Aziza Sodiq | Blog

Qiz bolamisan, unda bularga amal qil

- Biror narsang yerga tushib ketsa, oyoq kiyimingni toʻgʻrilamoqchi boʻlsang, egilib emas, oʻtirib qil.

- Zinadan chiqayotganingda/tushayotganingda orqangda erkak kishi boʻlmasin, birinchi ularni oʻtkazib keyin oʻzing tush.

- Mashinada/liftda 3 ta erkak boʻlsa, toʻrtinchisi boʻlib chiqib olma.

- Koʻchada yurganingda dugonalaring bilan baland ovozda kulma/gaplashma.

- Koʻchadagi «hamma yigitlar» bilan qoʻl berib soʻrashaverma.

- Ijtimoiy tarmoqlardagi profilingga rasmlaringni qoʻyma.

- Xushmuomala boʻl, lekin chegaralaringdan oʻtishiga yoʻl qoʻyma.

- Yigitlar bilan gaplashma, bitta-ikkita «shirin soʻzi»ga uchib butun hayotingni barbod qilma, yigit kishi gaplashsa, «yigitchilik» deydi, lekin qiz bola gaplashsa...

-

P.s: Hozircha shular, yana boʻlsa aytaman

@azizasodiq

Normal holat

- Ilm talabida koʻngilxushlik qilish uchun bazmlarga bormasliging, tengdoshlaringdan ajralib qolishing - normal holat.

- Har kuni bir xil kiyimda yurishing - normal holat.

- Doʻkondan biror narsa olganingda sotuvchidan yoki taksichidan 1000 soʻm qaytimini soʻrashing - normal holat.

- Biror narsani oʻrganayotganingda xatolar qilishing - normal holat.

- Sumkang/mashinangda musurni ham olib yurishing - normal holat.

- «Hashamatli toʻy» qilish uchun ishlatadigan pulingni sayohatga sarflashing- normal holat.

- Rus tilida gapirgan insonga oʻzbek tilida javob qaytarishing - normal holat.

- Biror narsani bilmasligingni tan olib, uni soʻrashdan uyalmasliging - normal holat.

- Insonlarga «yoʻq» deb javob berishing - normal holat.

-

@azizasodiq

Tanishuv

Ismimni bilasiz.
Oʻzbekistondanman)
Shaxsiyat turi: ENTJ

Nima uchun Aziza Sodiq? deb soʻrashadi. Sodiq dadamlarning ismi shuning uchun shunday.

Toshkent davlat sharqshunoslik universitetida filologiya: koreys tili yoʻnalishida, Najot taʼlimda SMM Pro kursida oʻqiyman.


P.s: Shaxsiy hayotimni reklama qilmayman, fikrlarimni yozib boraman

- Hoş geldiniz, yurtdoshlar 🙂

What is the happiness for me?

Being healthy is happiness for me.

Living as I want is happiness for me.

Seeing joy in my Mum and relativesʼ eyes is happiness for me.

Emotions when I help someone are happiness for me.

Reading books that I want is happiness for me.

Doing my favourite activity is happiness for me.

Travelling is happiness for me.

Learning smth every day is happiness for me.

Accomplishing my goals is happiness for me.

Feeling my hard work pay off is happiness for me.

Feeling peaceful in my heart is happiness for me.

Walking in nature is happiness for me.

Learning from mistakes is happiness for me.

Feeling appreciated is happiness for me.

Feeling grateful what I have is happiness for me.

Seeing progress in myself is happiness for me.

...

What is the happiness for you?

@azizasodiq

Odam erkinlikda baxtli

— Pul erkinlik beradi, pul boʻlsa, xohlagan narsalaringni qila olasan

— Sayohat qilish kerak, dunyoqarash kengayadi. Bu narsa atrofingdagilarga ham taʼsir qilmasdan qolmaydi

— Migratsiya - mamlakatning rivojlanishi uchun juda katta turtki

— Chet elga sayohat qilish xuddi vaqt mashinasida sayr qilishga oʻxshaydi

— Talab imkoniyatdan oldin yuradi, bu esa rivojlanishga olib keladi

— «Oʻzbekistonga kelgan mehmonlarimiz hayron qolishadi» degan gap aslida salbiy

— Oʻzbekistonning imidjini "promote" qilish kerak, marketing qilish kerak

— Donʼt sink, think

— «Qiyin-ku» deb koʻpchilik tashlab ketadigan narsani sen uddalasang 99% odamdan oʻtib ketasan

— Ichingdan chiqqan kadrlar eng zoʻr kadrlar boʻladi

— Muvaffaqiyat faqat kompaniya asoschisiga tegishli emas

— Xatolarga kim aybdorligini emas, sabablarini qidirish kerak

— Muvaffaqiyatli insonlarning muvaffaqiyatli boʻlishlariga asosiy sabablardan biri bu - ijtimoiy kapital

Ijtimoiy kapital - ishingizni tez hal qilib beradigan insonlar (birga oʻsgan doʻstlar, mahalladoshlar, kursdoshlar)

«Zafar Hoshimov bilan boʻlgan suhbatdan xulosalar»

#note

@azizasodiq

Telegramdagi hamma yozishgan insonlariga bayram tabrigini oʻzi yozmay «forward» qilgan, barcha maqsadlarini yangi yildan keyin qilaman deb saqlab oʻtirgan "yangi yilchilar", "dushanbachilar"dan tashqari hammaga xayrli kun ;)

@azizasodiq

Xotira...

Baʼzilarga juda ajoyib, baʼzilarga eng yomon narsa

Sen bilan umrbod qoladi, yaxshisi ham yomoni ham

Unutishni istasang ham, unutolmaysan, oʻchirib tashlolmaysan.

Shirin damlarni, tuygʻularni uygʻotadi, koʻnglingga oʻzgacha bir ogʻriq yoki shirinlik olib keladi.

Baʼzida oʻtmishingga qarab hayotingni koʻzdan kechirasan, aynan oʻsha xotira seni oʻtkazib yuborilgan imkoniyatlar, senga qilingan adolatsizliklar, nohaqliklar, yomonliklar haqida oʻylantiradi, lekin aynan oʻsha xotira senga kelajak uchun kuch bagʻishlaydi

Yoʻqotgan insonlaring bilan seni bogʻlab turadi, ularning kulgisini, mehrini, soʻzlarini, xarakterlarini yodingga soladi

Hayotda erishgan har bir muvaffaqiyatingni, muvaffaqiyatsizliklaringni, eng quvongan, eng tashvishga tushgan damlaringni eslatadi

Aynan oʻsha yutuqlaring, yiqilgan lahzalaringni yana qayta his qilishga yordam beradi

Kuldiradi, yigʻlatadi.

Xotira - hayotning eng yaxshi damlari va eng ogʻir sinovlarini saqlovchi sandiq

@azizasodiq

2024-yil men uchun qanday boʻldi?

Bu yildan juda koʻnglim toʻlmasa ham, lekin qoniqdim, qolgan yillarga nisbatan samaraliroq boʻldi.

Oʻzim uchun odatlar shakllantirdim:

1. Ertalab har kuni nonushta qiladigan boʻldim, hozir nonushtasiz uydan chiqmayman.

2. Gazli, shakarli ichimliklar, fast-fudlardan voz kechdim.

3. Bir oyda bir marta men uchun yangi boʻlgan, oldin sinab koʻrmagan/bormagan joy/narsani sinab koʻrish. Tabiatan hamma narsaga qiziquvchan odam boʻlganim, bir xillikdan zerikkanim uchun bu narsa zoʻr yechim boʻldi.

4. «Typing speed» yaʼni klaviaturada tez yozish koʻnikmasini rivojlantirish uchun har kuni 15 minutdan shugʻullanishni boshladim.

5. Hissiy intizomni (emotional disipline) shakllantira oldim, tortishuvli, stressli vaziyatlarda darhol javob qaytarish/emotsiya bildirish oʻrniga avval tahlil qilib foydasiz boʻlsa, shunchaki eʼtibor bermaslikni odat qildim.

Qanday xulosalar qildim?

1.Til bilish bilim emas, shunchaki bilim olish uchun vosita ekan

2. Uydagilar moliyaviy taʼminlab turgan vaqtda qoʻshimcha kasb oʻrganib yoki sohangiz boʻyicha ishga kirib maksimal darajada moliyaviy erkin boʻlish kerak ekan

3. Inson hamma sohadan xabardor boʻlsa, har xil kitoblar oʻqisa, networkingi kuchli boʻlsa, uning dunyoqarashi ham, imkoniyat darajasi ham oshib boraverarkan.

@azizasodiq

Strategiya, taktika

Strategiya - toʻgʻri ishlarni qilish
Taktika - ishlarni toʻgʻri qilish

— Brendni taniqli qilish - strategiya
— Ijtimoiy tarmoqlarda rekalama berish, influencerlar bilan ishlash, chegirmalar, mahsulot sifatini yaxshilash - taktika

— Kitobxonlikni targʻib qilish strategiya
— Kutubxonalar qurish, eskilarini modernizatsiya qilish, kitobli oʻyinlar oʻtkazish, kitobxonlik musobaqalari h.k - taktika

— Jamoa samaradorligini oshirish - strategiya
— Ular uchun treninglar tashkil qilish, ragʻbatlantiruvchi tizim joriy qilish - taktika

Strategiya - «Nima qilish kerak?» degan savolga javob boʻladi
Taktika - «Uni qanday qilish kerak?» degan savolga javob boʻladi

Taktikasiz strategiya - yoqilgʻisiz mashina
Strategiyasiz taktika - mashinasiz yoqilgʻi

Eshitdim, tahlil qildim, yozdim.

#darsdanxulosa

@azizasodiq

Masʼuliyat tarqoqligi

Oʻtgan bir oy davomida atrofimni kuzatib shuni angladimki, koʻp insonlar masʼuliyatni olishdan, biror ishni erkin tarzda boshlashdan qoʻrqisharkan.

«Diffusion of responsibility» yaʼni masʼuliyat tarqoqligi degan narsa bor, bu psixologik hodisa boʻlib, atrofda odamlar koʻp boʻlsa, muayyan vaziyat uchun javobgarlikni bir-biriga yuklab qoʻyishi.

Bu narsa ayniqsa jamoa boʻlib ishlayotganda yaqqol seziladi.

Qachon sodir boʻladi?

1. Guruhdagilarda «bu ishni, albatta, kimdir qiladi» degan fikr paydo boʻlganda
2. Vazifa jamoa aʼzolariga taqsimlab berilmasa
3. Guruhda 1-2ta faol ishlayotgan boʻlsa

Agar jamoa aʼzolari masʼuliyatni bir kishiga yuklab qoʻysa, lider zoʻr boʻlsa ham, natija qoniqarsiz boʻladi.

Yaqinda bir holat boʻldi, jamoa boʻlib ishladik, vazifani boʻlib ishlamasak, belgilangan vaqtda tugata olmasdik, shuning uchun topshiriqlarni taqsimlab berdim, lekin jamoa ishga masʼuliyatsizlik bilan qaradi, vazifani bajarishda shunchaki kimdandir yordam kelishini kutib oʻtirdi, lekin tushunishga harakat qilmadi va izlanmadi, masʼuliyatni menga tashlab qoʻydi. Natijada, ish sifatsiz bajarildi, bitta mening harakatim bilan hech narsa qila olmadik.

Jamoaviy ishning muvaffaqiyati nafaqat liderga, balki har bir jamoa aʼzosining xatti-harakatlariga bogʻliq. Sardor qanchalik tashabbus koʻrsatmasin, masʼuliyatni oʻz zimmasiga olmasin, agar jamoa masʼuliyatni his qilmasa, natija baribir qoniqarsiz boʻlaveradi.

Bu narsa jamiyatda ham xuddi shunday ishlaydi.

Shunday ekan har bir inson masʼuliyatni his qilishi va uni qabul qilishni oʻrganishi kerak, chunki oʻsish birinchi navbatda masʼuliyatni his qilishdan boshlanadi.

@azizasodiq

«Savdogarlar ustozi» kitobidan (1-qismi)

- Agar oʻz fikriga, taʼsiriga ega vijdonli kishilar kam boʻlsa, mamlakat ogʻizdagina mustaqil boʻladi.

- Agar moliyaviy mustaqillikka harakat qilinmasa, jang sanʼati oʻrganilmasa, har tomonlama ilm olinmasa, har bir ogʻzi shaloqning va har bir suyuqoyoqning soʻzi hikmat, hayoti ibrat boʻlib qoladi.

- Yodlaringizdan chiqmasin, xaridor har doim haq. Ish vaqtida diqqat-eʼtiborlaring xalqni rozi qilish va qanday qilib ularga sifatli xizmat qilishda boʻlsin. Shundagina oʻndan toʻqqiz baraka sizniki boʻladi.

- Hech qachon birovning ilojsizligidan yo xalqning noilojligidan foydalanib dunyo orttirmang!

- Maqsadlaringiz aniq boʻlsin. Noaniq maqsad sari yursangiz, natija ham noaniq boʻladi. Yuraveraylik-chi oldimizdan bir nima chiqib qolar qabilidagi ishning natijasi haqiqatan bir nima, ammo nomaʼlum nimadir boʻladi. Maqsadingiz sultonlarni shoshirib qoʻyishi, insoniyatga foyda keltirishi kerak.

- Musulmonlar juda tartibli va vaqtiga yaxshi egalik qiladigan boʻladi. Aytilgan joyga vaqtida keladi. Hatto oldinroq kelib, kutib ham turadi. Vaʼdaboz emas musulmon. Ishqilib, bizdan keyingi avlodlar ham vaqtni isrof qilmaslik va qadrlashda boshqalarga doimo oʻrnak boʻlsin. Aks holda vaqtini qadrlaydigan ajnabiylarga yoʻl boʻshatib beradi.

- Ey musulmon tijoratchi, foiz borasida juda xushyor boʻlishing, foiz olmasliging va bermasliging, foiz aralashgan joyda turmasliging va bu xususda gʻoyatda ehtiyot bilan yoʻl tutishing lozim shunda Muhammad (s.a.v)ning uyilgan qovoqlari va ogʻir tanbehlariga roʻbaroʻ boʻlmaysan

- Kimning qancha pul ishlab topishiga qarab, uning pul ishlash qobiliyatiga baho berish mumkin

- Yaxshilikdan suyunib, yomonlikdan kuyunib ketma, chunki ortiqcha xursandchilik boʻlmagʻur gʻururga, ortiqcha gʻam esa omadsizlikka sabab boʻlarkan

- Lafz insonning tirikligidir, belafz insonning oʻlikdan farqi yoʻq

- Chiroyli soʻrash - ilmning yarmi

- Mijoz har doim haq, (nohaq boʻlsa ham), ularga «yoʻq» degan soʻzni ishlatmaslik kerak

- Har bir musulmon, albatta, jang sanʼatlarida mohir boʻlishi shart. Jismonan baquvvat, boy, aqli raso bir musulmon tadbirsiz, kuchsiz minglab musulmonlardan aʼlodir

#note

@azizasodiq

Natijadorlik, samaradorlik

Natijadorlik - qoʻyilgan maqsadga erishishni anglatadi.

Misol: Sizga kompaniyaning daromadini oshirib berish topshirildi. Kompaniyaning daromadini oshirib berdingiz

Samaradorlik - maqsadni amalga oshirayotgan vaqtda resurslardan (vaqt, pul, imkoniyat) oqilona foydalanish

Misol: Kompaniya daromadini oshirayotgan vaqtda pul, vaqt, imkoniyatdan maksimal foydalanish, kamroq xarajat qilish

— Kuniga 1000ta mahsulot ishlab chiqarish - natijadorlik
— Shu mahsulotni energiya, xomashyoni tejab, xarajatlarni kamaytirib ishlab chiqarsa - samaradorlik

— 10 ta mahsulotni rekalama orqali sotish - natijadorlik
— Shu mahsulotni minimal xarajat bilan reklama qilib sotish - samaradorlik

— Oʻqituvchi darsdagi mavzuni talabalarga tushuntirishi, maʼlumot berishi - natijadorlik
— Shu mavzuni interaktiv, oʻyinlar, amaliy mashgʻulotlar bilan tushuntirish - samaradorlik

Natijadorlik maqsadning oʻziga erishish, samaradorlik esa shu maqsadga eng yaxshi yoʻl bilan erishishdir.

#darsdanxulosa

@azizasodiq

#note

Xotira sen bilan umrbod qoladigan narsa, unda «delete» tugmasi yoʻq, shuning uchun notoʻgʻri harakat qila koʻrma! Har bir qilayotgan ishingni yetti marta oʻylab keyin qil!

@azizasodiq

Mendan tavsiya

Hozirgi kunda koʻplab yoshlar ingliz tilini oʻrganmoqda, ayniqsa, oliygohga kirishni maqsad qilgan abituriyentlar. Ularning ba’zilari shunday fikrda: "Hozir CEFR olsam, boʻldi. Vaqtimni tejayman, IELTSdan koʻra osonroq. Universitetga kirganimdan keyin IELTS olaman."

Doʻstim, bu qaroringni yaxshilab oʻylab koʻr. Shaxmatda dastlabki yurish keyingi harakatlaringni belgilab beradi, deb bekorga aytishmagan. Sen hozir nisbatan yengil yoʻlni tanlayapsan, ammo keyinchalik qilgan ishingdan afsuslanib qolmaysanmi? Hozir baribir vaqtingni sarflab ingliz tilini oʻrganasan, cefr olasan. Oʻqishga kirding ham deylik.

Ammo keyin-chi? Yana vaqt, pul va energiyangni sarflab, ingliz tilini qayta oʻrganib IELTS olmoqchimisan? Undan koʻra, hozirgi imkoniyatingdan toʻgʻri foydalanib, IELTSdan yaxshi ball olib, universitetda oʻqiyotgan paytingda katta maqsad va rejalar uchun koʻproq imkoniyat va vaqtga ega boʻlganing yaxshi emasmi?

Vaqtimiz juda oz, doʻstim. Undan oqilona foydalanish bizning qoʻlimizda!

@azizasodiq

Qizlar orasida lifestyle blog yuritish ancha ommalashgan. Ular o‘z hayotidan lavhalarni, qayerga borgani, nima yegani, qanday sovg‘alar olganini muntazam ravishda kanaliga joylab, shu narsalardan "dofamin" oladi. Ammo buni nima uchun qilayotganini yoki o‘ziga qanday foyda keltirayotganini bilishmasa kerak, nazarimda.

Men ularning ishiga aralashmoqchi emasman, lekin bu bloglar orqali jamiyatga salbiy ta’sir ko‘rsatayotganiga qarshiman.

Avgust oyida bu borada kichik tadqiqot o‘tkazdim. Odatda bunday bloglarga qo‘shilish uchun "so‘rovnoma" yuborishingiz kerak bo‘ladi, chunki oʻgʻil bolalarni qabul qilishmaydi. (lekin bor)) Bir nechta kanalga qo‘shilib, ularning kontentini kuzatdim.

Obunachilar soni koʻp. Auditoriya 25 yoshdan past.

Ko‘pchilik lifestyle bloglarda shaxsiy hayotining faqat ijobiy tomonlari yoritilgan. Agar kanal egasi turmushga chiqqan bo‘lsa, har kuni eri nima sovg‘a bergani, qayerga olib borganini, obunachilarni qiziqtirish, ushlab qolish uchun "love story"larini qism-qism qilib joylaydi. Bu, albatta, auditoriyani o‘ziga jalb qiladi. Yosh qizlar o‘sha insonga havas bilan qaraydi va shunday hayot kechirishni orzu qiladi.

Bunday bloglar yoshlarning fikrlashiga salbiy taʼsir qilmayaptimi?

25 yoshgacha insonning rivojlanish, shaxsiy fikri shakllanish va bilim olish davri hisoblanadi. Ayniqsa, qizlar uchun bu davr ilm olish va kelajak uchun poydevor qurish vaqti. Lekin, afsuski, bunday bloglar yoshlarning e’tiborini chalg‘itib, idealizatsiyaga asoslangan hayot tarzini quvishiga sabab boʻlmoqda, shu narsalar taʼsiridan menga Gelik olib bersa, keyin tegaman, turmush oʻrtogʻim oyiga 10000$ topsin degan ahmoqona gaplar paydo boʻlmoqda.

Bu narsa nafaqat ularning kelajagiga, balki jamiyatning rivojiga ham salbiy taʼsir koʻrsatyapti.


Xulosa: Faqat go‘zallik va hashamatni targ‘ib qiladigan emas, rivojlanishga, oʻsishga xizmat qiladigan foydali kontentlar qilishga harakat qilish kerak. Ayniqsa, yosh avlodning rivojlanishi uchun mas’uliyatni unutmaslik muhim.

@azizasodiq

Dard boʻlsagina maqsad paydo boʻladi!

— Musulmon inson zararning ozini oladi.

— Inson yeyayotgan narsasining hajmi bilan toʻlishmaydi, kaloriyasi bilan toʻlishadi.

— Ozish❌ Sogʻlom boʻlish✅

— Inson millat tarixi, vatan tarixi, din tarixini bilsa, nima uchun yashayotganini tushunadi.

— Qadriyat - soʻzsiz amal qilinadigan narsa.

— Inson qoʻlidan keladigan ish uchun birovdan gap eshitmaydi.

— Professionallik - bilmasligini bilish, bilmaganni oʻrganish, oʻrganganga amal qilish.

— Yoshlarning dushmani - Instagram

— Bugun depressiyaga tushib oʻtiradigan vaqting emas, oʻqib oʻrganadigan, rivojlanadigan vaqting.

— Eng koʻp sotilgan emas (bestseller), oʻlmas kitoblarni oʻqing.

— Yon atrofingni toʻgʻrila, toʻgʻri ilm ol, hammasi toʻgʻrilanadi.

— Toʻgʻri doʻst orttirish uchun toʻgʻri joylar tanlanishi kerak.

— Jamoa asoschiga qarab shakllanadi.

— 25 yoshgacha bor kuchni ilmga berish kerak.

— Eng birinchisi❌, Eng yaxshisi✅

— Sen havas qilayotgan odam inson sifatida kim?

— Dardi boʻlmagan odamning motivatsiyasi boʻlmaydi.

— Follower emas, Influencer boʻlishga harakat qil.

— Doʻst - nasihat manbai.

— Intizom boʻlmasligi - "qoʻlimdan kelmaydi" degan oʻy borligi uchun.

Insonda 5 xil maqsad boʻladi:
1. Oʻzini taminlash
2. Oilasini taʼminlash
3. Yaqinlarini xursand qilish
Shu maqsadlardan tepaga yaʼni 4-5-maqsadlarga oʻta olsang, jamiyat oʻzgaradi.

• Temur Adhamov

@azizasodiq