tushib qolishiga yo‘l qo‘ymaslik borasida har bir mahallada muhokama yig‘ilishlarni o‘tkazish, ta’lim muassasalari ichki ro‘yxatida bo‘lgan, tarbiyasi “og‘ir” o‘quvchilarga mahalladan faollar biriktirish, doimiy darslarda ishtirok etmayotgan o‘quvchilarni darsga qaytarish choralarini ko‘rish va amalga oshirilgan ishlar mahalla raislari tomonidan maktablarda ota-onalar ishtirokida muhokama qilish, ta’lim tashkilotlari, mehnat jamoalari va mahallalarda nuroniylar, din ulamolari va obro‘li shaxslarni keng jalb etgan holda targ‘ibot tadbirlarini kuchaytirish bo‘yicha fikr mulohazalar bildirildi.
Yig‘ilishda shuningdek, mahalla faollari, nuroniylar, talim-tarbiya sohasi vakillari va deputatlarning ushbu yo‘nalishda qilinishi lozim bo‘lgan ishlar yuzasidan takliflari eshitildi.
🌎Veb-sayt ✅ Telegram ✅ Facebook