Bolalarni kitob o'qishga qiziqtiradigan metod. Bir necha kun davomida bolaning yoshi, qiziqishiga mos, ravon tilda yozilgan asardan parcha o'qib berasiz. Kitob o'qish jarayoni zerikarli tus olmasligi uchun mutolaa jarayoni cho'zilib ketmasligi kerak. Ma'lum vaqtdan keyin asarning rejadagi qismi tugagach, bolakay yana bir "bo'lak" xohlab qoladi. Bu usul takrorlangandan so'ng, ko'p o'tmay bolada kitob mutolaasiga xohish refleksi hosil bo'ladi. Avval bolalarni illyustratsiyaga boy kitoblar bilan tanishtirib, keyin bir "bo'lak"dan berib borasiz. Bolada kitob o'qishga ishtiyoq, qiziqish uyg'ongach, o'zi mustaqil kitoblar menyusini kengaytirish harakatiga tushib qoladi.