Alisher Qodirov

@alisherQodir

Kanal geosi va tili: O‘zbekiston, O‘zbekcha

Toifa: Siyosat

PhD, PD, “Milliy tiklanish" DP MK raisi
fb.com/IQAlisher
https://instagram.com/alisherqodir.k
http://twitter.com/alisherQodir
Murojaat uchun: @alisherqodirov_bot

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Siyosat

Statistika

Saralanganlar

Postlar filtri

O‘chirilganlarni yashirish

Repostlarni yashirish

Alisher Qodirov

6 May, 17:29

03:45

Video oldindan ko‘rish uchun mavjud emas

Telegram'da ko‘rish

93 nafar deputatdan iborat “Taraqqiyot blogi” bo’yicha tashabbusimiz Qonunchilik palatasida tasdiqlandi.

Maqsadimiz faqat qonunchilik faoliyatida emas, jamiyatni birlashtirish va mamlakatimizni qudratli qilish yo’lida ham hamkorlik qilishdir.

@alisherQodir

669 0 11 44

Alisher Qodirov

5 May, 10:03

Bugungi global murakkabliklar davrida davlat hokimiyatining barcha qismlari mustahkam, barqaror va aniq maqsad yo‘lida ishlashi hal qiluvchi ahamiyatga ega.

“Milliy tiklanish” va O‘zLiDep partiyalarining Qonunchilik palatasidagi fraksiyalari “Taraqqiyot blogi”ni tuzish to‘g‘risidagi tashabbusni ma’qulladilar.

O‘zbekistonni rivojlanishi va xalqimizni farovonligi ustuvor maqsadimiz. Maqsadga qadriyatlarimizga uyg‘un, milliy manfaatlarimizga xizmat qiladigan qonunlar bilan erishish yo‘lida imkoniyatlarimizni birlashtirdik.

Davlatimiz va millatimizga xayrli bo‘lsin.

@alisherQodir

1.4k 3 36 84

Alisher Qodirov

2 May, 17:40

03:06

Video oldindan ko‘rish uchun mavjud emas

Telegram'da ko‘rish

O’zbek tili zamonaviy, taraqqiyot tili bo’lishi uchun birinchi navbatda qonunlarda, jiddiy zarurat bo’lmasa, begona tillardagi so’zlarni ishlatmasligimiz kerak.

O’zimizda qulay va keng qo’llaniladigan muqobillari bo’lsada, qonun tashabbuskorlari tomonidan “ko’p qonunlarda va normativ hujjatlarda ishlatilgani” sababli begona so’zlar taklif qilinmoqda.

Shu shaklda tilimiz bir so’z yo’qotib, begona so’z hisobiga zaiflashadi.

Vazirlar Mahkamasi huzuridagi Atamalar komissiyasi va tilimizning fidoiy olimlari bilan masalani muhokama qildik.

@alisherQodir

2.2k 1 31 94

Alisher Qodirov

1 May, 07:17

02:58

Video oldindan ko‘rish uchun mavjud emas

Telegram'da ko‘rish

Demokratiya boshqaruvning eng yaxshisi emasligiga bundan ham yorqinroq isbot bo’larmikan?

Arzonroq va ko’proq uchun hamma narsaga tayyor bir bo’lak saylovchi faqat o’zi emas, butun insoniyatni taqdiri bilan savdo qilish, dunyoni yashab bo’lmas holatga keltirish uchun de-yure va de-fakto huquq bermoqda.

@alisherQodir

2.3k 5 35 312

Alisher Qodirov

26 Apr, 06:34

01:15

Video oldindan ko‘rish uchun mavjud emas

Telegram'da ko‘rish

Yaxshi yashash uchun xarajat, mashaqqat va mas’uliyatga to’la oliy ta’lim yagona yo’l emas! Yoshlarimizni bu qarashdan qutqarishimiz kerak!

Maktabning so’nggi uch sinfi va undan keyin o’z tanlovi bilan kasb-hunar texnikumlarida nafaqat O’zbekiston, balki postsovet hududi, Sharqiy Yevropa va turkiy dunyo mehnat bozorlari talablariga uyg’un til va kasbga tayyorlash, xalqaro standarlardagi malaka darajasiga erishishimiz kerak.

Bu nafaqat yoshlarimizni jozibali daromad bilan ta’minlash, balki Rossiyaning tobora bosim quroliga aylanib borayotgan migratsiya siyosatidan qutulish uchun ham zarur.

Germaniya G’uzorda bir guruh yoshlarga nemis standartlariga muvofiq kasb o’rgatmoqda.

@alisherQodir

4.2k 1 13 73

Alisher Qodirov

25 Apr, 17:04

01:07

Video oldindan ko‘rish uchun mavjud emas

Telegram'da ko‘rish

Qashqadaryoning Gʻuzor tumanidagi "Dashtobod" mahallasida 3 mingdan ortiq xonadon yashaydi.

Ular pomidor yetishtirishga ixtisoslashgan bo‘lib, xonadonlar orasida daromadni ko‘p-kamligi bilan raqobat qiladilar. Zarur bo’lgan ko‘chat, o‘g‘it va plyonka mahallani o‘zida ishlab chiqarilmoqda.

Bironta ham ko‘makka muhtoj, bolasi xorijga ishlashga ketgan va ajrashgan oilani yo‘q ekanligi tabiiy qabul qilinadi.

Mahalladagi Hokim yordamchisi bilan pomidorni ikkilamchi qayta ishlash, eksport qilish istiqbollari va bu maqsadlar uchun muqobil energetika ahamiyatini muhokama qildik…

Mahallada bozor iqtisodiyoti ishlayapdi.

@alisherQodir

2.1k 0 10 56

Alisher Qodirov

24 Apr, 10:55

Bugun Qashqadaryoda ishlaymiz.

O’zbekiston-2030 strategiyasi va partiya dasturida belgilangan vazifalarni amalga oshirilish holatini xalq vakillari bilan birga tahlil qilamiz va Hukumat bilan muhokamaga tayyorgarlik ko’ramiz.

@alisherQodir

2.2k 0 14 98

Alisher Qodirov

23 Apr, 15:47

Rus siyosatchilari O’zbekistonda rus madaniyati va rus tiliga bo’lgan munosabatni yomonlashtirish uchun hamma yo’llarni sinab ko’rishmoqda.

Nega O’zbekistonda yoshlar hech kim eslatib turmasa ham ingliz, nemis, turk va arab tillarini o’rganishga harakat qiladilar?

So’rab olingan hurmat va yolg’on yaratilgan ehtiyojdan faqat teskari natija bo’lishini vazir Lavrov bilmasligi mumkin emas.

@alisherQodir

Лавров отметил отсутствие надписи на русском у Вечного огня в Самарканде

Глава МИД РФ заметил, что у мемориала "Скорбящая мать" памятные слова павшим воинам переведены только на английский язык

5.2k 13 96 482

Alisher Qodirov

22 Apr, 16:17

01:21

Video oldindan ko‘rish uchun mavjud emas

Telegram'da ko‘rish

Maxluqot ichida insonni mukarramligi uni manfaatlariga erishish imkoniyatida emas, to‘g‘ri manfaat va maqsadni belgilay olish imkoniyatini beradigan tafakkuridadir.

O‘zbekiston fidoyilari bo‘lgan idoralar hamkorlikda O‘zbekistonda kitob o‘qish haftaligini tashabbus qildik.

Umidimiz, haftalar oylarga, oylar yillarga aylanib ketadi va O‘zbekistonni ma’rifatli insonlar yurtiga aylantiramiz.

@alisherQodir

3.2k 0 13 64

Alisher Qodirov

21 Apr, 07:02

01:14

Video oldindan ko‘rish uchun mavjud emas

Telegram'da ko‘rish

Barqaror muvaffaqiyat - muvaffaqiyatni to’g’ri boshqarishdir.

Husanovni ortidan Hasanovlar ham kelishi, illatimizdek - natijani e’tirof va olqishlarga bo’g’ib tashlamasligimizga bog’liq.

Muvaffaqiyat uchun o‘jarlik yoki yiqilgandan keyin turish - murabbiy va futbolchilarimiz uchun xususiyatga aylanmoqda. Bu “xususiyat” futboldan toshib barcha yoshlarga “yuqushi” kerak.

@alisherQodir

3.1k 1 22 113

Alisher Qodirov

19 Apr, 17:18

Turkiy davlatlarni birlik va hamjihatligi uchun Markaziy Osiyo iqtisodiy qudratli mintaqaga aylanishi kerak. Shu sabab mintaqa davlatlari rivojlanish imkoniyatlaridan to’g’ri foydalanishga majburlar.

Imkoniyati bo’lmagani uchun Turkistonni bosib olinishiga rozi bo’lgan Turkiya, Markaziy Osiyo nima uchun Shimoliy Kipr va Qirimni alohida tarozilarda torta olmasligini to’g’ri tushunishi kerak.

Turkiy dunyo yetarli darajada sinalib bo’lgan, endi mustahkam ishonch ildiz otishi kerak.

@alisherQodir

3.3k 3 39 128

Alisher Qodirov

15 Apr, 15:49

Tashqi ishlar vaziri B.Saidovga Xorijiy mamlakatlarda bo‘lib turgan O‘zbekiston fuqarolarining huquqlari va qonuniy manfaatlarini himoya qilish borasida ko‘rilayotgan chora-tadbirlar to‘g‘risida parlament so’rovi yuborildi.

@alisherQodir

4.1k 5 37 128

Alisher Qodirov

15 Apr, 15:00

Ma'muriy javobgarlik to‘g‘risidagi Kodeksning 46-moddasiga 2-qo‘shimcha kiritilmoqda:

Sun’iy intellektdan foydalanib, shaxsga doir ma’lumotlarga noqonuniy ishlov bergan va tarqatganlarni ish qurollari musodara qilinadi, o‘n besh sutkagacha ma’muriy qamoqqa olinadi yoki bazaviy hisoblash miqdorining ellik baravaridan yuz baravargacha jarimaga tortiladi!

@alisherQodir

7k 4 53 88

Alisher Qodirov

14 Apr, 14:58

«Huquqbuzarliklar profilaktikasi to‘g‘risida»gi qonunda haydovchilik huquqidan mahrum qilingan fuqaroni profilaktik ro‘yxatga olish va uni huquqdan mahrum qilingan davrda nazorat qilish haqidagi normani ma’qullamadik.

Ertaga yalpi majlisda ushbu normaga qarshi ovoz beramiz, biroq fraksiyamizning ovozi yetmay qolishi ham mumkin.

@alisherQodir

5k 3 25 77

Alisher Qodirov

11 Apr, 07:56

Erkinlik hayotiy zarurat, busiz taraqqiyot bo‘lmaydi, lekin sharti - ochiqlik, mas’uliyat va javobgarlikdir!

Axborot maydonida haqorat, kamsitish, tahqirlash og’ir jinoyatga tenglashtirilishi va jiddiy jazolanishi kerak.

Kimgadir adovat sochish uchun “xalq” so’zidan qalqon yasab olayotganlar ortib bormoqda. Xalq fikrini ifoda qilish huquqi kimga berilgani Konstitutsiyada belgilab qo‘yilgan (10-modda), qolgan hamma o‘z nomidan gapirishi, muhokama, munozara qilishi va oqibatini zimmasiga olishni o‘rganishi kerak.

Afsuski, juda yomon tajriba, biznes va boshqaruv tor manfaatlarga erishish uchun shaxsiyat va farosatda majruhlarni internet tarmog‘ida muvofiqlashtirish va yo‘naltirishni o‘rganib oldi. Qonunlar bunday manipulyatorlarni to‘xtatishi, kim bo‘lishidan qat’iy nazar keskin chora ko’rishi kerak (tavsiya qilaman, «Нулевой день» teleserialini ko‘rib chiqing).

Bunday axborot loyihalari vaqti bilan boshqarib bo‘lmaydigan maxluqqa aylanib ketib, birinchi navbatda mualliflari, keyinchalik, minglab yosh-u qari, katta-yu kichikni xonavayron qilishi mumkinligini Ukraina inqirozi yaqqol ko‘rsatib bermadimi?

Internet daromad ko‘rish bilan birga shaxsiy qarashlarni izoh qiladigan maydon ekanligi, albatta, yaxshi, bu so‘nggi davrning eng foydali kashfiyotlaridan biri, buni olqishlaymiz. Lekin erkinlik ekan deb, tartib va madaniyat chegaralarini buzadigan beboshlar bilan murosani to‘xtatish kerak.

“Milliy tiklanish” partiyasi bu masalada qonunga taklif tayyorlab, jamoatchilik bilan muhokama qilmoqchi.

@alisherQodir

5.3k 34 43 95

Alisher Qodirov

9 Apr, 08:37

12:42

Video oldindan ko‘rish uchun mavjud emas

Telegram'da ko‘rish

Davlatlar ham insonlardek hisoblarida adashib zarar ko‘radilar. Zararning ko‘lami yoki xatodan chiqarilgan xulosa inson, millat yoki davlatning oqibatini belgilaydi.

Qondosh xoqonlar tarqoqligining oqibatlaridan xulosa qilmagan sarkarda sultonlarimiz turkiylarning sargardonliklarini asrlar davom etishiga yo’l ochdilar.

Bugungi turkiy davlatlarning o'zaro munosabati tarixdan to’g’ri xulosalar qilinganidan darak bermoqda.
🇺🇿🇹🇷🇰🇿🇦🇿🇰🇬🇹🇲🇹🇯

@alisherQodir

3.2k 0 21 59

Alisher Qodirov

8 Apr, 08:02

02:30

Video oldindan ko‘rish uchun mavjud emas

Telegram'da ko‘rish

Davlatimiz rahbarini Parlamentlararo ittifoqning Toshkentda o‘tayotgan sammitida ishtirok etayotgan 140 dan ortiq davlatning 2 mingga yaqin deputatlariga murojaati va dunyoni notinch qilayotgan muammolar bo’yicha fikrlarini qo’llab-quvvatlaymiz:

Ukraina inqirozi BMT rahbarligida, amaldagi xalqaro huquq normalari asosida hal etilishi kerak;

Falastin inqirozi uchun yagona yechim “ikki xalq uchun - ikki davlat” tamoyilidir;

Afg’oniston muammolari bilan yolg’iz qoldirilmasligi kerak;

Qayta tiklanadigan energiyaga ustuvorlik berish, “yashil” texnologiyalarga o’tishni rag’batlantirish – kelajak avlodlar oldidagi majburiyatimizga aylandi;

Sun’iy intellekt sohasida butun dunyoda o’yin qoidalari bir xil bo’lishi lozim;

Parlamentlararo ittifoq tizimida Yoshlar parlamentlarining global platformasi kerak;

Butun dunyo kambag’allikdan qutulish yo’lini birgalikda izlashi kerak. Masalani birinchi bo’lib Toshkent konferensiyasida muhokama qilishga tayyormiz.

@alisherQodir

3.3k 2 19 67

Alisher Qodirov

2 Apr, 07:18

Markaziy Osiyoni nizolarga to‘la munosabatlardan ittifoqchilik va barcha sohalarda o‘zaro manfaatli hamkorlik makoniga aylantirgan O‘zbekiston tashqi siyosati, dunyoni tobora borsa-kelmas nuqtaga yetaklayotgan yirik davlatlar uchun qo‘llanma bo‘lishi mumkin.

Milliy manfaatlarda murosasizlik yoki inson huquqlari masalasida yagona o‘lchovlar joriy qilishga intilish yuz minglab aybsizlar, jumladan bolalar va ayollar umriga zomin bo‘lmoqda. Ikki xil standartdan tortinmayotgan bir qator davlatlar murosa nuqtasini topishda O‘zbekiston tajribasini yaqindan o‘rganishlari kerak.

Ishonchim komil, Samarqand sammiti faqat Markaziy Osiyo va Yevropa Ittifoqi aloqalarini o‘zgarishi bilan cheklanib qolmaydi.

@alisherQodir

3.7k 0 17 88

Alisher Qodirov

31 Mar, 14:22

Markaziy Osiyoda ittifoqchilik muhitini mustahkamlanib borishi O‘zbekiston tashqi siyosatining muvaffaqiyatidir. Bu mintaqada azaldan kuchni adolatda ekanligiga bo‘lgan qat’iy ishonch bilan ham bog‘liq.

Balki global inqirozga sabab bo‘layotgan barcha taraflarni Samarqandda muzokaraga jamlash haqida ham o‘ylab ko‘rish kerakdir…

@alisherQodir

3.2k 4 19 92

Alisher Qodirov

31 Mar, 14:21

Markaziy Osiyoda ittifoqchilik muhitini mustahkamlanib borishi O‘zbekiston tashqi siyosatining muvaffaqiyatidir. Bu mintaqada azaldan kuchni adolatda ekanligiga bo‘lgan qat’iy ishonchi bilan ham bog‘liq.

Balki global inqirozga sabab bo‘layotgan barcha taraflarni Samarqandda muzokaraga jamlash haqida ham o‘ylab ko‘rish kerakdir…

@alisherQodir

21 0 0

20 ta oxirgi post ko‘rsatilgan.