Andijon davlat texnika instituti | Rasmiy kanali

@andtexnika

Kanal geosi va tili: O‘zbekiston, O‘zbekcha

Toifa: Ta’lim

Andijon davlat texnika instituti/
Андижанский государственный технический институт/
Andijan State Technical Institute
Rektor qabulxonasi:+998-74-223-43-67.
Taklif va murojaatlar uchun:
@media_andmi
Reklama:@andmirek

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Ta’lim

Statistika

Saralanganlar

Postlar filtri

O‘chirilganlarni yashirish

Repostlarni yashirish

Andijon davlat texnika instituti | Rasmiy kanali

14 Feb, 08:24

Otabekning "Boburmen" yakkaxon konsert dasturi

Andijon shahridagi Yoshlar markazida Otabek Odilovning “Bobur: moziy eshitmagan navolar” nomli yakkaxon konsert dasturi o‘tkazildi.

Zahiriddin Muhammad Bobur tavalludining 542-yilligi munosabati bilan Andijon viloyati hokimligi, Yoshlar ishlari agentligi viloyat boshqarmasi hamda Andijon davlat texnika instituti hamkorligida tashkil etilgan nazm va navo kechasida san’at ixlosmandlari, professor-o‘qituvchilar, talabalar hamda xonandaning muxlislari ishtirok etdi.

Konsert avvalida so‘zga chiqqanlar hamyurtimiz shoh va shoir Zahiriddin Muhammad Bobur hayoti va ijodi asrdan ziyod vaqt o‘tibdiki, hamon o‘rganib kelinishi, bu o‘rganishlarning bugungi kundagi ahamiyati, yoshlar tarbiyasidagi o‘rni haqida fikr yuritdilar.

Kecha davomida sohir ovoz sohibi, xushovoz xonanda Otabek Odilov tomonidan Bobur g‘azallari bilan ijro etilgan diltortar qo‘shiqlar va raqqosalarning go‘zal raqslari o‘zgacha atmosferani kasb etdi.

✅ Bizni kuzatishda davom eting!
📱Telegram |📱 Facebook | 📱Instagram | 📱YouTube

322 0 2 5

Andijon davlat texnika instituti | Rasmiy kanali

14 Feb, 07:41

“Bir_million_yashil_oila”_umummilliy_harakati_yo'lga_qo'yiladi.mp3

01:23

#Qonunchilikdagi_yangiliklar

❗️“Bir million yashil oila” umummilliy harakati yo'lga qo'yiladi

🔰Farmonga ko'ra, 2025-yilda aholining salomatligini yaxshilash, ekologik turmush tarzini shakllantirish va inson salohiyatini ro'yobga chiqarish uchun shart-sharoitlarni yaratish borasida quyidagilar amalga oshiriladi:

✅ “Ekofaol fuqaro” hayot tarzini keng targ'ib qilishga qaratilgan “Bir million yashil oila” umummilliy harakati yo'lga qo'yiladi.

📚 2025/2026-o'quv yilidan:

➖Markaziy Osiyo atrof-muhit va iqlim o'zgarishini o'rganish universiteti ekologiya, atrof-muhitni muhofaza qilish va iqlim o'zgarishi kabi ta'lim yo'nalishlari va mutaxassisliklari bo'yicha yetakchi oliy ta'lim tashkiloti etib belgilanadi;

➖respublikaning har bir tumanida (shahrida) bosqichma-bosqich inklyuziv ta'lim talablariga javob beradigan kamida bittadan umumta'lim maktabi faoliyati tashkil etiladi;

➖“Kambag'allikdan farovonlik sari” dasturi doirasida 3,5 ming kambag'al oilalar farzandlarini tayyorlab, oliy ta'lim tashkilotlariga belgilangan tartibda grant asosida qabul qilish ishlari tashkil etiladi;

📌 2025-yil 1-martgacha to'g'ri ovqatlanish, jismoniy tarbiya va sport bilan shug'ullanishning inson salomatligiga foydasini targ'ib qilishni kuchaytirish dasturi ishlab chiqiladi;

📜 2025-yil 1-avgustgacha oziq-ovqat xavfsizligi sohasida xavf-xatarlarni aniqlash, baholash, boshqarish va monitoring qilish maqsadida idoralararo yaxlit Milliy axborot platformasi ishlab chiqiladi.

Kanalga ulanish👇👇👇
https://t.me/huquqiyaxborot_lotin

442 0 0 1

Andijon davlat texnika instituti | Rasmiy kanali

14 Feb, 07:23

Ватан ишқини қалбига жо этган Бобур

14 февраль – Заҳириддин Муҳаммад Бобур таваллуд топган кун

Бобур 1483 йили 14 февралда Андижон шаҳрида, Фарғона улусининг ҳокими Умаршайх Мирзо ва асли чингизийлардан бўлган малика Қутлуғ Нигор Хоним оиласида дунёга келади. «Бобур» сўзи форсий тилидан «бабр», яъни «барс»,«йўлбарс» деган маънони билдиради. Бобурнинг отаси Умаршайх Мирзо Соҳибқирон Амир Темур авлодидан. Амир Темурнинг учинчи ўғли Мироншоҳ Мирзонинг эвараси бўлган. Бобурнинг онаси Қутлуғ Нигор-Хоним мўғул хонларидан бири Юнусхоннинг қизи бўлган.

Ҳар бир халқнинг тарихий ва маданий-миллий қиёфасини белгилайдиган буюк шахслари, олимлари, йирик адиб ва шоирлари бўлади.

Заҳириддин Муҳаммад Бобур эса ўзбек мумтоз адабиётининг йирик вакили, буюк шоир, тарихчи, истеъдодли саркарда, Ҳиндистонда 332 йил ҳукм сурган Бобурийлар сулоласининг асосчиси сифатида бутун дунёга маълум ва машҳур дилбар шахсдир.

Қолаверса, Бобур фақиҳ, тилшунос, санъатшунос, этнограф, ҳайвонот ва набобат оламининг билимдони сифатида ҳам ўз давридаёқ ном қозонган.

Facebook | YouTube | Web-site
Instagram | Telegram

502 0 1 1

Andijon davlat texnika instituti | Rasmiy kanali

13 Feb, 17:42

#Qonunchilikdagi_yangiliklar

❗️Energiya resurslaridan noqonuniy foydalanish holatlariga qarshi kurashish sohasida samarali davlat nazorati amalga oshiriladi

“Energiya resurslaridan noqonuniy foydalanish holatlariga qarshi kurashish sohasi takomillashtirilishi munosabati bilan O'zbekiston Respublikasi Prezidentining ayrim hujjatlariga o'zgartirish va qo'shimchalar kiritish to'g'risida”gi Prezident Farmoni (PF-20-son, 10.02.2025 y.) qabul qilindi.

🔰Farmonga ko'ra, Prezidentining ayrim hujjatlariga quyidagilarni nazarda tutuvchi o'zgartirish va qo'shimchalar kiritildi:

🔹yoqilg'i-energetika resurslarini behuda sarflash hamda ulardan noqonuniy va samarasiz foydalanish holatlarini aniqlash;

🔹sifatsiz yoqilg'i mahsulotlari realizatsiyasiga chek qo'yish borasida davlat nazoratini amalga oshirish mexanizmlarini soddalashtirish.

📝 Jumladan, Prezidentining 2023-yil 24-maydagi Farmoniga kiritilgan qo'shimchaga ko'ra:

✅ Elektr energiyasi, neft mahsulotlari va gazdan foydalanishni nazorat qilish inspeksiyasi (O'zenergoinspeksiya) tomonidan yoqilg'i-energetika resurslarini qazib olish, ishlab chiqarish, qayta ishlash, tashish, saqlash, yetkazib berish (taqsimlash, sotish) va iste'mol qilish faoliyati bilan shug'ullanadigan xo'jalik yurituvchi subyektlarda ularning faoliyatini tartibga soluvchi qonunchilik hujjatlariga rioya etilishi bo'yicha o'tkaziladigan nazorat tadbirlari doirasida sutkaning istalgan vaqtida o'tkaziladigan tekshiruvlar tekshiruv boshlangandan so'ng 24 soat ichida “YAgona davlat nazorati” axborot tizimida ro'yxatga olish orqali vakolatli organni xabardor etish tartibida amalga oshiriladi.

Kanalga ulanish👇👇👇
https://t.me/huquqiyaxborot_lotin

927 0 1 1

Andijon davlat texnika instituti | Rasmiy kanali

13 Feb, 10:11

Intellektual mulk markazi vakillari ishtirokida seminar oʻtkazildi

Andijon davlat texnika institutida professor-oʻqituvchilar, tadqiqotchilar va soha vakillari uchun Adliya vazirligi huzuridagi Intellektual mulk markazi davlat muassasasi vakillari ishtirokida davra suhbati oʻtkazildi.
Unda Intellektual mulk markazi direktori Bahodir Sagdullayev, Texnologiyalar va innovatsiyalarni qo‘llab-quvvatlash markazlari faoliyatini muvofiqlashtirish bo‘kini boshlig‘i Sunnatulla Rahmonov hamda Ish faoliyatini tashkillashtirish va nazorat qilish bo‘limi bosh maslahatchisi Jiyenbay Shamshetovlar ishtirok etdi.
Tadbirda bugungi kunda muassasada amalga oshirilayotgan ishlar, sohadagi yangiliklar, 2022 — 2026-yillarda Oʻzbekiston Respublikasida intellektual mulk sohasini rivojlantirish boʻyicha belgilab berilgan strategiya va erishilgan yutuqlar haqida maʼlumot berib oʻtildi.
Shuningdek, tadbirda intellektual mulklarni himoya qilish, patent va guvohnomalar olish, uning rasmiylashtirilishi haqida maʼlumotlar taqdim etildi
Davra suhbati tarzida oʻtkazilgan seminarda professor – oʻqituvchilar va izlanuvchilar intellektual mulklarni himoya qilishga oid oʻzlarining qiziqtirgan savollariga javoblar oldilar.

✅ Bizni kuzatishda davom eting!
📱Telegram |📱 Facebook | 📱Instagram | 📱YouTube

1.1k 0 8 6

Andijon davlat texnika instituti | Rasmiy kanali

13 Feb, 07:41

#Amal_qiling

🔰 Qonunchilikka ko'ra, mualliflik huquqi ijodiy faoliyat natijasi bo'lmish fan, adabiyot va san'at asarlariga nisbatan, ularning maqsadi va qadr-qimmati, shuningdek ifodalanish usulidan qat'i nazar, tatbiq etiladi.

📢 Mualliflik huquqi biron-bir obyektiv shaklda bo'lgan oshkor qilingan asarlarga ham, oshkor qilinmagan asarlarga ham tatbiq etiladi.

📚 Muallif asaridan foydalanishga bo'lgan mutlaq huquqi asosida asarini tarjima qilishga yoki tarjima qilish huquqini berishga ruxsat berishi mumkin.

⚠️ Mualliflik huquqini va turdosh huquqlarni buzgan shaxslar ma'muriy hamda jinoiy javobgarlikka tortilishi mumkin.

1️⃣ Ma'muri javobgarlikka ko'ra, asarlarning yoki turdosh huquqlar obyektlarining kontrafakt nusxalarini takrorlash, tarqatish, barchaning e'tiboriga yetkazish quyidagicha miqdorda jarima solishga sabab bo'ladi:

🔹fuqarolarga BHMning 1 baravaridan 5 baravarigacha (375 ming so'mdan 1 mln 875 ming so'mgacha);
🔹mansabdor shaxslarga BHMning 5 baravaridan 10 baravarigacha (1 mln 875 ming so'mdan 3 mln 750 ming so'mgacha).

❗️Bunda, asarlarning va turdosh huquqlar obyektlarining kontrafakt nusxalari, shuningdek ularni takrorlash hamda tarqatish uchun foydalaniladigan materiallar va uskunalar hamda boshqa huquqbuzarlik sodir etish qurollari musodara qilinadi.

2️⃣ Jinoiy javobgarlikka ko'ra, mualliflik huquqini o'zlashtirib olish quyidagicha javobgarlikka sabab bo'ladi:

▪️BHMning 25 baravaridan 75 baravarigacha miqdorda jarima (9 mln 375 ming so'mdan 28 mln 125 ming so'mgacha);
▪️5 yilgacha muayyan huquqdan mahrum qilish yoxud 360 soatgacha majburiy jamoat ishlari;
▪️3 yilgacha axloq tuzatish ishlari.

‼️Qonunni bilmaslik javobgarlikdan ozod qilmaydi...

Kanalga ulanish👇👇👇
https://t.me/huquqiyaxborot_lotin

1.1k 0 1 1

Andijon davlat texnika instituti | Rasmiy kanali

12 Feb, 17:42

#Qonunchilikdagi_yangiliklar

❗️Ma'rifiy faoliyatni amalga oshirish tartibi belgilandi

Hukumat qarori (76-son, 11.02.2025 y.) bilan “Ma'rifiy faoliyatni amalga oshirish tartibi to'g'risida”gi nizom tasdiqlandi

🔰 Ma'rifiy faoliyat – insonni shaxsiy, intellektual va ma'naviy rivojlantirish, ijtimoiy va iqtisodiy faolligini oshirish, intellektual va ijodiy salohiyatini namoyon etish, individual salohiyati, imkoniyatlari, kommunikativ qobiliyatlarini yaxshilash uchun zarur ko'nikma va malakani shakllantirishga qaratilgan hamda davlat ta'lim standartlari bilan qamrab olinmaydigan faoliyat turi hisoblandi.

⚡️Nizom ma'rifiy faoliyatni amalga oshirish tartibi va shakllarini belgilaydi hamda quyidagilarni nazarda tutadi:

🔹ma'rifiy faoliyatni amalga oshirishning tashkiliy-huquqiy shakllari hamda ushbu faoliyatni amalga oshiruvchilarga nisbatan qo'yiladigan talablar;

🔹ma'rifiy faoliyatni amalga oshirish shakllari (ma'ruza, taqdimot, seminar, mahorat darsi, kurs, leksiya, marafon, davra suhbatlari hamda qonunchilikda taqiqlanmagan boshqa shakllarda, bevosita yoki onlayn, yakka tartibda yoki guruhlarda, pulli yoki bepul);

🔹ma'rifiy faoliyatni amalga oshirish tartibi, shu jumladan, ushbu faoliyat tinglovchilari orasida voyaga yetmagan shaxs mavjud bo'lsa, majburiy tartibda ma'rifiy faoliyat dasturini ishlab chiqish talabi;

🔹ma'rifiy faoliyat ishtirokchilarining huquqlari, majburiyatlari va ma'rifiy faoliyatni amalga oshirishda taqiqlanadigan xatti-harakatlar.

✔️ Ma'rifiy faoliyat bilan yuridik shaxs tashkil etib yoki yakka tartibdagi tadbirkor sifatida ro'yxatdan o'tib shug'ullanish mumkin.

🔍 Ma'rifiy faoliyat bilan yozma yoki elektron shaklda tuziladigan shartnomaga muvofiq pulli asosda shug'ullaniladi.

📚 14 yoshdan kichik shaxslarning ma'rifiy faoliyat tadbirlarida tinglovchi sifatida ishtirok etishlariga ularning ota-onasi (qonuniy vakillari) yozma roziligi bilan yo'l qo'yiladi.

Kanalga ulanish👇👇👇
https://t.me/huquqiyaxborot_lotin

1.2k 0 0