Jaloliddin .32

Insonga 4ta narsa ta’sir qiladi:

• Gen
• Oila
• Atrof-muhit
• Insonning o’zi

Gen - organizmning DNK tarkibidagi ma’lum bir qismi. U nasldan naslga o‘tadigan va organizmning belgilari (masalan, ko‘z rangi, bo‘y) uchun javobgar bo‘lgan axborotni saqlaydi.

Agar ota-onada ko‘z rangi jigarrang bo‘lsa, ularning farzandi ham katta ehtimol bilan jigarrang ko‘zli bo‘ladi. Bu ko‘z rangi geni orqali belgilanadi.

Yana bir misol: Laktoza intolerantligi – ba’zi odamlar sut ichganda qorni og‘rishi va hazm qilish muammolariga duch kelishadi. Bu holat LCT geni bilan bog‘liq. Agar odamda bu genning faol shakli bo‘lmasa, u laktozani hazm qila olmaydi.

Genlar nafaqat tashqi ko‘rinishga, balki sog‘liq va organizmning turli funksiyalariga ham ta’sir qiladi.

Lekin u mutlaq ustunlik qiladi degani emas.

Oila - bu insonning umrining katta qismi shu joyda o’tuvchi kichik bir jamiyatdir. Bu joyda ma’lum bir insonlar, ma’lum bir maqsad va qadriyatlar ila harakat qilishadi.

Insonga oilaning ta’siri juda katta, bejizga Ota bobolarimiz “Qush uyasida ko’rganini qiladi”, deyishmagan. Maqol yuz yildan ortiq yashayaptimi demak bu maqolda jon bor.

Atrof-muhit ham insonni o’zgartiruvchi omillardan biridir. Bir gapni ko’p eshitib qolamiz “Ota onasi tuppa-tuzuk odamlar lekin farzandi noqobil chiqdi”, degan. Bu holatda farzandga atrof-muhit katta ta’sir o’tkazgan bo’lishi mumkin.

“4ta millioner orasida bo’lsang 5-millioner sen bo’lasan”, degan gaplar ham bor.

- Inson o’ziga o’zi ham ta’sir qila oladimi?
- Ha, albatta!

Uning xotiralari, xulosalari, o’y-fikrlari va tajribalari.

Shu sababdan ham inson ilm olgani sari, xulosalar qilgani, tafakkurni kanda qilmagani sari o’zgarib boraveradi.

Albatta bu 4ta omil hammasi emas, insonni o’zgartiruvchi omillar juda ko’p yuqorida ba’zilarini sanab o’tdik xalos.

Sizga nima ta’sir qilgan edi, eslang.

G’alati elat bu, g’alati el bu…

Qachon boshlanishi kerak o‘zi, buni bilmayman…

Doim yoshimga nisbatan kattaroq bo‘lishga harakat qilaman. Bu nima bilan bo‘ladi desa: suhbatlar, kitoblar va tafakkur bilan.

Bu nima uchun kerak, inson o‘zini yoshida yashayversa bo‘lmaydimi tinchgina degan fikr ham bo‘lishi mumkin. Ha albatta, har bir insonga Alloh tanlov qilish imkoniyatini bergan.

"Men ko‘p yashashni xohlayman", bu mening maqsadim.

30 yoshga kirganimda 100 yoshda, 60 yoshda esa 300 yoshga kirishni istayman va bu menga zavq beradi.

"Muqaddimaga qiziqib qolganimga ham shu sabab bo‘lgan bo‘lsa ne ajab" )

Biz vaqtdan o‘tib keta olmaymiz, lekin vaqtga nisbatan eniga kengaya olamiz. Bu ham Alloh taoloning bir ne’mati menimcha.

O‘limni ko‘p yodga olaman, yoshim o‘zimnikiga nisbatan katta bo‘lgani sababdan menimcha va bu o‘lim menga "Sendan nima qolyapti?", degan savolni beraveradi.

Har bir ishimda ham "Bu ish orqali mendan nima qoladi?", deb o‘zimni so‘roqqa tutaman.

Mendan qoladigani ilm bo‘lishini istayman.

Biz intiladigan mansab, boylik yoki obro‘, men uchun juda arzimas hisoblanadi.

Men bu dunyoda shunchaki "Foydali inson" bo‘lishni istayman xalos. Men o‘ylayman inson bu dunyoda erishishi mumkin bo‘lgan eng oliy maqomlardan biri bu foydali biri bo‘lishdir.

Imom janozamga yig‘ilganlarga yuzlanib: "Marhum ukamiz qanday inson edi?", deb savol berganlarida, jamoat: "Foydali biri edi", deyishlarini istayman xalos.

Qanchalik foydali bo’la olyapman Alloh bilguvchi…

Mukammal qilib keyin boshlayman

Bugun yozgan kitoblarimga ko‘z yugurtirdim va bir narsaga yana bir bor amin bo‘ldim:

Inson doim bir ish boshlashdan avval uni juda mukammal shaklga keltirishni sevadi.

Agar sport bilan shug‘ullanmoqchi bo‘lsak, avvalo sport kiyimini sotib olishimiz kerak. So‘ngra yaxshi sport zalini topishimiz, u yerdan kamida 1 oylik obuna sotib olishimiz lozim. Albatta bizga sport ozuqalari, qo‘shimchalari kerak bo‘ladi. Bu ozuqalar qimmat shu sabab uni sotib olish uchun pul ajratishimiz kerak. Shu tariqa sport bilan shug‘ullanishni boshlash vaqtimiz sun’iy ravish cho‘zilib boraveradi.

Bir inson Instagramda blog yuritmoqchi bo‘ladi. Albatta u Iphone kompaniyasining so‘ngi rusumidagi telefonni sotib olishi kerak. Videoda muhimi "fon" hisoblanadi, endi u fon izlashga tushadi. Bu ishlar bir biriga ulanib oylar o‘tib ketganini ham sezmay qoladi.

Holbuki men sport bilan shug‘ullanishni shunchaki yugurish bilan boshlaganimda hozirgacha menda sport kiyimlari ham, sport ozuqalari ham bo‘lar edi.

Agar men o‘zimdagi bor telefondan foydalanib videolar olishni boshlaganimda va blog olib borganimda balki ana o‘sha iphone uchun blogim orqali pul yig‘ib qo‘ygan bo‘lar edim.

Kitoblarimga qaytsak. Birinchi yozgan kitobimdagi xatolarni ko‘rib o‘zim hozirgacha hijolat bo‘laman lekin o‘sha payti men uchun bu yetarlicha yaxshi bo‘lgan. Agar bu kitobni mukammal qilishni kutganimda hozirgacha yurgan bo‘lar edim bakli. Zotan mukammal kitob qanday bo‘lishini bilmas ham edim. Alhamdulillah oxirgi kitobim mukammallikka yaqin bo‘ldi. Sababi bu ishni boshlaganimdan so‘ng, kitob o‘zi qanaqa yozilishi kerak, qaysi joylariga ahamiyat berish kerak bularni bilib oldim va shunga qarab harakat qila boshladim.

Bir ishdagi mukammallik nima ekanligiga siz faqat u ishni boshlaganingizdan so‘ng javob bera olasiz!

2024-yili bir post joylagan ekanman:

#tamoyil

Mukammallik aslida mavjud emas. Agar tabiat yoki biror narsa mukammal bo‘lganida edi, u rivojlanmasdan qolar edi. Tana a’zolari, tashkilotlar va alohida odamlar doimo mukammallikdan yiroq, ammo rivojlanishga qodir. Xatolarimizni yashirib va o‘zimizni mukammaldek tutib, qotib qolgandan ko‘ra, o‘z zaifliklarimizni topib, ular bilan shug‘ullanish hayotimizga ko‘proq mazmun bag‘ishlaydi. Yoki xatolardan o‘rganasiz, davom etasiz, g‘alaba uchun yaxshigina qurollanasiz yoki aksincha - mag‘lub bo‘lasiz.

Mas’uliyat

Insonning yoshi ulg‘ayishi bilan birgalikda undagi aura ham kattalashib boradi degan gap yo‘q.

Insondagi aura u olgan mas’uliyatga qarab katta yoki kichik bo‘ladi.

Hayotiy misol bilan tushuntiraman:

20 yoshda lekin oilalik yigitdan tarqaladigan aura bilan, 30 yosh lekin hali oila qurmagan yigitning aurasi o’rtasida juda katta farq qiladi. Buning sababi esa 20 yoshli yigit olgan mas’uliyati undagi aurani kattalashtiradi. Chunki oila bu juda katta mas’uliyatlarda biri hisoblanadi. 30 yoshli yigitimiz esa yoshi katta bo‘lishiga qaramasdan oila mas’uliyatini qo‘lga ololmaganligi uchun undagi aura kichik yoki yo’q.

Erkak kishini erkak qilib turuvchi, undan erkaklik aurasini tarqalib turishiga sabab ishlar juda ko‘p, lekin ularning eng asosiylaridan biri bu mas’uliyat.

Ota-onalar farzandlariga yoshlik chog‘idanoq kichik bo‘lsa ham mas’uliyatlari topshirib borishi lozim. Bu narsani yoshlikdan shakllantirmasa, katta bo‘lganida shunchaki mas’uliyatdan qochuvchi bir shaxs sifatida ulg‘ayib qoladi.

Yana bir misol kelib qoldi:

Prezidentlar oldida deyarli hamma hayajonlanadi, buning sababi ham ular olgan mas’uliyat ularning aurasini juda yuksaklarga olib chiqadi.

Yoshlarga maslahat shu bo‘ladi:

Hozirdan kichik-kichik mas’uliyatlarni olishni boshlang, nimagadir siz javobgar bo‘ling.

Erkin qaror qabul qilishni o‘rganing ana o‘shanda sizda mas’uliyat paydo bo‘ladi.

Inson qabul qilgan qarori ortidan katta yoki kichik mas’uliyatlar oladi. Qachonki siz mustaqil qaror bera olsangiz ana o‘shanda mas’uliyat ham shakllana boshlaydi.

Doim sizning o‘rningizga boshqalar qaror qabul qilishi sizdagi mas’uliyatni 0 ga tushiradi.

#nafs

U nima sababdan ko‘ngli bunchalik g‘ash bo‘layotganini tushunmas edi.

Bugun tongda uni quyosh nuri uyg‘otgan edi, bakli shungadir…

#nafs

U ishdan chiqdi va metro tomon yura boshladi. Yo‘lda ketar ekan xufton namoziga azon boshlandi. Metroga yetib borgunicha azon ham tugadi. Uygacha taxminan 20 daqiqalik yo‘q edi. U charchagan holatda uyiga kirdi, taomlandi va yotib uxladi.

Axir u charchagan edi…

Menga bir xabar keldi:

Assalomu alaykum, Jaloliddin aka salomatmisiz?
Ishga kirish shartnomasi bo‘yicha bitta taklifim bor edi

Ofisda ishlatiladigan narsalar, masalan qog‘ozlar, ruchka, salfetka va shunga o‘xshash narsalar, keyin suv, svetlarni o‘zimiz uchun ham ishlatib qo‘yamiz ba’zan. Shu narsalarga kompaniya rozimi? Agar rozi bo‘lsa tartibi va chegarasi qanday? Rozi bo‘lmasa kompaniyani haqqi bizda qolib ketyapti..

Shu haqida biroz tushuntirib bera olasizmi vaqtingiz bo‘lganida va agar iloji bo‘lsa shartnomaga ham kiritsa bo‘ladimi bizdan keyingilar bu borada qiynalmasliklari uchun.

Bu xabar meni juda chuqur o‘ylashga majbur qildi!

Bir tomondan Alloh rozi bo‘lsin juda xursand bo‘ldim, yana bir tomondan esa o‘zimga berishim kerak bo‘lgan savollar juda ko‘pligini anglab yetdim.

Haq masalasi juda nozik, sababi bu bandalar orasidagi ishdir.

Biz Allohga osiylik qilib bir gunohga qo‘l uramiz, Alloh mehribon Zot, tavba qilsak kechiradi. Lekin bu gunohimiz bir bandaning haqqi bilan bog‘liq bo‘lsa tavbani o‘zi yetarli emas, tavbamiz u birodarimizning haqqini ado etishimiz bilan qabul bo‘ladi.

Eslatma:

Haq masalasiga jiddiy e’tibor beraylik. Bugun yoki ertaga qiyomat qoim bo‘lib mahsharga yig‘ilganimizda, Alloh bilan yakkama-yakka qolganimizda afsuslarimiz-u, pushaymonlarimiz bizga foyda bermaydi…

P.S

Zuhra singlimiz kabi insonlar ko‘payaversin va Alloh ulardan rozi bo‘lsin!

Ha, bizning jamoamizda shu kabi qadriyatga ega insonlar yig‘ilgan va yig‘ilishda davom etadi insha’Alloh!

Mansabni siz talab qilmang, mansab sizni talab qilsin!

Gap aslida mansabda ham emas!

Gap siz qaysi lavozimda turganingizdan qat’iy nazar Vatan uchun qanchalik manfaat berib turganingizda!

Ko‘p guvohi bo‘lamiz, insonlar bor katta-katta mansablar egasi amma xalq uchun keltiradigan foydasidan darak yo‘q…

Insonlar bor, ularda mansab yo‘q, ular mansabga intilishmaydi ham lekin ular tomonidan xalq uchun beriladigan manfaat juda katta.

Keling misollar bilan ko‘rib chiqsak:

Ustozlar va shifokorlarni birinchilardan bo‘lib misol keltirmasak bo‘lmaydi albatta!

Ular amaldor emas, lekin ba’zi amaldorlardan ko‘ra ko‘proq foydali va manfaatli faoliyat olib borishadi.

Ustozlar butun bir xalqning savodli bo‘lishiga sabab bo‘lishdan. Bundan ham ortiq xalq uchun yaxshilik bo‘lmasa kerak.

Shifokorlar "Alloh shifo bersin" deydi. Bizga kasallik emas balki shifo tilashadi. Minglab, hatto millionlab insonlarni hayotlari sabab qolinishiga Alloh ularni sababchi qiladi.

Siz mansabga intilish uchun qaratgan fokus va energiyangizni jarayonga ya’ni hozirgi faoliyatingizni yaxshilashga qarating. Ana o‘shanda biz istayotgan mansab tomon loyiqlik orqali yaqinlashib borasiz.

Faoliyatingiz davomli bo'lsin, insonlarga manfaat ulashishdan charchamang. Aytmoqchi boʻlganlarim shulardan iborat edi, Alloh faoliyatingizni davomli, ilmingiz ziyoda qilsin. Ajratgan qimmatli vaqtingiz uchun rozi boʻling. Assalomu alaykum va rohmatullohi va barokatuh.

Birgina notoʻgʻri ishlatilgan soʻz - butun bir boy berilgan imkoniyat!

Assalomu alaykum. Avvalambor, bezovta qilganim uchun uzr soʻrayman. Alloh ilmingizni ziyoda qilsin, ilmingizga, rizqingizga baraka bersin. Aslida bu yozganlarim har xil gumonlar keltirmasin deya, anonim tarzda yubormoqchi edim, lekin anonim murojaatlar uchun hech qanday link joylamagan ekansiz. Shuning uchun bu xabarni bir o'quvchining yozuvchiga yozganlari sifatida qabul qilasiz degan umiddaman.
Katta ehtimol bilan siz meni eslay olmasangiz kerak, lekin siz bilan boʻlgan suhbat mening soʻzlar haqida fikrlashimni tubdan oʻzgartirgan desam mubolagʻa boʻlmaydi. Bundan bir necha oy avval, ish qidirib yurgan vaqtimda "Najot Ta'lim" oʻquv markazida boʻsh ish oʻrinlari borligini va men ham u yerga oʻzim haqida maʼlumotlarimni yuborsam, koʻrib chiqib, maʼqul kelsa telefon qilishlarini aytishdi. Tanishib chiqib oʻz rezyumeyimni yuborishga qaror qildim (Har xolda bunday yuqori obroʻga ega, shaharda yetakchi boʻlib kelayotgan bunday oʻquv markazida ishlashni kim ham xohlamagan boʻlar edi?!). Shundan keyin, 2-3 kun oʻtgach, menga siz aloqaga chiqdingiz va bir nechta maʼlumotlarni soʻragan boʻlib, ofisga kelishimni soʻradingiz. Toʻgʻrisini aytsam, suhbat davomiyligi bu darajada uzoq boʻlishini kutmagan edim, chunki bundan oldin oʻquv markazlarida oʻqituvchilik faoliyatimni boshlagan boʻlsam, hech qaysi men ishlagan joylarda menga bunday koʻp savollar berilmagan. Aynan shu kunda men "Najot Ta'lim" muassasasining asosiy muvaffaqiyati kalitini topdim deb oʻylayman. Berilgan savollar mazmuniga eʼtibor qaratadigan boʻlsak, asosiy nuqta qadriyatlarga qaratilgan. Qadriyatlar! Agar talabgorda kompaniya talab qiladigan har qanday sifatlar mavjud boʻlganda ham, qadriyatlar muvofiq kelmasa, ularning hammasi bekor. Lekin xabarimning asosiy maqsadiga keladigan boʻlsak, xabarim soʻzboshini "Birgina notoʻgʻri ishlatilgan soʻz - butun bir boy berilgan imkoniyat!" jumlasi bilan boshlashimdan asosiy maqsad mening birgina soʻzni notoʻgʻri ishlatganligim, meni imkoniyatni qoʻldan boy berganligim bilan tugadi va hayotimdagi katta saboqlarimdan bir boʻldi.
Men bilingual muloqot qilinadigan oilada ya'ni otam tojik tilda, onam oʻzbek tilida farzandlar bilan muloqot qilinadigan oilada voyaga yetganman. Lekin maʼlumki, oilada asosan ota qaysi tilda gaplashsa, shu til farzandlar uchun dominant hisoblanadi. Bundan tashqari, ingliz tilida soʻzlashishim, rus va arab tillarini oʻrganayotganligim sababidan boshqa tilda gapirayotganda "акцент" borligi tabiiy hol edi. Asosan tojik tilida muloqot qilganligim tufayli va oʻzbek tilini maktabda oʻrganganligim uchun sizni savolingizga "Oʻzbek tilini OʻRGANGANMAN" deb javob berganman va aynan shu ham ishga qabul qilinmaganligimning asosiy sabablaridan biri deb bilaman. Har bir ishda albatta xayr bordir, Alhamdulillah. Alloh bir eshikni yopsa, albatta boshqa minglab biz kutmagan imkoniyatlar kalitini qoʻlimizga tutqazib qoʻyadi. Mening bu suhbatdan olgan eng katta sabogʻim esa: "Soʼz - eng qudratli kuch!". Aynan bir soʻz baʼzida inson hayotini oʻzgartishi, kimnidir koʻnglini ogʻritishi, koʻz yoshiga yoki quvonchiga sababchi boʻlishi, kimningdir iymonga kelishiga-yu, kimdir kufr keltirib qoʻyishiga sababchi boʻlar ekan.

Shu xabar orqali sizga oʻz minnatdorchiligimni yetkazishni niyat qilgandim. Avvalo Allohdan albatta va siz sababchi boʻlib har bir soʻzimni chuqur oʻylab, soʻzlarni tanlab gapiradigan boʻldim, Alloh rozi boʻlsin. Kitoblaringiz ham meni oʻz hayotimga tashqaridan nazar solishimga, yashab oʻtgan yillarim sarhisobini, bugunim va kelajagim rejalarini qaytadan fikr yuritib koʻrib chiqishimga sababchi boʻldi. Kitoblaringiz oʻqilishi yengil va murakkab mavzularni tezda anglab yetishi uchun aniq maqsadga urgʻu qaratilganligi, shuning bilan oʻquvchini oʻz hayotiga nazar solib, ichidagi "men"i bilan kurashishga, tafakkur qilishga undovchi boʻlganligi bilan boshqa kitoblardan ajralib turadi. Bir kun kelib, men ham o'z kitobimni yozishga jazm qilsam bunda albatta siz sababchilardan biri bo'lasiz.

Alhamdulillah 4-kitobimizni ham yozishga muvaffaq bo‘ldik!

O‘qishingiz mumkin

Yil o‘zgarishi ta’sir qila oladi deb o‘ylaysizmi ?

Yo‘q, yo‘q adashasiz!

To‘g‘ri yil o‘zgaryapti lekin sizdagi ruh, aql va nafs o‘zining joyida turibdi.

Fikrlarimizni bayon qilib berish uchun post yozishimizni o‘zi yetmayotgan edi. Shu sabab yana kitob yozishga kirishganmiz.

Ilm oshib-toshib ketgani yo‘q albatta, shunchaki kitob orqali fikrlarni juda mazmunli hamda tartib bilan bersa bo‘ladi.

Bu ishni ko‘nglimizga solgan Allohdan madad so‘rab bu ishni davom ettiramiz.

Insha’Alloh ma’lum bir vaqtdan keyin bu kitob haqida xabar beramiz.

Ungacha avvalgi kitoblarimizni mutolaa qilib tursangiz bo’ladi)

O‘qituvchi

Ko‘p muvaffaqiyatga erishgan insonlarning background’iga qarasangiz English tilidan yoki boshqa yo‘nalishda ustoz sifatida faoliyat yuritishgan bo‘ladi.

Bu faoliyat ularning muvaffaqiyatga yetaklagan eng muhim sabablardan bir deb hisoblayman.

Inson hayotida davomida doim kimdirga nimadirni tushuntiradi va bu jarayon doim takrorlanadi.

Endi agar sizda Ustoz sifatida yarm yil yoki bir yillik tajribangiz bo‘lsa, albatta sizda bir narsani insonlarga to‘g‘ri va sodda usulda yetkazib berish ko‘nikmasa shakillangan bo‘ladi. Bu to‘g‘ridan to‘g‘ri kelgusi ishlaringizda zafar quchishingizga sabab bo‘ladi.

Bir narsani bir insonga to‘g‘ri tushuntirib bera olish, unga yetkazish juda kerakli ko‘nikmadir.

Inson Ustozlik faoliyatida nafaqat bu ko‘nikmani balki bundan tashqari insonga hayoti mobaynida kerak bo‘ladigan boshqa muhim ko‘nikmalarni shakillantiradi va rivojlantiradi:

Insonlar bilan muloqot

O‘quvchilaringiz, Ustozlar, rahbariyat qolaversa o‘quvchilaringizni Ota Onalari bilan muloqotga kirishishingiz kerak bo‘ladi va tabiiy bu sizdagi muloqot ko‘nikmasini shakillantiradi.

Insonlar boshqaruvi

Avvalo o‘quvchilaringiz qolaversa agar siz asosiy Ustoz bo‘lsangiz yordamchi Ustozlaringizni boshqarishingiz lozim bo‘ladi.

Vazifa berish va qabul qilish

O‘quvchilaringizga vazifa va topshiriqlar berish, nafaqat berish balki ularni deadline orqali qabul qilib olishni o‘rganasiz.

Jarayon nazorati

O‘quvchilaringizni qanchalik darsni o‘zlashtirayotganlari, vazifalarni bajarilishi, guruh ichidagi muhid, qachon testlar bo‘lishi, kim nimadan qiynalayotgani, kim kimni sevib qolgani ), hullas barcha jarayonlarni nazorati sizning bo‘yningizda bo‘ladi.

Tanqidiy fikrlash

Qaysi o‘quvchiga qanday yondashuv qilish kerak, nima sababdan bu o‘quvchimning speaking natijalari past, nima uchun guruh testdan past ball oldi, shu kabi savollar sizda tanqidiy fikrlashni rivojlantiradi.

Baholash

Insonga kerak bo‘ladigan yana bir ko‘nikma bu baholashdir, chunki bu narsani doim boshimizdan o‘tkazamiz. Nimanidir baholash kerak bo‘ladi. Ustoz sifatida esa siz o‘quvchilarning vazifalari, bajargan topshiriqlari, yozma ishlari va harakatlarini baholashingiz kerak bo‘ladi.

Solishtirish va tanlov qilish

Inson doim bir narsani ikkinchisi bilan solishtiradi yoki ko‘p narsalar o‘rtasida tanlov qilishga majbur bo‘ladi, bunday tanlov qilishda faktlarga asoslanish, shunchaki hissiyotlar bilan tanlov qilmaslik muhimdir va bu ko‘nikmani albatta Ustozlik shakillantiradi.

Doimiy rivojlanish

Agar Ustoz sifatida doimiy ilm olib rivojlanmasangiz dars o‘tishga yaroqsiz holatga kelishingiz tayin. Nafaqat Ustozlikda balki barcha sohalarda ham huddi shunday, yo rivojlanasiz yo tark etasiz.

Bu ba’zi ko‘nikmalar edi, bundan boshqa yana ko‘plab ko‘nikmalar mavjud.

Har bir yoshga shaxsiy tavsiyam shu:

Eng birinchilardan bo‘lib English tilini yaxshilab o‘rganinglar, bu kelajakda sizni ham shaxsiy ham kasbiy o‘sishingizga olib keladi!

Va albatta birinchi faoliyatingizni Ustozlikda boshlang!

Yordamchi Ustoz sifatida ishga kiring, English tili bo‘yicha bo‘lsa nur ustiga a’lo nur!

P.s

Men ham yordamchi Ustoz sifatida 6 oy faoliyat ko‘rsatganman. 500 ming so‘m oylik olar edim)

HR bo‘limida faoliyat ko‘rsatayotgan inson sifatida aytaman:

Qiymat doim ham oylik orqali taqdim etilmaydi, aksincha qiymatning turlari juda ko‘p, lekin bunga doim ham ahamiyat beravermaymiz…

Ishonch

Endi suzishni o‘rgangan bolakay hovuzda bemalol suzyapti. Gap uning suzish ko‘nikmalari shakllanganida emas balki unga ishonch berilganidadir. U bolakayni otasi agar charchasang yoki suzishda qiynalsang seni qutqarib olaman degan ishonchni bergan.

Biz insonlarga ma’lum bir ko‘nikmalardan ta’lim beramiz lekin undan ham muhim bo‘lgan ishonchni bermaymiz! Holbuki ishonch ko‘nikmadan ham zarur edi. Chunki ishonch ortidan insonda ko‘nikmalar shakllanadi.

Inson cho‘kib ketishdan emas, balki cho‘kayotganida unga yordamga keladigan odam yo‘qligidan qo‘rqadi. Odatda biz ayni hodisadan qo‘rqmaymiz.

Endi savol tug‘iladi:

Ishonch insonning o‘zida bo‘lishi kerakmi ?

Yoki inson bir insonga, ota-onasiga, do‘stiga yoki bir yaqiniga suyanish orqali ishonch olishi kerakmi ?

Inson suyanadigan Zot bitta, U yagona va U vakil bo‘lishga eng munosibdir.

Insonning suyanchig‘i Allohdir.

Agar inson Allohdan boshqasiga suyansa yutqazgani o‘sha bo‘ladi.

Siz kimga yoki nimaga suyansangiz ana o‘shandan pand yeysiz.

Siz 1000 yillik toqqa suyangan taqdiringizda ham ana o‘sha tog‘dan pand yeysiz!

Suyanishimiz lozim bo‘lgan Zot Allohdir!

Bir o’zimizga o’xshagan qul va’da bersa yoki ishonch bersa qanchalar ko’kka ko’tarilamiz.

Endi bizni suyanchig‘imiz Alloh bo‘lsa, bizdagi ishonch naqadar buyuk bo‘lishini tasavvur qilavering!

Buyuk Zotning beradigan ishonchi ham buyuk bo‘ladi!

Alloh taolo Qur’on karimning juda ko’p joylarida biz mo’minlarga ishonch bergan:

Muhammad surasi, 7-oyat
Baqara surasi, 186-oyat
Zumar surasi, 53-oyat
Nahl surasi, 97-oyat
Hud surasi, 6-oyat
Taloq surasi, 3-oyat
Zalzala surasi, 7-oyat
Sharh surasi, 5-6-oyatlar

Mana shuncha va’da va ishonch, endi qizig’i shundaki bu va’dalarni butun olamlarni Robbi bo’lgan Alloh bergan!

O‘zingizni va o‘zingiz bilan

Nima uchun o‘zimizni ham g‘iybat qilishimiz "mumkin" ekanligini o‘ylab ko‘rmaymiz?

Birovlarni g‘iybat qilishga ketkazgan vaqtimizni o‘zimizni har bir harakatimizni, har bir og‘zimizdan chiqqan gapni g‘iybat qilaylik.

Nima uchun o‘zimiz bilan tortishimiz mumkin ekanligini bilmaymiz?

Doim boshqalar bilan tortishamiz, eng qizig‘i odatda biz tortishadigan mavzular bir tinga qimmat bo‘ladi.

Uni o‘rniga nima uchun ertalab bomdod namoziga uyg‘onmaganligimiz haqida o‘zimiz bilan tortishaylik.

Eng katta xato

HR bo‘limida faoliyat yuritganimiz uchun ko‘p yoshlar bilan suhbatlashamiz. Ular qilayotgan katta xatolardan bittasi Oliy ta’limga "qiziqqan yo‘nalishi"ga o‘qishga topshirishayotganidir.

Tushuntiraman:

Qiziqish bu juda tez o‘zgarib turuvchidir!

Bugun unga, ertasi kuni esa bunga…

Qizishishlaringiz shunchaki nafsingiz xohishlari bo‘lishi ham mumkin.

Shu sabab bu qiziqishlaringizni aqlingizga solib ko‘ring.

Yoshlar esa nima qilishyapti, kecha qiziqqan yo‘nalishiga bugun Oliy ta’limga o‘qishga kirib yuborishyapti va biroz vaqt o‘tgach bu sohadan umuman so‘vib qolishyapti. Qarabsizki 4 yil umr havoga uchyapti.

Yoshlar 4 yil bu katta muddat!

Avvalo kamida 4 oy faqat yo‘nalishingizni aniqlash payida bo‘ling! Har bir qiziqishingiz ortidan borib uni yaxshilab aqlingizga soling. Amalda shu qiziqishlaringizni qo‘llab ko‘ring.

Bir yo‘nalish haqida xulosa qilib olish uchun, ya’ni sizga mos yoki yo‘qligini bilish uchun Oliy ta’limga topshirishning keragi yo‘q-ku axir.

Siz qiziqqan yo‘nalish uchun avvalo Oliy ta’lim kerakmi?
Bu kasbni o‘rganish uchun qancha vaqt ketadi ?
Kelajakda qanchalik aktual bo‘ladi bu yo‘nalish?

Shu kabi savollarga javob topmay turib bir yo‘nalishga yopishib olmang!

Tanqidiy fikrlashni o‘rganing!
Moslashuvchan bo‘ling!
Dunyo qaysi tomonga ketayotgani haqida fikr qiling!
Hayotdagi maqsadlaringizni aniqlang va bu maqsadlarga siz tanlayotgan kasb ketkaza oladimi shuni tahlil qiling!

Birodarim

Hammada o‘ziga yarasha, ya’ni toqatiga yarasha dardi va muammolar bor. Menda ham bor senda ham bor, dunyodagi eng baxtli odam deb hisoblaganlaringda ham.

Shunchaki buni qabul qilish va davom etish lozim.

Alloh taolo davosi yo‘q dard, yechimi yo‘q muammo bermaydi.

Mana mening dardimga davo yo‘q yoki mana meni muammolarim ham bo‘lmayapti deb aytishingiz mumkin.

Siz haqsiz!

Ular hal bo‘lmaydi!

Chunki siz davoni ham, yechimni ham umuman boshqa joyda izlayapsiz.

Davo va yechim uchun kimga yuzlanayotganingizga ahamiyatli bo‘ling!

Faqat Alloh!

Siz umid qilayotgan inson ham bir quldir.

Imtihon

Tayyorgarlik ko’rmasdan imtihon topshirib chiqqan talaba, tavakkul va nasib haqida postlar yozar ekan )