🇺🇿🇹🇷 Xalqaro yoshlar almashinuv dasturi - O'zbekiston va Turkiya hamkorligi

19-25 avgust kunlari xizmat va sayohat safari bilan O'zbekiston delegatsiyasi tarkibida, "Ibrat farzandlari" loyihasi vakili sifatida Turkiyaning Istanbul, Bursa, va Canakkale hududlarida bo'ldim. Biz delegatsiyamiz bilan 7 kun davomida Turkiyaning tarixiy, zamonaviy obidalari va ko'plab yoshlar markazlariga tashrif buyurdik.

Safarimiz davomida O'zbekistonda yoshlar siyosati bo'yicha qilinayotgan ishlar, xususan "Ibrat farzandlari" loyihasi bo'yicha ularga ma'lumotlar berdik, fikr va tajribalar almashdik. Turkiyaning yoshlari, yoshlar siyosati mutasaddilari bilan uchrashuvlar davomida o'zim uchun yangi tajribalar, bilimlar orttirdim.

"Ibrat Debate" loyihasi doirasida va targ'ibotlarda faol volontyor sifatida qilgan ishlarimizni qadrlab bizga shu kabi imkoniyatlarni yaratib berganlari uchun Yoshlar ishlari agentligi direktori Alisher Sa'dullayevga, "Ibrat Farzandlari" raisi Rustam Qoriyevga va "Ibrat academy" ilova boshqaruvchisi Iskandar Komoldinovga o'z minnatdorchiligimni bildirmoqchiman.

O'ylaymanki, bu safardan olgan taassurotlarim va bilimlarim bilan "Ibrat Debate" loyihasi rivoji uchun yanada ko'proq ishlar qilishga erishamiz.

Yana bir bor kattakon rahmat !