Arafa Muborak 🌙
— kenayi, salomalekum. Oyim osh bervorudila, kosasini bo’shatib berarkansiz.
keyin u oshni kosasiga boshqa osh bilan, shirinliklar qo’shib solib berilardi. Eski Hovli esimga tushadi. Hozirgi Yunusoboddagi uyimizga ko’chganimizdan keyin bu ishlarni to’lig’icha Azizaga topshirganman. Eski Shaxar, Jin ko’chalar deganda bolaligim yodimga tushadi. O’sha ko’chalarda boshimni yorganman, o’sha ko’chalarda lanka o’ynaganman, o’sha ko’chalarda Ramazon aytganman, o’sha ko’chalarda singlim Madina bilan qo’l ushlashib yugurganmiz, o’sha ko’chalarda beg’ubor bolacha Oybek bo’lganman. Oqibatli qo’shnilarimiz bor edi, hozirgi mahallamiz ham ajoyib, lekin men endi ular bilan muomula qilmay qo’ygandim. Ota-onam bilishadi. Aniq bilaman bugun uyda osh qilinadi, aniq bilaman bugun Aziza osh olib chiqadi, bugun bolalar
— assalom alekum, bizlar keldik deb oxirgi martta kelishadi.
Ex, biz har arafa kuni Madina bilan kim ko’p Ramazon aytib pul yig’ish o’ynardik, hozir qarang u ona bo’lish arafasida. Vaqt…
xullas bugun man ham adam “bo’kib qolibdi, shovla qib qo’yibsan” deb aytadigan oshlarini qilib, qo’shnilarimga olib chiqaman. 😉
bolaligim sen ham meni sog’indingmi?
