Ijtimoiy himoyaga muhtoj oilalar farzandlari uchun bepul tayyorlov kurslari tashkil etilmoqda
2024-yilning 13-dekabr kuni davlatimiz rahbari Shavkat Mirziyoyev raisligida 2024-yilda ijtimoiy himoya sohasida amalga oshirilgan ishlar natijadorligi va 2025-yil uchun ustuvor vazifalar yuzasidan o‘tkazilgan videoselektor yig‘ilishida davlat oliy ta’lim muassasalariga bir qator topshiriq va vazifalar berildi.
Ushbu topshiriqlar ijrosini ta’minlash maqsadida dastlab “Kambag‘al oilalar reyestri”ga kiritilgan oilalarning bitiruvchi sinflardagi 17-19 yoshli farzandlari to‘g‘risidagi ma’lumotlari maktabbay ro‘yxati shakllantirildi.
Oliy ta’lim, fan va innovatsiyalar vazirining buyrug‘i bilan yoshlarni tayyorlov kurslari orqali umumta’lim fanlari bo‘yicha bilimlarini oshirish uchun qo‘shimcha shart-sharoitlar yaratish maqsadida Andijon davlat texnika institutiga Shahrixon tumanida yashovchi 53 nafar kam ta’minlangan oilalarning farzandlari biriktirilgan.
Shu munosabat bilan institut rektori vazifasini bajaruvchi Suhrobjon Aliyev rahbarligida biriktirilgan o‘quvchi yoshlar va ularning ota-onalari bilan uchrashuvlar o‘tkazilmoqda.
Uchrashuvlarda bitiruvchilarning qiziqishlari va kelajakdagi rejalari eshitilmoqda. Ularga institutda mavjud ta’lim yo‘nalishlari va talabalarga yaratilgan imkoniyatlar haqida targ‘ibot ishlari olib borilmoqda.
O‘quvchilarning qiziqishlarini inobatga olgan holda, institut qoshida tashkil qilingan maxsus bepul o‘quv kurslariga taklif qilinmoqda.
✅ Bizni kuzatishda davom eting!
📱Telegram |📱 Facebook | 📱Instagram | 📱YouTube