Transparency International tashkiloti 2024-yil uchun Korruptsiyani qabul qilish indeksiga ko'ra, O‘zbekiston 100 balldan 32 ball olib, 121-o‘ringa tushdi. Bu 2012-yildan beri ilk bor indeksdagi pasayish bo‘ldi.

Taqqoslash uchun, qo‘shni Qozog‘iston 40 ball bilan 88-o‘rinni egalladi, Qirg‘iziston – 25 ball (146-o‘rin), Tojikiston – 19 ball (164-o‘rin) va Turkmaniston – 17 ball (165-o‘rin)

📊 O‘zbekistonliklarning korruptsiyaga qarashi (so‘rovnomada ishtirok etganlar - 500ta):
▪️aksariyat fuqarolar korruptsiyani poraxo‘rlik va tanish-bilishchilik bilan bog‘laydi.
▪️faqat yarmigina hokimiyat vakolatlarining suiiste’mol qilinishi ham korruptsiya ekanini tan oladi.
▪️Ko‘pchilik davlat xizmatchilarining qimmatbaho sovg‘alar va pul olishini korruptsiya deb hisoblamaydi.

Ekspertlar korruptsiyaning yuqori darajada qolishiga uchta asosiy sababni ko‘rsatmoqda:
▪️ Mayda korruptsiya odatiy holga aylangan. Katta miqdordagi poralar e’tiborni tortadi, biroq kichik miqdordagilar odatda e’tiborsiz qoladi.
▪️Jazo yengilligi. 2023-yilda korruptsiya bilan bog‘liq sudlanganlarning atigi 20% qamoq jazosiga hukm qilingan, 42% esa yengil jazolar bilan qutulgan.
▪️Tanish-bilishchilik va himoya tizimi. Hukumat tizimidagi shaxslar bir-birini himoya qilgani sababli ko‘plab korruptsionerlarga minimal yoki umuman jazo qo‘llanilmaydi.

👉🏿 @akromov_tahlili 👈🏿