Tolibi ilmni ziynatlovchi fazilatlar

Tavoze. Ajoyib ta'riflardan biri, ko'zga ko'ringan insonni o'zidan ustun deb bilish. Yana bir ta'rifda inson o'z maqomini bilishi, o'zini o'ta past ham, baland ham sanamasligi aytilgan ekan.

Kamtarlik. Erishgan natijasiyu, qo'lgan kiritganlaridan havolanmaslik. Olgan ilmlaridan g'urur tuyg'usini tuymaslik.

Maqtanmaslik. Obro' insonga uning atrofdagilar tomonidan berilgan baho. O'ziga o'zi bergani emas. Harchand natijakor bo'lmasin, go'zal sukut ila ziynatlanish.

Ustozga ehtirom. Buyog'i o'zingizga ma'lum. Hazrati Aliy roziyallohu anhuning mashhur gaplari bilan kifoyalansak: من علمني حرفا صرت له عبدا. Kim menga bir harf o'rgatsa, men unga qul bo'laman degan gaplari ustoz qadrining naqadar ahamiyatli ekanligini ko'rsatib turibdi.

Allohga ko'p yolvorish. Ilm olishi asnosida samara bo'lsa ham, bo'lmasa ham o'rganayotgan ilmi manfaat berishini so'rab Allohga duo qilish.

Sabablarni tartiblash o'laroq shaxsiy hayotni nazorat qilish. Jumladan, quyoshdan oldin uyg'onish. Erta turishga odatlanib, eng barakali vaqtlarda dars qilish, vazifa tayyorlash kabi.

Eng asosiysi Alloh taolo barchamizni go'zal fe'l-atvor, chiroyli axloq ila ziynatlasin.

https://t.me/arabictadriys