Asadullah Obid

Su geminin içine girerse onu batırır, altında kalırsa yüzdürür. Nefsinin dediklerini kalbine sokarsan, kalbini karartır. Nefsini ayakların altına alki onunla yükselirsin.

Agar suv kemaning ichiga kirsa, uni cho’ktiradi, lekin ostida qolsa, suzdiradi. Nafsingning aytganlarini qalbingga kiritsang, qalbingni qoraytiradi. Nafsingni oyoqlaring ostiga olki, uning bilan yuksal.

Uyg’urlar uchun 2017…

Safarim davomida Yapon fuqaroligini olgan bir uyg’ur (doktor-professor) akamiz bilan ko’p birga bo’ldik. Akamizdan vatani, Sharqiy Turkistondagi vaziyat qanday boshlanganligi haqida so’radim. Javobini qabul qilish juda og’ir edi…

Akamizning nomidan gapiraman:
Aslida Xitoy bu harakatni ancha avval boshlagandi. 2017-yilgi ommaviy qamoqqa olish hodisalaridan oldin lagerlar (qamoqxonalar) qurilishi bir necha yil davom etdi. Hatto uyg’urlar o’z qo’llari bilan va o’z mablag’larini tikib, bu lagerlarni qurishdi. Sodda xalqim bilmagan edi, bu lagerlarga kelajakda o’zlari qamalishini.

2015-16 yillarda Xitoy hukumati uyg’urlarni pasport olishga chaqirib, chet elga sayohat yo’llarini ochdi. Muqaddas o’lkalar – Makka va Madinaga ham borishni osonlashtirdi. Xuddi juda katta yordam berayotganday tutdi o’zini. Buni ko’rgan xalqim Xitoydan chiqib, boshqa yurtlarga sayohat qilishni boshladi. Lekin uyg’urlar keyin ularni nima kutayotganini bilmas edilar. O’sha kun keldi – 2017-yilda Xitoy umumiy “tozalash operatsiyasi”ni boshladi. Avval Xitoydan tashqariga chiqqanlarning barchasini hibsga olishni buyurdi. Ayblov esa: “Chet elga chiqib, u yerdagi terror guruhlar bilan aloqada bo’lib, Xitoyga tahdid solish.”

Tuzgan hiylasini qarang: o’zlari chiqarib, o’zlari ayblashsa-ya.

Akamizning gapi shu yerda tugadi.

Aslida men tanigan ko’p uyg’urlar qarshisidagi odam bilan unchalik samimiy gaplasha olmaydi. Qalbida hali ham qo’rquv va odamlardan hayiqish bor. Men ularni ayblamayman. Buni to’g’ri qabul qilishimiz kerak, chunki o’z vatanida hatto o’z aka-ukasining xoinligi sababli qo’lga olinganlar bor.

✈️