ОНАНГИЗГА ЕТМАЙДИ

Олам тўла ҳуржамол,
Сизга таскин этмайди.
Дунёда ҳеч бир аёл,
Онангизга етмайди...

Кимдир бўлиб меҳрибон,
Сизни дея тикса жон.
Деёлмайсиз онажон,
Онангизга етмайди...

Жуфтингиз қилиб асир,
Кўнгил олса бирма-бир.
Икки дунё барибир,
Онангизга етмайди...

Опа-сингил энтикиб,
Гиргиттон кўзин тикиб.
Қўйса ҳам меҳрин тўкиб,
Онангизга етмайди...

Дилни ўртар нолангиз,
Ўрин ўтмас холангиз.
Юпатса ҳам болангиз,
Онангизга етмайди...

Она шундай буюк зот,
Усиз татимас ҳаёт.
Армон бўлар умрбод,
Онангизга етмайди...

Акрам сўз айтар ғариб,
Қолманг яна ахтариб.
Бошга юринг кўтариб,
Онангизга етмайди...

Акрамжон АЗИЗОВ

Яна кўпроқ кўриш учун каналга
обуна бўлинг 👇🏻
https://t.me/+HJvay1IVFe0xNThi