⚡️QMUda Nókis jaslar texnoparki qánigeleri qatnasıwında seminar-trening ótkerildi

✅Berdaq atındaǵı Qaraqalpaq mámleketlik universitetinde Nókis jaslar texnoparki direktor orınbasarı Kereev Erlan hám universitet Ilimiy innovaciyalıq islenbelerdi kommerciyalizaciyalastırıw bólimi baslıǵı Jangabaev Jumabek tárepinen “InnoX – biznes inkubatorı” joybarı boyınsha studet-jaslar ushın “Ideyadan startapqa shekem atamasında” seminar-trening shólkemlestirildi. Bul ilaj student-jaslardıń innovaciyalıq pikirlewin rawajlandırıw, biznes ideyaların qáliplestiriw hám olardı tabıslı startap joybarlarǵa aylandırıw boyınsha ámeliy bilim hám kónlikpelerdi arttırıwǵa qaratılǵan.

✅Seminar-treningde búgingi kúnde mámleketimizde student-jaslardıń innovaciyalıq ideyaların, olardıń kreativ pikirlewleri nátiyjesinde jaratılǵan islenbelerin qollap-quwatlaw boyınsha ámelge asırılıp atırǵan jumıslar, student-jaslar ushın járiyalanıp atırǵan startap joybarları tańlawları, olarda qatnasıw shártleri boyınsha maǵlıwmatlar berildi. Seminar-trening dawamında student-jaslar startaplardı jaratıw basqıshlarındaǵı áhmiyetli máseleler, óz ideyaların usınıw, tájiriybeli mentorlar menen pikir almasıw hám óz joybarların ámelge asırıw boyınsha sorawlarına tiyisli juwapların aldı.

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook