Ота-боболар доим ўтмишингни унутма, деб бежиз айтишмаган. Мана бу вайнер бундан 4-5 йил аввал битта реклама чиқса қанийди деб юрган эди. Аллоҳнинг фазли билан бугун оти учиб, ўзича унча-бунчасини менсимай қўйибди.

Барака топгур! Меҳмон бўлиб борибсан, нон-тузини ебсан яна қайси виждон билан калака қиляпсан!? Кечагина сен калака қилаётган шу шароитлар ҳам орзуйинг эди-ку!

Аввал таъкидлаганимдек, бугунги вайнерлар ёшлар орасидаги соғлом мезонларни бузиб ташлашди. Улар калла ишламаса ҳам, кўп пул топиш мумкинлигини амалда исботлаб беришди ва бу тенденция вирусдай тарқалиб кетди.

Тан олиш керак, йиллар давомида ўқиб изланиб, манашу калласизлар эришган моддийликка эришиш бизнинг шароитда иложсиз. Табиийки одам доим осонига талпинади. Ёшлар эса машаққат билан бойлик топиш ўрнига масхарабозлик қилиб, осон бойиб кетиш хаёлида. Бу жуда ёмон тенденция. Бу жамиятни чўктирадиган тенденция. Бу давлатни кучсизлантирадиган тенденция!

Токи давлатда энг катта шараф интеллект ортидан келмас экан, бунақа юртда масхарабозу машшоқлар кўпайиб, илмга рағбат ўлиб бораверади! Илм ўлган жойда эса ҳамма нарса йўқликка маҳкум...

@adolat_kuychisi