Bookonomics

#shunchaki

Xonamga kirganimdan keyin eng sevimli ishim bu, stolimni ustini tozalash boʼladi. Kun dvomida dars qilganim uchun hammasi tartibsiz holda boʼladi. Shu payt oʼzim yoqtirgan, yoki oxirgi paytlarda eng koʼp eshitayotgan musiqamni baland qilib qoʼyib, bloknotlarimni, daftarlarimni, ruchkalar-u, har qaraganimda xursand qiladigan kitoblarimni hammasini bitta-bitta salfetka bilan(😅) tozalash menga yengillik va hotirjamlik beradi. Ha doʼstlar, ashnaqa kichik narsalardan ham xursand boʼladigan insonman:)

@bookonomics

Oʼzim istaganimdek yoza olmadim, balki bu hikoyaga oʼzim istagandek umuman yozolmasman, bilmadim. Toʼgʼrisi oxirgi uch soatdan beri oʼylab-oʼylab faqat shuni yoza oldim xolos)

Agar yaqin kishing haqida hech narsa bilmasang, unga azob berish osonroqdir. Bu holda vijdon ham azob bermaydi.

Frans Kafka

Haa, biroz negativ boʼlib qolibman. Aybga buyurmaysizlar:)

Oʼtgan bir yilni oʼzim uchun oʼzni anglash deb nomlasam ham boʼladi. Unaqa choʼmichga ilinadigan hech narsa qilmagan boʼlsam ham oʼzimni ancha tushundim, fikrlashim yaxshilandi.

Chegaralar qoʼyishni, hissiyotlarimni boshqarishni, oʼzim qanday boʼlsam shuni koʼrsatishni, umuman begona yoki yaqin insonlarimning hayotimga taʼsirini ancha kamaytirdim. Umuman hech kim men uchun hech narsaga majbur emasligini tushundim. Xatolar qildim, va oʼzimga xato qilishga imkon berdim. Juda koʼp narsalarni sinab koʼrdim va haqiqatda oʼtgan bir yilni yashadim.

Bu yil uchun ham oldimga qoʼyilgan asosiy maqsad oʼzim reja qilgan sohalarda rivojlanish va keladigan bir yilda iloji boricha koʼproq xotiralar yaratish. Aytgancha reja qilingan ancha kitoblarni ham 2025da oʼqiyman. Xullas shunaqa gaplar.

Hammangizni kirib kelgan yangi yil bilan tabriklayman. Oʼzingiz istagan barcha niyatlarizga shu yilda erishing.❤️‍🔥

@bookonomics

Qanday ajoyib bayram, oilang bilan birga boʼlasan. Birgalikda mazza qilib kunni oʼtkazasan. Yangi yilni eslatadigan ovqatlarni, salatlarni qilasan. Xullas oilang bilan mazza qilasan.

Aslida ham shundaymikan?

Bilmadim, man oʼzim biror marta bayramni yuqorida aytilganidek nishonlamaganman. 31-dekabr ertalabdan turib hamma joyni tozalashni boshlaysan, havo sovuqmi issiqmi buni ahamiyati yoʼq, muhimi hamma joy toza boʼlishi kerak. Ammalarim kelib gapiradi axir.

Keyin to qorongʻu tushguncha hali dasturxon tayyorlaysan, hali bir necha xil salat, yana nimadirlar pishirishing kerak sovuq oshxonada. Axir bugun bayramku, shu kun tayyorlamasang qachon tayyorlaysan keyin bu ovqatlarni?

Oilang bilan vaqt o'tkazish??? Ertalabdan beri sen bilan birga uy ishlaridan orta olmagan asabiy onang, va kun boshlanishi bilan "bayram"ni boshlab yuborgan otang bilan shunaqa ajoyib kunni oʼtkazasanki, haqiqatdan "bayram" nimaligini his qilib yuborasan.

Menimcha Oʼzbekistonda Yangi yil yoki shunga oʼxshash bayramlar faqat erkaklar uchun haqiqiy bayram boʼla oladi xolos. Ayol kishi uchun ertalabdan kechqurun soat ikkigacha tinim bilmay ish qilish bu. Bir sheʼrda aytilganidek "Ayol boʼlib tugʼilma sharqda".

Haa, bayram juda ajoyib oʼtyapti.

@bookonomics

Shu yil juda yaxshi oʼtibdi. Eng kamida bir nechta zoʼr kitoblarni oʼqiganim tufayli. Oʼzi menga yil yakunlanayotganligi yoki yangi yilning boshlanayotganligi u qadar muhim hodisa emas, shunchaki kanal kitobga oid kanal boʼlganligi uchun shu yil oʼqigan kitoblarim orasidan 8ta eng yaxshisi haqida yozmoqchiman. (10 ta qilolmaganim uchun ichimdagi perfectionist insonni ovozini oʼchirib qoʼydim)

Aziz Rahimovning bir gapi bor: "Ikki marta oʼqishga arzimaydigan kitob, bir marta ham oʼqishga arzimaydi" degan. Aynan hozir yozadigan kitoblarimni hammasini bemalol ikki, uch marta oʼqish mumkin. Xullas boshladim:

1. Jinoyat va jazo" - bu kitob haqida koʼpchilik biladi, koʼpchilik gapiradi ham. Dostoyevskiyni nega daho deyishlarini anglash uchun, nega ayrim insonlar xoxlaganlaricha odam oʼldirishlari mumkin va xatto buning uchun ularni buyuk deb ham hisoblashlari, lekin nega oddiy xalq bunday qilmasligi, qonun-qoidalarga boʼysunishlar kerakligini anglash uchun bu kitobni oʼqish shart.

2. Kafka - "Evrilish". Boshqalar bu kitobni oʼqib nimani anglagan bilmadim, lekin men shuni tushundimki biz yashayotgan jamiyatda agar insonlarga biror foydang tegmaydigan boʼlsa hatto ota-onang ham sendan voz kechishi mumkin. Bilmadim, tugʼilishing bilan sendan shuni talab qilishsa, ularga foydang tekkanida sen bilan yaxshi munosabatda boʼlib, zararing tekkanida toshboʼronlar qilinganingni anlaysan bu kitobdan. Hali yana Kafka haqida yozaman.

3. Alber Kamyu - "Begona". Jamiyatga begona boʼlgan, lekin oddiy insonlardan ancha ulugʼroq boʼlgan "Begona" Merso haqida bu kitob. U hech narsani yashirmaydi yoki nimanidir shunday boʼlishi kerakligi uchun qilmaydi. Bu kitobni aniq oʼqinglar.

4. "Yalangʼoch iqtisodiyot" - shu kitob haqida juda koʼp gapirgan boʼlsam kerak, lekin nima qilay sohamga oid bugungacha oʼqigan eng yaxshi kitobim shu. Iqtisodiyotni oʼzi nimaligini nomiga oʼxshab yalangʻoch qilib tashlaydi.😆

5. "Sapiens" -din, ilm-fan, insoniyat tarixi, iqtisodiyot, kapitalizm, pul va boshqa narsalar haqida. Harari biz qabul qilgan koʼplab gʼoyalarni shubxa ostiga oladi. Bu kitobdan juda koʼp narsa olganman, lekin doim xulosa qila olmayman. Oʼzim uchun xulosalash unchalik ahamiyatli emas)

6. "Mazaxchini oʼldirish" - Xarper Li. Bu kitob tugʼilgan kunimga eng yaxshi sovgʻa boʼlgandi. Irqchilikni juda yaxshi ochib bergan, kitob bola tilidan boʼlganligi uchun uni qoʼldan qoʼymay bir oʼtirishda oʼqib chiqish mumkin.

7. Erix Fromm - "Sevgi sanʼati". Sevgi oʼzi nimaligi, ota-ona va farzand oʼrtasida muhabbat qanday ekanligi, mazoxizm va sadism nimaligi haqida ham aynan shu kitobdan bilib olish mumkin.

8. Va soʼnggisi - "Factfulness" - Hans Rosling. Dunyo haqida nega notoʻgʻri oʼlashimizni va haqiqat aslida qanday ekanini koʼrsatadi.

Xullas shular. Bu kitoblarni hammasini oʼzim hali yana bir marotaba oʼqib chiqaman. Raqamlar shunchaki yozilgan, aslida man qaysidir birini juda zoʼr, yoki boshqasini qadrini kamaytirmoqchi emasman. Hammasi ajoyib, va #must_read #sarhisob.

@bookonomics

Hozir kitoblarimni va daftarlarimni javonimga qayta joylashtiryapman. 3 yil oldingi kundaligimni topib oldim. Tipichniy o'zbek qizi bo'lgan ekanman😁.

Qachon bu darajada o'zgarishga ulguribman, anglamadim)

Ishoninglar, insonlar juda koʼp yolgʻon gapirishadi.

Oxir-oqibat, bitta narsani - odamlarning hamma baxtsizligi ularning aniq qilib gapirolmasligidan kelib chiqishini angladim.

Alber Kamyu "Vabo"

Meni oldindan taniganlar yaxshi bilishadi, qanchalik bir kunim oʼzimniki boʼlishini istashimni. Yaʼni tasavur qiling sizda bir kun, 24 soat vaqtingiz bor. Bu soatda sizni hech qanday majburiyatingiz yoki qilishingiz kerak boʼlgan hech qanday ish yoʼq.

Istagan joyimga borishim, kitob oʼqishim yoki kino koʼrishim va bir yildan beri yigʼilib kelayotgan ishlarimni qilish imkoniyati. Hayotim davomida ishlasam ham faqat mana shunaqa kunim oʼzimniki boʼlishi uchun ishlasam kerak.

#about_me
@bookonomics

Bugun kayfiyatim juda yaxshi, sababini sizlar bilan ham boʼlishmoqchiman😁.

Xullas ikki uch haftalar avval, iqtisodiyotdan olimpiada boʼlgandi. Turkmaniston bilan aloqador boʼlgan Xalqaro Olimpiada. Shunga qatnashib, hamma savollarga ChatGPT bilan javob berib birinchi oʼrinni olibman. Xursand boʼlishni ham hayron boʼlishni ham bilmayman🤣 (Xalqaro boʼlganligi uchun birinchi oʼrin bitta emas, bir nechta).

Keyin bugun visa karta ochib, Spotifyda Premium oldim. Musiqaga qaram insonlardan biri sifatida bu mani oʼzgacha xursand qildi.

@bookonomics

Faqatgina Oʼzbekistonda kechikdim deb kelib, hammadan erta kelish mumkin. Chunki hech kim oʼz vaqtida kelmaydi. Kechikib kelish odat boʼlgan.

@bookonomics