Что такое малые АЭС?

В Узбекистане построят малую АЭС в Джизакской области

Возобновляемая энергия (виэ)

uz Гражданам частично могут возместить затраты

Чистая Энергия ӏ Sof Energiya UZ

Для тех, кто заботится о зеленом будущем Узбекистана.

Statistika Saralanganlar

BBC.UZ

Kanal geosi va tili: O‘zbekiston, O‘zbekcha

Toifa: Yangiliklar va OAV

Каналдаги ҳамма малумотлар расмий ҳабарлардир. Шунинг учун хабарларга этиборли бўлинг ҳамда керакли инсонларга улашинг...

✨ @BBC_UZ24 - Бу энг тезкор ва ишончли маълумотлар канали, бизни кузатишда давом этинг.

Связанные каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Postlar filtri

O‘chirilganlarni yashirish

Repostlarni yashirish

BBC.UZ

6 Feb, 10:52

02:21

Video oldindan ko‘rish uchun mavjud emas

Telegram'da ko‘rish

🇺🇸Трамп Ғазо секторига доир баёнотларидан сўнг импичмент хавфи остида қолди

Демократ конгрессмен Эл Грин АҚШ президентини фаластинликларга нисбатан «этник тозалаш» режаларида айблаб, импичмент жараёнини бошлашини маълум қилди.

«Этник тозалаш — бу ҳазил иш эмас, айниқса, буни дунёдаги энг нуфузли шахс — АҚШ президенти айтаётган бўлса. У айтаётганини амалга ошириш имкониятига эга», — деди Грин.

Конгрессменнинг таъкидлашича, президентга қарши импичмент жараёни бошланган. "Мен импичмент ҳужжатини киритишимни эълон қиламан, чунки у разил таклифлар билдирди», — деди демократ Конгресс йиғилишида.

Эслатиб ўтамиз, Трампнинг бу режаларини деярли барча йирик давлатлар, жумладан, Хитой, Россия, Европа Иттифоқи ва Яқин Шарқ давлатлари танқид остига олган.

@BBC_UZ24

13 0 0

BBC.UZ

3 Feb, 21:23

#Диққат

‼️ Божхона йиғимларининг янги ставкалари.

@BBC_UZ24

23 0 0

BBC.UZ

3 Feb, 21:11

🇮🇱 Исроилда чақирув қоғози олгандан кейин ҳарбий хизматга бормаган 1 200 дан ортиқ ултра-ортодокс яҳудийни ҳибсга олиш учун ордерлар берилди

Бу ҳақда Исроилнинг Тhe Jerusalem Post нашри хабар бермоқда.

2024 йилнинг ёзида армияга чақирилган 18-26 ёш оралиғидаги 3 минг нафар чақирилувчидан атиги 461 нафари ҳарбий хизматга келган.

Исроил Олий суди 2024 йил июн ойида ултра-ортодокс яҳудийларнинг диний мактаблари талабаларини ҳарбий хизматдан озод қилиш тўғрисидаги қарорни бекор қилган эди.

Малумот учун, ултра-ортодокс яҳудийларнинг эътиқодига кўра уларга ҳарбий хизматни ўташ ва қуролли ҳаракатларда иштирок этиш мумкин эмас.

@BBC_UZ24

20 0 0

BBC.UZ

3 Feb, 19:22

🇺🇿🇩🇪 Алишер Усмоновнинг Германиядаги вилласи сотувга қўйилди

Унинг дастлабки нархи 25 млн еврони ташкил этиб, вилла унга эгалик қилувчи компаниянинг қарзлари сабабли сотилмоқда

@BBC_UZ24

16 0 0

BBC.UZ

3 Feb, 18:52

01:28

Video oldindan ko‘rish uchun mavjud emas

Telegram'da ko‘rish

🇬🇪🇺🇦🇷🇺 Грузия бош вазири: Украинадаги уруш бошида бизни Россияга қарши иккинчи фронт очишга чақиришган

Грузия ҳукумати яна бир бор урушнинг илк босқичида уларни Россияга қарши ҳаракат бошлашга ундашганини тасдиқлади. Украина ғалаба қозонмоқда, бу имкониятни бой бермаслигингиз керак — деб айтишган.

Кобахидзе: Ушбу чақириқ ким томонидан қилинганини очиқламади, аммо у бу гапларнинг ёпиқ эшиклар ортида айтилганини таъкидлади. Бугунги воқеалар шуни тасдиқлаяптики, бизнинг позициямиз мутлақо тўғри бўлган — деди у.

Кобахидзе, шунингдек: Трамп ва Грузия орзуси партиясининг позициялари ўхшашлигини қайд этди. Унинг фикрича, Украинага 2014-йилги ҳолатига қайтиши учун 100 йил керак бўлади.

Биз ўз мамлакатимизни ушбу фожиали тақдирдан сақлаб қолишимиз керак — дея якунлади Грузия бош вазири.

@BBC_UZ24

16 0 0

BBC.UZ

3 Feb, 12:09

🇨🇳 Хитой Уйғур маданиятини йўқ қилмоқда

Сўнгги йилларда Хитой “эски турар жой ҳудудларини таъмирлаш” баҳонасида уйғурнинг анъанавий уйлари ва турар жойларини фаол равишда бузиб, ўзгартириб, уларнинг ўрнига Хитой типидаги биноларни қурмоқда.

Хитой ҳукумати 2025-йилгача Шарқий Туркистондаги шаҳар ва аҳоли пунктларидаги 258 та эски турар-жой майдонини "қайта ободонлаштириш" режасини эълон қилган

Бир сўз билан айтганда Шарқий Туркистонда модернизация ниқоби остида уйғур меъморчилигини мунтазам равишда йўқ қилиш ва маданиятни ўзлаштириш амалга оширилмоқда.

@BBC_UZ24

16 0 0

BBC.UZ

3 Feb, 11:21

🇰🇷🇮🇱 Жанубий Кореянинг технология гиганти Samsung Исроилдаги айрим фаолиятларини тўхтатишга қарор қилди.

Компаниянинг глобал инвестицияларини бошқарадиган Samsung Next компанияси Исроилдаги 70 та лойиҳасини тўхтатганини эълон қилди. Бу қарор Исроилнинг Ғазога уюштирган ҳужумларидан кейин пайдо бўлган ишончсизлик ва иқтисодий ноаниқликлар туфайли қабул қилингани билдирилди.

Samsung Тел-Авивдаги офисини ёпишга қарор қилгани ва минтақадаги фаолиятини АҚШдаги ваколатхонасига ўтказиши маълум қилинган. Samsung Next компаниясининг Исроилдаги фаолиятини тўхтатиб қўйгани компаниянинг мамлакатдаги сармояларини сезиларли даражада камайтираётганидан дарак беради.

Сўнгги йилларда Исроилда технология соҳасига катта сармоя киритган Samsung компаниясининг ҳозирча Исроилдаги бошқа операциялари ҳақида расмий баёнот берилмаган.

Samsung нинг Исроилдан чиқиш қарори минтақадаги сиёсий ва иқтисодий ўзгаришларнинг глобал технология гигантларига таъсирини кўрсатмоқда.

@BBC_UZ24

15 0 0

BBC.UZ

2 Feb, 05:17

Sog‘lom hayot kechirish uchun inson kunlik muhim vitamin va minerallarni yetarli darajada iste’mol qilishi kerak. Quyida eng zarur vitaminlar, ularning kunlik tavsiya etilgan miqdori va qaysi mahsulotlarda borligi ko‘rsatilgan.

1. Vitamin A (Ko‘rish qobiliyati va immunitet uchun)

🔹 Kunlik norma:
Erkaklar: 900 mcg
Ayollar: 700 mcg

🔹 Qaysi mahsulotlarda bor?

Sabzi, shirin kartoshka, jigar, tuxum, sut va yashil bargli sabzavotlar.
2. Vitamin B guruhi (Energiya ishlab chiqarish va asab tizimi uchun)
🔹 B1 (Tiamin) – Don mahsulotlari, yeryong‘oq, no‘xat.
🔹 B2 (Riboflavin) – Sut mahsulotlari, tuxum, yong‘oqlar.
🔹 B3 (Niatsin) – Tovuq go‘shti, baliq, yeryong‘oq.
🔹 B5 (Pantoten kislotasi) – Avokado, tuxum, qo‘ziqorin.
🔹 B6 (Piridoksin) – Banan, kartoshka, yong‘oq.
🔹 B7 (Biotin) – Tuxum sarig‘i, bodom, sabzi.
🔹 B9 (Folat) – Ismaloq, brokkoli, loviya.
🔹 B12 (Kobalamin) – Go‘sht, tuxum, baliq, sut mahsulotlari.

🔹 Kunlik norma:

B1: 1.1-1.2 mg, B6: 1.3-1.7 mg, B12: 2.4 mcg

3. Vitamin C (Immunitetni mustahkamlash, antioksidant)

🔹 Kunlik norma:

Erkaklar: 90 mg
Ayollar: 75 mg

🔹 Qaysi mahsulotlarda bor?

Apelsin, limon, kivi, bulg‘or qalampiri, qulupnay, brokkoli.
4. Vitamin D (Suyaklar mustahkamligi va immunitet uchun)

🔹 Kunlik norma:

15-20 mcg (600-800 IU)
🔹 Qaysi mahsulotlarda bor?

Quyosh nuri (asosiy manba), baliq yog‘i, tuxum, sut mahsulotlari.
5. Vitamin E (Teri va yurak sog‘lig‘i uchun)
🔹 Kunlik norma: 15 mg
🔹 Qaysi mahsulotlarda bor?

Yong‘oq, bodom, pista, o‘simlik yog‘lari, avokado.
6. Vitamin K (Qon ivish jarayoni va suyaklar uchun)

🔹 Kunlik norma:

Erkaklar: 120 mcg
Ayollar: 90 mcg

🔹 Qaysi mahsulotlarda bor?

Ismaloq, brokkoli, ko‘katlar, baliq yog‘i.
Qo‘shimcha Muhim Minerallar
🟢 Kalsiy – 1000 mg (suyaklar uchun) → Sut mahsulotlari, bodom, ko‘katlar.
🟢 Temir – 8-18 mg (qon va kislorod tashish uchun) → Go‘sht, yasmiq, ismaloq.
🟢 Magneziy – 310-420 mg (asab va yurak uchun) → Yong‘oq, avokado, qora shokolad.
🟢 Rux (Zinc) – 8-11 mg (immunitet uchun) → Qovoq urug‘i, go‘sht, tuxum.

Xulosa
Agar sog‘lom hayot kechirishni istasangiz:
✅ Kuniga kamida 5 xil meva-sabzavot iste’mol qiling.
✅ Baliq yoki go‘sht (protein uchun) yeyish tavsiya etiladi.
✅ Quyosh nurlaridan foydalaning (Vitamin D uchun).
✅ Turli xil yong‘oqlar va urug‘lar organizmga muhim minerallar beradi.

@BBC_UZ24

20 0 0

BBC.UZ

1 Feb, 18:41

Ўзбекистон – Франция савдо айланмаси 1,13 миллиард долларга етди

Пойтахтимизда бўлиб ўтган Ўзбекистон – Франция бизнес форумида таъкидлаб ўтилганидек, бу икки давлат ўртасидаги товар айирбошлаш қиймати сўнгги йилларда 5 баробар ошиб, 1.13 миллиард долларга кўтарилган.

Батафсил: https://uza.uz/posts/683873
@BBC_UZ24

16 0 0

BBC.UZ

1 Feb, 18:16

🇹🇷 Истанбулда ёнғин хавфсизлиги қоидаларининг бузилиши ва лицензияларнинг йўқлиги сабабли 250 дан ортиқ меҳмонхона ёпилди

Бу ҳақда маҳаллий Т24 портали хабар бермоқда.

Бундан ташқари, Анталияда ҳам 50 та меҳмонхона юқоридаги сабабларга кўра вақтинчалик ёпиб қўйилди. Кўрилаётган чоралар Карталкая тоғ-чанғи курортидаги меҳмонхонада юз берган ёнғиндан кейин бошланган текширувлар натижасида қабул қилинди. Ёнғин оқибатида 79 нафар инсон ҳалок бўлган эди.

@BBC_UZ24

16 0 0

BBC.UZ

1 Feb, 17:47

🇨🇦🇺🇸 Канада бош вазири АҚШ томонидан Канада маҳсулотларига бож жорий этилиши туфайли фуқароларни қийин кунларга тайёрланишга чақирди

Жастин Трюдо, шунингдек, Қўшма Штатларга "кучли ва тезкор жавоб" билан таҳдид қилди.

"Мен бу вазиятни ижобий ҳолат сифатида кўрсатмоқчи эмасман – яқин кунлар ва ҳафталарда мамлакатимиз қийин вазиятга дуч келиши мумкин. Биз учун ҳал қилувчи лаҳза келди. Президент Трамп ҳануз Канадага қарши божлар жорий этиш ниятида. Биз аниқ нима бўлишини билмаймиз, лекин иккита нарсага ишончим комил: биринчидан, агар Трамп Канадага қарши бож жорий қилса, биз унга кучли, аммо оқилона ва тезкор жавоб берамиз. Буни истамаймиз, лекин агар у бир қадам ташласа, биз ҳам ҳаракат қиламиз. Ҳар қандай ҳолатга тайёрмиз", – дея таъкидлади қилди Канада бош вазири.

@BBC_UZ24

16 0 0

BBC.UZ

1 Feb, 17:18

🇺🇸🇨🇦🇨🇳🇲🇽 АҚШ 1 февралдан бошлаб Канада, Мексика ва Хитойдан келтириладиган маҳсулотларга бож тўловларини жорий қилади

Бу ҳақда Оқ уй матбуот котиби Кэролайн Левитт брифинг чоғида маълум қилди.

Мексика ва Канададан импорт қилинадиган маҳсулотлар учун 25% божхона тўлови қўйилади, Хитойдан импорт учун эса 10% бож белгиланди.

Аввалроқ Reuters агентлиги Оқ уй божхона тарифларини 1 мартга қадар кечиктириб, музокаралар учун вақт беришини хабар қилган эди. Бироқ Левитт бу хабарни "ёлғон" деб атади.

Доналд Трамп Мексика ва Канадага қарши бож жорий қилиш режасини илк бор 2024 йил ноябр ойида, сайловдаги ғалабасидан сўнг эълон қилган эди. У бу чорани АҚШга ноқонуний мигрантлар ва наркотик моддалар, хусусан, фентанил оқимини тўхтатиш билан изоҳлаган. Трамп 20 январ куни инаугурация маросимида яна божхона тарифлари жорий этилишини тасдиқлаб, улар 1 февралдан кучга киришини айтганди.

Канада, Мексика ва Хитой — АҚШнинг учта энг йирик савдо ҳамкорлари ҳисобланади. Ахиос нашрининг ёзишича, ушбу мамлакатларга қарши божлар жорий этилиши уларнинг жавоб чораларига сабаб бўлиши мумкин, бу эса бизнес ва истеъмолчилар учун иқтисодий йўқотишларга олиб келиши эҳтимоли бор.

@BBC_UZ24

15 0 0

BBC.UZ

31 Jan, 05:40

3,6 триллион сўм - амалдорлар шунча зарар етказган

2024 йилда 4900 нафардан ортиқ мансабдор шахс жиноий жавобгарликка тортилган. Улар давлат ва жамият манфаатларига 3,6 трлн сўмлик зарар етказган.

Умуман олганда, 2023 йил билан солиштирганда жиноятчи мансабдорлар ҳам, улар етказган зарар ҳам анчагина ўсган.

Жиноятларнинг мутлақ катта қисми ўзлаштириш билан боғлиқ, 90%дан ортиқ жиноятларни “майда балиқ”лар - туман (шаҳар) мансабдор шахслари содир этган.

Фирибгар амалдорлар ҳам, порахўр чиновниклар ҳам 2023 йилдагига нисбатан яхшигина кўпайган.

Инфографика: Бош прокуратура

@BBC_UZ24

49 0 1

BBC.UZ

31 Jan, 05:23

Milliy sertifikat test javoblarini olib berishni va’da qilgan shaxs ushlandi

Kimyo va biologiya fanlaridan milliy sertifikat olish uchun test savollari va javoblarini olib berishni va’da qilgan shaxs firibgarlik yo‘li bilan 156 mln so‘m va 8 000 AQSH dollarini olgan vaqtida ashyoviy dalillar bilan ushlandi.

Manba. https://xalqtaliminfo.uz/post/1067

@BBC_UZ24

25 0 0

BBC.UZ

31 Jan, 04:39

🇪🇺🇺🇦🇷🇺 Европа расмийлари Россиядан қувур орқали газ сотиб олишни қайта тиклаш масаласини муҳокама қилмоқда — Financial Times

Нашрнинг музокаралар билан таниш манбаларига таяниб ёзишича, бу масала Украина бўйича эҳтимолий келишув доирасида кўриб чиқилмоқда.

Tашаббус тарафдорлари Россия газини сотиб олишни тиклаш Европада энергия нархларининг пасайишига, Москванинг музокараларга қайтишига ва Россия ҳамда Украина ўртасида ўт очишни тўхтатиш режимини жорий этишга туртки бўлишини таъкидламоқда.

Бироқ ҳатто дастлабки муҳокамалар босқичидаёқ бу ғоя Украинанинг Европа Иттифоқидаги яқин иттифоқчилари орасида салбий муносабатга сабаб бўлди. Ушбу ташаббусни Германия, Венгрия ва Европа Иттифоқининг яна бир неча давлати вакиллари қўллаб-қувватлаган. Аммо Шарқий Европа мамлакатлари дипломатлари ва расмийлари бунга кескин қаршилик кўрсатган.

"Бу телбалик. Ҳатто бу масалани имконият сифатида кўриб чиқаётганимизнинг ўзи нақадар аҳмоқлигимизни кўрсатади!" — дея муносабат билдирган расмийлардан бири.

@BBC_UZ24

16 0 0

BBC.UZ

31 Jan, 04:12

🇺🇸 АҚШ дунёда тенги йўқ янги ракетага қарши мудофаа тизимини ишлаб чиқмоқда – Financial Times

Президент Доналд Трамп Қўшма Штатларни уч турдаги ракеталардан – баллистик, гипертовушли ва қанотли ракеталардан ҳимоя қилиш режасини амалга ошириш тўғрисида фармон имзолади.
АҚШ Мудофаа вазири Пит Ҳегсетга бу режа устида иш олиб бориш учун 60 кун муҳлат берилган.

Нашрнинг ёзишича, президент Доналд Трамп коинотда лазерлар ёрдамида ракеталарни уриб туширадиган кўп босқичли мудофаа тизимини ишга туширишни таклиф қилмоқда.

Ушбу тизим қитъалараро баллистик ракеталарни тутиб қолиш учун лазер қуроллари билан жиҳозланган сунъий йўлдошлар тармоғига асосланади. Бундан ташқари, агар лазерлар қониқарсиз ишласа, қўшимча зарба берувчи қатлам ишлаб чиқилиши режалаштирилган.

@BBC_UZ24

15 0 0

BBC.UZ

31 Jan, 03:40

🇨🇳 Хитойнинг DeepSeek чат-ботига алоқадор маълумотлар базаси очиқ тармоқда топилди

Американинг киберхавфсизлик масалалари билан шуғулланувчи Wiz компанияси атиги бир неча дақиқа ичида ClickHouse умумий фойдаланишдаги маълумотлар базасини аниқлаганини маълум қилди. Ушбу маълумотлар базаси DeepSeek чат-ботига тегишли.

Базада бир миллиондан ортиқ ёзувлар бўлиб, у чат тарихлари, DeepSeek'нинг ички маълумотлари ва бошқа махфий маълумотларни ўз ичига олади.

Wiz компаниясининг таъкидлашича, улар ушбу чат-бот сунъий интеллект соҳасида катта шов-шувга сабаб бўлгач, унинг хавфсизлигини баҳолашга қарор қилган.

@BBC_UZ24

13 0 0

BBC.UZ

31 Jan, 03:03

🇺🇸🇨🇳 Хитойликлар "DeepSeek" деб номланган сунъий интеллект моделини оммага ошкор қилди. Бу янгилик Американинг шу соҳада нон топиб юрган компаниялари ва жамоатчилиги орасида катта шов-шув ва ваҳималарга сабба бўлди.

Боиси - "OpenAI" каби компаниялар миллиардлаб доллар ва йиллар сарфлаб яратган LLMни (Large Language Model) Хитой компанияси саноқли ойлар ичида ва бор-йўғи 6 миллион доллар билан қура олган.

Моделнинг қудрати бенчмаркларда "OpenAI"нинг энг сўнгги "о1" модели билан деярли тенг, ҳатто баъзи йўналишларда устун. Бу ҳам етмаганидек, модел "Open source" сифатида тақдим этилди, яъни омма ва бошқа компаниялар ундан бепул фойдаланиши мумкин.

Янгилик АҚШ фонд бозорини остин-устун қилмоқда. Айни дақиқаларда "NVIDIA" компанияси акцияси 17 фоизга тушиб кетди. Сунъий интеллект билан ишлаётган бошқа компанияларда ҳам шу аҳвол.

Кўпчиликнинг бошини қотираётган энг катта савол шу: Хитойликлар бунақа моделни 5-6 миллион билан ярата олса, биз миллиардлаб доллар сарфлашимиз қанчалик ўзини оқлайди? Чунки Трамп 500 млрд доллар маблағ ажратган.

Хитой сунъий интеллект соҳасида АҚШга етиб олмасин деб, Вашингтон "NVIDIA"нинг энг кучли чипларини Хитойга экспорт қилишни тақиқлаган эди. Аммо бу иш бермагани яққол кўзга ташланмоқда.

Хитойликлар нафақат бу тақиқлардан омон чиқа олди, балки сунъий интеллект соҳасидаги кашфиётларда Америкадан энди ҳатто ўзиб кетиdi

@BBC_UZ24

15 0 0

BBC.UZ

30 Jan, 19:42

04:54

Video oldindan ko‘rish uchun mavjud emas

Telegram'da ko‘rish

Нега айнан 200 миллион сўмгача омонатлар кафолатланади?

Марказий банк эксперти видеода қуйидаги саволларга жавоб берди:
◦ Агар банкда 200 млн сўмдан ортиқ омонатим бўлса, хавфсизлик учун уни бошқа банкка ўтказиш керакми?
◦ Банк лицензияси бекор қилинса, 200 млн сўмдан ортиқ пулим йўқотиладими?
◦ Нега кафолат миқдори 200 млн сўм этиб белгиланган?

@BBC_UZ24

16 0 0

BBC.UZ

30 Jan, 19:16

#Диққат

⚡️ Энди Тонировкани бўлиб-бўлиб тўласа бўлади, лицензияни хам.

Автомобиль тонировкаси ва ташиш лицензияси учун бўлиб тўласа бўлади.

My.gov.uz давлат хизматлари учун янги тўлов усуллари қўшилибди: Uzum Bank иловасида нақдсиз тўлаш ёки Uzum Nasiya’да бўлиб тўлаш.

Бундай ҳужжатларни расмийлаштириш арзон эмаслигини ҳисобга оладиган бўлсак, янгилик шопир акаларимиз учун фойдали бўлади. Яқинда ёз келади ва унгача тонировка масаласини ҳал қилиб, оилавий бюджетни тежаш мумкин.

Шопирларга юбориб қўямиз...

@BBC_UZ24

15 0 0

20 ta oxirgi post ko‘rsatilgan.

97

obunachilar

Kanal statistikasi

Kanalda mashhur

⚡️Janubiy Koreya prezidenti Yun Sok Yol hibsga olindi “Tergovchilar Janubiy Koreya tarixida biri...

🇩🇪Германия меҳнат бозори учун оғир юк машиналари ҳайдовчилари Ўзбекистонда тайёрланади! Миграция...

Kiberjinoyatchilik: Firibgarlardan ogoh bo'ling! muxbir: Sevinch Sa'dullayeva #Toshkent shahri ...

🇰🇬 Бишкекда кўп қаватли автоматлаштирилган автотураргоҳлар қурилади Маълум бўлишича, мазкур тура...

Eron hududi orqali avtomobilda xalqaro yuk tashuvlarini amalga oshirishda undiriladigan yig‘im va...