Tirilish - Lev Nikolayevich Tolstoy
Nihoyat men bu asarni tugatdim. Juda qiziqarli deya olmayman chunki o'zim Tolstoyning asarlarini o'qishda qiynalaman. Ammo sabr va qanoat bilan o'qilgan asar menda yaxshi taassurot qoldirdi. Asar bosh qahramonlari Dmitriy Ivanovich Nexlyudov bilan Katyusha Maslova (keyinchalik biroz muddat Lyubka deb atalgan). Katyusha tug'ilganda uni uyi uy egalari ya'ni opa-singil bekalar uni asrab olmoqchi bo'lishadi. Biri uni asrandi qiz qilishni xohlasa ikkinchisi uni oqsoch qilishni istaydi. Oqibatda u na oqsoch va na asrandi qiz bo'ladi. Ya'ni arosatdagi bir qiz bo'lib voyaga yetadi. 17 yoshida bekalarning jiyani kelib uni zo‘rlaydi va uni qo'liga pul tutqazib ketadi. Oqibatda u ishidan ayriladi va bolasi ham nobud bo'ladi. Maslovani sud zalida ko'rgan Nexlyudov o'zini qanday gunoh qilganini anglaydi va gunohini yuvmoqchi bo'ladi. Maslovani ozod qilishga harakat qiladi va unga uylanishga urinadi. Ammo Maslova unga rozilik bermaydi. Maslova katorga jazosiga hukm etiladi. Nexlyudov uni qutqarish uchun podshohgacha borib harakat qiladi. Oqibatda Maslova siyosiy mahbuslar davrasiga kirib qoladi va ularga havas qiladi. Chunki ular aqlli edilar va o'zlarini hamma narsani biladigandek tutadilar. Oqibatda Nexlyudov Maslovaga uylanmasa ham uni faxshdan, buzuqlikdan va mayxo‘rlikdan olib chiqib, qay bir ma'noda Tirilishiga sabab bo'ladi. Maslova bahonasida Nexlyudov ham qamoqxonani, undagi vaziyat naqadar og'irligini va aybsiz aybdorlar qamoqxonada naqadar ko'pligini ko'radi.

@al1evblog