Shu fikrlar bilan 3-4 kundan beri oʻrtanib yuribman. Asli bunday kitoblarga, ilmga chanqoq boʻlishimning sababchisi kim yoki nima edi?
3-4 yoshimda shahodat kalimasini oʻrgatdilar, paygʻambarlar qissalarini qulogʻimga quyib katta qildilar, sunnatlarga muvofiq yashashni oʻrgatdilar, Fotiha, Kavsar suralarini yod oltirganlari haliyam esimda...
Buni hech oʻylab koʻrmagan ekanman. "Ovqatni oʻng qoʻling bilan bismillahni aytib yegin, kiyim kiyishingda qoʻl tarafidan kiyishni boshla, uydan chiqib ketayotganda ham oʻng oyogʻing bilan bismillahni aytib chiq, hojatxonaga kirayotganda chap oyogʻing bilan kir, chiqayotganda oʻng oyogʻing bilan chiq, chiroyli hushmuomalada boʻl, tartibli boʻl, ozoda yur" kabi nasihatlari bilan shu kungacha amal qilib yashadim.
Hovli, uylarni burchaklarigacha ozoda qilib supurishni, shirin-shirin ovqatlar tayyorlashni, oʻz kiyimlarimni oʻzim yuva olishni 3-4 sinfda be'malol bajara oladigan darajaga keltira olganlar.
Oʻsha paytlar bu narsalar menga shunchaki odob-axloq qoidalari boʻlsa kerak, qiz bola shunaqa boʻlishi kerak-da degan fikrlar bilan yashagan ekanman. Hozir oʻylab qarasam to aqlimni tanibmanki, menga sunnatga muvofiq yashashga ular odatlantirgan ekanlar.
Enajonim, bilaman bu xabarni oʻqib turibsiz. Sizga kattakon rahmat. Men shu kungacha ilm yoʻlida nimaga erishgan boʻlsam hammasini poydevorida siz va sizning oʻrganganlaringiz turibdi. Oʻzingizga buni shundoq bemalol ayta olmiman bilmadim qandaydir boshqacha hislar bu...
Boringizga shukur, sizni judayam sogʻindim. Shu narsani aytishim kerak, agar bundan keyin ham ilm yoʻlida har qanday yutuqqa erishsam ham siz sabab erishgan boʻlaman. Menga kichiklik vaqtimda shahodat kalimasini yodlatganingiz, "Alif", "Be", "Te", "Se" deya harflarni yod oltirganingiz, sunnatlarga muvofiq yashashga odatlantirganingiz kabi Alloh sizni oʻzining rahmati, Jannati bilan siylasin. Sizdan hech qanday yomonlik koʻrmadim, nima degan boʻlsangiz ham "Yaxshi boʻlgin" deya oʻrgatgan ekansiz. Hozir shularni anglab yetdimki, bunaqangi ilmga tashna boʻlishimning asl sababchisi sizsiz💕
Kelajak haqda nimadir deyotganda "Hudo hohlasa, Inshaalloh" deya gapimni yakunlayman. Va buni menga siz bundan 10yilcha oldin oʻrgatgansiz. Esingizda boʻlsa, ertangi kun uchun ham nimadir voqelik boʻlishini aytib gapirsam gapimni yakunida Hudo hohlasa, deb qoʻyar edingiz. Siz sabab hozir har bir gapimda Allohni zikr qilaman. Juda katta savob qilgan ekansiz, enajonim. Sizga havasim keldi. Men ham Inshaalloh siz kabi boʻlganimda nabiralarimga siz oʻrgatganlaringizni oʻrgataman va siz kabi koʻoʻoʻp savob ishlab olaman Inshaalloh 😊
Mana hozir bunchalik kitoblarga yopishib ilm ortidan quvyotganim, diniy va dunyoviy ilmlarga qiziqishim ortib, ularni koʻproq oʻrganishni istayotganim sababi sizdan. Har sohaga yopishib koʻrdim, tanlamaganim va yuzlanmaganim qolmadi. Lekin shu din yoʻli va dunyoviy ilmlar menga rohat, jonimga oro boʻldi. Anglab yetdimki, bu mening yoʻlim va buni davom ettirsam oʻzimning emas aynan sizning oʻrgatgan ilmlaringizni boshqalarga yetkazuvchi davomchisi boʻlar ekanman. Hech qachon oʻrgatganlaringizni boshqa kitobda "bu joiz emas" kabi ruknida koʻrmadim. Sunnatlarga yuzlanganimda koʻpiga yoshlikdan amal qilganimni va buni sizdan oʻrganganimni anglab yetaverdim. "Iyi, buni enam kichkinagimda oʻrgatgan edi. Men shuncha yil bunga amal qilib yashaganman-ku" deyaverdim...
Men siz bilan 4-sinfni bitirgunimcha birga yashadim. Shu davrgacha menga butun umr oʻrganishim kerak boʻlgan sunnatlarni oʻrgatib boʻlgan ekansiz. 5-sinfda sunnatlarni mukammal darajada oʻrganib boʻlgan ekanman. Oʻqiganlarimning koʻpini siz bundan 6-7 yil avval oʻrgatib boʻlganingizni anglab yetaveryapman. Mashaallah, siz haqiqatdanda ziyoli, Jannatiy ayolsiz.
Siz sabab mana shu darajaga yetishdim. Shu darajaga yetishtirganingiz uchun ham Alloh sizni Jannati va rahmati bilan siylasin. Siz bunga arziysiz. Boringizga shukur ❤️ :)
@bookgeek_life
