Tadbrikorlarni himoya qilish uchun andak foydali qaror qabul qilindi. Endi bank o'zidan o'zi hisob-raqamni bloklay olmaydi. Qonunga rioya qilmagan mayli jazosini olsin, jarimasini to'lasin, lekin biznes to'xtamasligi kerak. Bundan hech kimga foyda emas, faqat zarar. Biznes egasiga, uning hamkorlariga, korxona xodimlarga... Biznes pul bilan tirik, agar pul aylanmasa biznes daromad topmaydi, daromad topmasa soliq to'lamaydi, demak budjetga ham zarari bor.

"Fuqarolar va tadbirkorlik subyektlarining huquqlarini sud orqali himoya qilishning zamonaviy mexanizmlarini joriy etish bo‘yicha qo‘shimcha chora-tadbirlar to‘g‘risida" Prezident Qarori qabul qilindi.

2025-yil 1-maydan tadbirkorlar tan olgan soliqqa oid huquqbuzarliklar bo‘yicha soliq organi tadbirkorlarning banklardagi hisobvaraqlari bo‘yicha operatsiyalarni to‘xtatib qo‘yish tartibi joriy etiladi:

◽️tadbirkor soliqqa oid huquqbuzarlikni tan olganda, soliq organi mustaqil ravishda bank operatsiyalarini to‘xtatib qo‘yishi mumkin.
◽️tadbirkor soliqqa oid huquqbuzarlikni tan olmagan va e'tiroz bildirgan taqdirda, amaldagi tartibga muvofiq sud tomonidan hal etilishi belgilanmoqda.

❗️Ushbu tartib Soliq kodeksiga tegishli o‘zgarishlar kiritilganidan keyin amaliyotga joriy etiladi.
👉Soliq kodeksi 2- va 75-moddasi

Amaldagi tartib qanday?

Soliq to‘lovchilar soliq hisobotlarini belgilangan muddatdan keyin 10 kun ichida taqdim etmaganda, bankdagi hisobvaraqlari bo‘yicha operatsiyalari to‘xtatib turiladi.

◽️Soliq organi faqat 10 kundan ko‘p bo‘lmaganda hisobvaraq operatsiyalarini to‘xtatib turishi mumkin.
◽️10 kundan ko‘p bo‘lganda, faqat sudning qarori asosida amalga oshiriladi.

©soliq.uz

🖥 Abdurahmon Iminov | Blog