Baʼzi mavzularni yozish uchun rostan tayyor boʻlish kerak shekilli. Avvalroq olgan yana bir intervyuyim oʻzimga yoqmagandi, muharririm “qanday boʻldi?”, deb soʻrasalar, “boʻladi” deb, ichimda “naridan-beri” deb qoʻygandim. Shu bilan yozishga hech koʻnglim boʻlmay yurgandi. Hozir shu materialning ustida ishlab turib, “buncha zoʻr maʼlumotlar, zoʻr hikoya chiqarkan-ku”, deb oʻtiribman. Orada qilgan ishlarim, tarixiy mavzulardagi koʻrgazmalarni yoritganimning oʻrni boʻlsa kerak bunda.

Nimadir nimagadir sabab boʻlarkan-da. Koʻrgazmalarga borishni uncha xohlamasam ham bu jarayonda oʻrganganlarim oʻzim uchun sevimli yoʻnalishdagi ishlarni yanada yaxshiroq bajarishda yordam berayotganini sezib boryapman.