Bo‘ldi!
Tashlagayman qalam, qog‘ozni
Kirmayman shoirlik ko‘chasiga hech.
Olganimni oldim, yarim nasibam,
Ko‘nglimga qarashga bo‘lmasinda  kech.

Bo‘ldi,
Yozmagayman sevgi, ishq deya
Oshiqlar nomidan ko‘tarmayman tug‘
Mening ham holimni bilsinlar deya
To‘kkan yoshlarimdan havolanar bug‘.

Yetar!
Javobi yo'q xatlar bitganim,
Qo‘ldagi siyohning dili har on xun,
Qachon tugar endi so‘zlaring, xonim
Oromni istaydi hatto qora tun.

Ma‘zuringiz bo‘lsin,
Kechiring bir oz.
Endi begonamiz she'riyat va biz.
Aytilmas so‘zlarni aytib qo‘ygandik,
Ko‘ngilning uyida yashagach oz-moz.


©️Baxtiyor qizi