🟦🟦🟦

Assalomu alaykum, hurmatli talaba-yoshlar, aziz hamkasblar!

Sizlarni va sizlar orqali oila a’zolaringizni, yaqinlaringizni kirib kelayotgan 2025-yil bilan chin qalbimdan samimiy tabriklayman.
Bu quvonchli damlarda barchangizga o‘z minnatdorligimni izhor etgan holda, eng ezgu tilaklarimni yo‘llayman.

Yangi yil arafasida turib, o‘tgan yilimizga nazar tashlasak, u hayotimizga katta yutuqlar, muhim o‘zgarishlar va yaxshi xotiralar olib keldi. “Yoshlar va biznesni qoʻllab-quvvatlash yili” doirasida institutimiz talabalari va jamoasi bilan birgalikda ulkan ishlarga qo‘l urdik, ko‘plab muvaffaqiyatlarga erishdik. Bu yutuqlarda siz, hurmatli talabalar va fidoyi hamkasblarimning hissasi beqiyosdir.

Kirib kelayotgan 2025-yil — Atrof-muhitni asrash va “yashil” iqtisodiyot yili esa oldimizga yangi vazifalar va yangi maqsadlarni qo‘yadi. Ishonamanki, bu yil ham birdamligimiz, tinimsiz mehnatimiz va qat’iyatimiz bilan ulkan zafarlarni qo‘lga kiritamiz.

Yangi yilning dastlabki kunlaridan boshlab qalblarimizda ezgu niyatlar va ijobiy o‘zgarishlarga intilish tuyg‘usi ustuvor bo‘lishiga tilakdoshman. Sizlarga sihat-salomatlik, xonadonlaringizga tinchlik va farovonlik, oila davralaringizga baxtu saodat tilayman.

Yangi yil hammamiz uchun quvonch va muvaffaqiyatlar yili bo‘lsin!
2025-yil barchamizga muborak bo‘lsin!

Hurmat bilan,
Rasulov Baxtiyor Mahmudjonovich
Andijon davlat pedagogika instituti rektori

✅@BaxtiyorRasulov